ಸೋಮವಾರ ಬ್ರೀಚ್‌ಕ್ಯಾಂಡಿ ಆಸ್ಪತ್ರೆಯಿಂದ ಪ್ರಧಾನಿ ಬಿಡುಗಡೆ?

ಮುಂಬಯಿ : ಇಲ್ಲಿನ ಬ್ರೀಚ್‌ಕ್ಯಾಂಡಿ ಆಸ್ಪತ್ರೆಯಲ್ಲಿ ಜೂನ್‌ 7 ರಂದು ಬಲ ಮಂಡಿ ಶಸ್ತ್ರ ಚಿಕಿತ್ಸೆಗೊಳಗಾಗಿದ್ದ ಪ್ರಧಾನಿ ವಾಜಪೇಯಿ ವಾರಾಂತ್ಯದಲ್ಲಿ ಅಥವಾ ಬರುವ ಸೋಮವಾರ (ಜೂನ್‌ 18) ಆಸ್ಪತ್ರೆಯಿಂದ ಬಿಡುಗಡೆ ಹೊಂದುವ ನಿರೀಕ್ಷೆಯಿದೆ .

ಈ ಸುದ್ದಿಯನ್ನು ಆಸ್ಪತ್ರೆಯ ಯೋಜನಾ ಮತ್ತು ಮಾರುಕಟ್ಟೆ ವಿಭಾಗದ ಜನರಲ್‌ ಮೇನೇಜರ್‌ ಸೈರಸ್‌ ಇಂಜಿನಿಯರ್‌ ಯುಎನ್‌ಐ ಪ್ರತಿನಿಧಿಗೆ ತಿಳಿಸಿದ್ದಾರೆ. ಆಸ್ಪತ್ರೆಯ ವೈದ್ಯರು ಪ್ರಧಾನಿಯವರ ಆರೋಗ್ಯ ಸುಧಾರಣೆಯ ಬಗ್ಗೆ ತೃಪ್ತಿ ವ್ಯಕ್ತಪಡಿಸಿದ್ದಾರೆ ಎಂದೂ ಅವರು ಹೇಳಿದ್ದಾರೆ.

ಈ ನಡುವೆ ಅಂತರರಾಷ್ಟ್ರೀಯ ಸಮ್ಮೇಳನವೊಂದರಲ್ಲಿ ಭಾಗವಹಿಸುವ ಸಲುವಾಗಿ ಡಾ. ಚಿತ್ತರಂಜನ್‌ ರಣಾವತ್‌ ಅವರು ಬುಧವಾರ ಜಪಾನ್‌ಗೆ ತೆರಳಿದರು. ಪ್ರಧಾನಿಯವರ ಶಸ್ತ್ರ ಚಿಕಿತ್ಸೆಯ ನಿಮಿತ್ತವಾಗಿ ನ್ಯೂಯಾರ್ಕ್‌ ಮೂಲದ ಈ ತಜ್ಞ ವೈದ್ಯ ಜೂನ್‌ 6 ರಂದು ಭಾರತಕ್ಕೆ ಆಗಮಿಸಿದ್ದರು.

(ಯುಎನ್‌ಐ)