ಫಿಶರೀಸ್‌ ಕಾಲೇಜಿನ ಎಸ್‌.ಕೆ. ಒಟ್ಟಾಗೆ ರಾಷ್ಟ್ರೀಯ ಪ್ರಶಸ್ತಿ

ಮಂಗಳೂರು : ಇಲ್ಲಿನ ಫಿಶರೀಸ್‌ ಕಾಲೇಜಿನ ಮೈಕ್ರೋ ಬಯಾಲಜಿ ವಿಭಾಗದ ರಿಸರ್ಚ್‌ ಸೈಂಟಿಸ್ಟ್‌ ಡಾ. ಎಸ್‌. ಕೆ. ಒಟ್ಟಾ ಅವರಿಗೆ ರಾಷ್ಟ್ರೀಯ ಕೃಷಿ ವಿಜ್ಞಾನ ಅಕಾಡೆಮಿಯ ರಾಷ್ಟ್ರೀಯ ದೊರೆತಿದೆ.

ಗೌಹಾತಿಯಲ್ಲಿ ಇತ್ತೀಚೆಗೆ ನಡೆದ ಐದನೇ ರಾಷ್ಟ್ರೀಯ ವಿಜ್ಞಾನ ಮೇಳದಲ್ಲಿ ಒಟ್ಟಾ ಅವರಿಗೆ ಪ್ರಶಸ್ತಿ ಪ್ರದಾನ ಮಾಡಲಾಯ್ತು. ಅಸ್ಸಾಂನ ರಾಜ್ಯಪಾಲರು ಪ್ರಶಸ್ತಿ ಪ್ರದಾನ ಮಾಡಿ ಒಟ್ಟಾ ಅವರ ಅಧ್ಯಯನ, ಸಾಧನೆಗಳನ್ನು ಶ್ಲಾಘಿಸಿದರು.

25 ಸಾವಿರ ರೂಪಾಯಿ ನಗದು ಮತ್ತು ಚಿನ್ನದ ಪದಕವನ್ನು ಪ್ರಶಸ್ತಿ ಒಳಗೊಂಡಿದೆ. ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ಪ್ರಸಿದ್ಧ ವಿಜ್ಞಾನಿ ಡಾ. ಎಂ. ಎಸ್‌ ಸ್ವಾಮಿನಾಥನ್‌ ಅವರು ಎಸ್‌.ಕೆ. ಒಟ್ಟಾ ಅವರನ್ನು ಅಭಿನಂದಿಸಿದರು. ಆಹಾರ ತಂತ್ರಜ್ಞಾನ ಅಭಿವೃದ್ಧಿಯಲ್ಲಿ ಡಾ. ಒಟ್ಟಾ ಅವರು ನಡೆಸಿರುವ ಅಧ್ಯಯನದ ಹಿನ್ನೆಲೆಯಲ್ಲಿ ಕಳೆದ ವರ್ಷ ನವೆಂಬರ್‌ನಲ್ಲಿ ಅವರಿಗೆ ಯುವ ವಿಜ್ಞಾನಿ ಪ್ರಶಸ್ತಿ ದೊರೆತುದನ್ನು ಇಲ್ಲಿ ಸ್ಮರಿಸಬಹುದು.

(ಇನ್ಫೋ ವಾರ್ತೆ)