ಭಾಭಾ ಅಣುಸಂಶೋಧನಾ ಕೇಂದ್ರದ ಜೊತೆ ಎಚ್‌ಎಂಟಿ ಒಪ್ಪಂದ

ಬೆಂಗಳೂರು : ಸಾರ್ವಜನಿಕ ವಲಯದ ಎಚ್‌ಎಂಟಿ ಯಂತ್ರೋಪಕರಣ ಸಂಸ್ಥೆಯು ಹೌಸಿಂಗ್‌ ಫ್ರೇಮ್ಸ್‌ ಮತ್ತು ವಿಕಿರಣ ಸಂರಕ್ಷಿತ ಕಿಟಕಿಗಳ ತಯಾರಿಕೆ ಸಂಬಂಧ ಭಾಭಾ ಅಣುಸಂಶೋಧನಾ ಕೇಂದ್ರ(ಬಿಎಆರ್‌ಸಿ)ಯಾಂದಿಗೆ ಒಡಂಬಡಿಕೆ ಪತ್ರಕ್ಕೆ ಸಹಿ ಹಾಕಿದೆ.

ನಗರದಲ್ಲಿ ಬುಧವಾರ ನಡೆದ ಕಾರ್ಯಕ್ರಮದಲ್ಲಿ ಎಚ್‌ಎಂಟಿ ಸಂಸ್ಥೆಯ ಹಾಟ್‌ ಸೆಲ್‌ ಇಂಜಿನಿಯರಿಂಗ್‌ ವಿಭಾಗದ ನಿರ್ದೇಶಕ ಕೆ. ಬಾಲು ಅವರು ಈ ತಿಳುವಳಿಕೆ ಪತ್ರಕ್ಕೆ ಸಹಿ ಹಾಕಿದರು. ಮಾಸ್ಟರ್‌ ಸ್ಲೇವ್‌ ಮ್ಯಾನಿಪ್ಯುಲೇಟರ್‌ ತಯಾರಿಕೆಯಲ್ಲಿ ಈಗಾಗಲೇ ಈ ಎರಡೂ ಸಂಸ್ಥೆಗಳು ತೊಡಗಿವೆ.

ಪ್ರಸ್ತುತ ಏರ್ಪಟ್ಟಿರುವ ಹೊಸ ಒಪ್ಪಂದದಡಿ ಎಚ್‌ಎಂಟಿಯು ಹೈದರಾಬಾದ್‌ ಘಟಕದಲ್ಲಿ ಹೌಸಿಂಗ್‌ ಫ್ರೇಮ್‌ ಮತ್ತು ವಿಕಿರಣ ಸಂರಕ್ಷಣಾ ಕಿಟಕಿಗಳ ತಯಾರಿಕೆಯಲ್ಲಿ ತೊಡಗಲಿದ್ದು, ಬಿಎಆರ್‌ಸಿ ಸಂಸ್ಥೆ ಈ ಭಾಗಗಳ ಅಂತಿಮ ಅಳವಡಿಕೆ ಕಾರ್ಯವನ್ನು ನಿರ್ವಹಿಸಲಿದೆ.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...