ದಿನೇ ದಿನೇ ಹೆಚ್ಚುತ್ತಿದೆ ಕೊಲ್ಲೂರು ಮೂಕಾಂಬಿಕೆ ದೇಗುಲ ವರಮಾನ

ಕುಂದಾಪುರ: ಪವಿತ್ರ ಪುಣ್ಯಕ್ಷೇತ್ರ ಕೊಲ್ಲೂರು ಮೂಕಾಂಬಿಕೆ ದೇವಾಲಯದ ವರಮಾನ ದುಪ್ಪಟ್ಟಾಗಿದೆ ಎಂಬ ಸುದ್ದಿಯ ಬೆನ್ನಲ್ಲೇ ಭಕ್ತರೊಬ್ಬರು ಎರಡೂವರೆ ಲಕ್ಷ ರುಪಾಯಿ ಕಾಣಿಕೆ ಅರ್ಪಿಸಿರುವ ಸುದ್ದಿಯೂ ಬಂದಿದೆ.

ಮೂಕಾಂಬಿಕೆಯ ದೇವಾಲಯಕ್ಕೆ ಭೇಟಿ ನೀಡಿದ ತಮಿಳುನಾಡಿನ ಭಕ್ತರೊಬ್ಬರು ಎರಡೂವರೆ ಲಕ್ಷ ರುಪಾಯಿ ಕಾಣಿಕೆ ನೀಡಿದ್ದಾರೆಂದು ಕನ್ನಡದ ದಿನಪತ್ರಿಕೆ ವರದಿ ಮಾಡಿದೆ. 19 ಚಿನ್ನದ ನಾಣ್ಯ ಅರ್ಪಿಸಿರುವ ಅವರು, ಬೆಳ್ಳಿ ರಥದ ನಿರ್ಮಾಣಕ್ಕೆ ಒಂದು ಲಕ್ಷ ರುಪಾಯಿ ಹಾಗೂ ಸೇವಾ ಕಾರ್ಯಗಳಿಗಾಗಿ 30 ಸಾವಿರ ರುಪಾಯಿ ನೀಡಿದ್ದಾರೆ.

ಈ ಮಧ್ಯೆ ಮತ್ತೊಬ್ಬ ಭಕ್ತರು ಮೂಕಾಂಬಿಕೆಯ ವಾಹನವಾದ ಸಿಂಹಕ್ಕೆ ಮೂರು ಕೆ.ಜಿ. ತೂಕದ ಚಿನ್ನದ ಮುಖವಾಡ ನೀಡಲಿದ್ದಾರೆ. ಈ ವಿಷಯವನ್ನು ಮೊಕ್ತೇಸರ ಬಿ.ಎಂ. ಸುಕುಮಾರ್‌ ಶೆಟ್ಟಿ ತಿಳಿಸಿದ್ದಾರೆ.

(ಇನ್‌ಫೋ ವರದಿ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...