ಸತ್ಯಂ ಕಂಪ್ಯೂಟರ್ಸ್ಗೆ ಮೊದಲ ತ್ರೆೃಮಾಸಿಕದಲ್ಲಿ ಶೇ.141.15 ಲಾಭ
ಸಾಫ್ಟ್ವೇರ್ ದಿಗ್ಗಜ ಇನ್ಫೋಸಿಸ್ ಪ್ರಸಕ್ತ ವಿತ್ತ ವರ್ಷದ ಮೊದಲ ತ್ರೆೃಮಾಸಿಕದಲ್ಲಿ ಲಾಭ ಹೆಚ್ಚಳದ ಪಟಾಕಿ ಸಿಡಿಸಿದರೆ, ಅದರ ಸ್ಪರ್ಧಿ ಸತ್ಯಂ ಕಂಪ್ಯೂಟರ್ ಸರ್ವಿಸಸ್ ಲಾಭದ ಬಾಂಬನ್ನೇ ಹಾಕಿದೆ ! ಪ್ರಥಮ ತ್ರೆೃಮಾಸಿಕದಲ್ಲಿ ಕಂಪನಿ ಮಾಡಿರುವ ನಿವ್ವಳ ಲಾಭ ಪ್ರತಿಶತ 141.15.
ಕಂಪನಿ 2001- 2002ನೇ ವಿತ್ತ ವರ್ಷದ ಪ್ರಥಮ ತ್ರೆೃಮಾಸಿಕದಲ್ಲಿ (ಜೂನ್ 30ಕ್ಕೆ ಮುಗಿದಿರುವ ಮೊದಲ 3 ತಿಂಗಳಲ್ಲಿ) 121 ಕೋಟಿ ರುಪಾಯಿ ನಿವ್ವಳ ಲಾಭ ಮಾಡಿದೆ. ಈ ಅವಧಿಯಲ್ಲಿ 421 ಕೋಟಿ ರುಪಾಯಿ ವಹಿವಾಟು ನಡೆಸಿದೆ. ಕಳೆದ ವಿತ್ತ ವರ್ಷದ ಮೊದಲ ತ್ರೆೃಮಾಸಿಕದಲ್ಲಿ ಕಂಪನಿಯ ನಿವ್ವಳ ಲಾಭ 50.3 ಕೋಟಿ ಹಾಗೂ ವಹಿವಾಟು 240 ಕೋಟಿ ರುಪಾಯಿಯಾಗಿತ್ತು. ಅಂದರೆ, ವಹಿವಾಟಿನಲ್ಲಿ 74 ಪ್ರತಿಶತ ಏರಿಕೆಯಾಗಿದೆ.
ಪ್ರಸ್ತುತ ಸಾಫ್ಟ್ವೇರ್ ರಫ್ತಿನಲ್ಲಿ ಭಾರತದಲ್ಲಿ ನಾಲ್ಕನೇ ಸ್ಥಾನದಲ್ಲಿರುವ ಸತ್ಯಂ, ಇನ್ಫೋಸಿಸ್ ಅಲೆಯೆಬ್ಬಿಸುವ ಮುನ್ನ ನಂಬರ್ ಒನ್ ಕಂಪನಿಯಾಗಿತ್ತು. ಅಮೆರಿಕೆಯ ಆರ್ಥಿಕ ಹಿನ್ನಡೆಯಿಂದ ಭಾರತದ ಸಾಫ್ಟ್ವೇರ್ ಕಂಪನಿಗಳಿಗೆ ಯಾವುದೇ ಏಟು ಬಿದ್ದಿಲ್ಲ ಎಂಬುದನ್ನು ಸತ್ಯಂ ರುಜುವಾತು ಮಾಡಿದೆ. ಮುಂದೆಯೂ ತನ್ನ ಲಾಭದ ಓಟ ಹೆಚ್ಚಿಸಿಕೊಳ್ಳುವ ವಿಶ್ವಾಸ ಕಂಪನಿಯದ್ದು.
ಮಂಗಳವಾರ ಇನ್ಫೋಸಿಸ್ನ ಮೊದಲ ತ್ರೆೃಮಾಸಿಕ ವಿತ್ತ ಪ್ರಕಟಣೆ ಹೊರಬೀಳುತ್ತಿದ್ದಂತೆ ಮಾರುಕಟ್ಟೆ ಸೂಚ್ಯಂಕದಲ್ಲಿ ಗಣನೀಯ ಏರಿಕೆ ಕಂಡು ಬಂದಿತ್ತು. ಬುಧವಾರ ಕೂಡ ಇದು ಮುಂದುವರೆಯುವ ನಿರೀಕ್ಷೆಯಿದೆ.
(ಇನ್ಫೋ ವಾರ್ತೆ)
ವಾರ್ತಾ
ಸಂಚಯ
ಮುಖಪುಟ
/
ಕರ್ನಾಟಕ
ಸಿಲಿಕಾನ್
ಕಣಿವೆ