ಬೆಂಗಳೂರು ಪೊಲೀಸ್‌ ಶ್ವಾನದಳದ 6 ನಾಯಿಗಳಿಗೆ ಪ್ರಶಸ್ತಿ

ಬೆಂಗಳೂರು : ಬೆಂಗಳೂರಿನಲ್ಲಿ ಭಾರತ್‌ ಕೆನ್ನರ್‌ ಕ್ಲಬ್‌ ಮೇ 27ರಂದು ಏರ್ಪಡಿಸಿದ್ದ ಶ್ವಾನ ಪ್ರದರ್ಶನದಲ್ಲಿ ಬೆಂಗಳೂರು ನಗರ ಪೊಲೀಸ್‌ ಶ್ವಾನ ಪಡೆಯ ಆರು ನಾಯಿಗಳಿಗೆ ಬಹುಮಾನ ಲಭಿಸಿದೆ.

ಪೊಲೀಸ್‌ ಪಡೆಯ ಹತ್ತು ತಿಂಗಳ ನಾಯಿ ಮರಿ ಜೂಲಿ ಮತ್ತು ಒಂದೂವರೆ ವರ್ಷದ ಬೆಂಗೋ ನಾಯಿಗೆ 2 ಚಾಲೆಂಜ್‌ ಪ್ರಶಸ್ತಿ ಪತ್ರಗಳು ಮತ್ತು 2 ಅತ್ಯುತ್ತಮ ತಳಿ ಪ್ರಮಾಣ ಪತ್ರ ಲಭಿಸಿದ್ದರೆ, ನಾಲ್ಕು ವರ್ಷದ ಕಾಂತಿ ಒಂದು ಚಾಲೆಂಜ್‌ ಸರ್ಟಿಫಿಕೇಟ್‌ ಹಾಗೂ ಪ್ರಥಮ ಸ್ಥಾನವನ್ನು ತನ್ನದಾಗಿಸಿಕೊಂಡಿದೆ.

ಎಂಟು ತಿಂಗಳ ಸುಖಿ ಹಾಗೂ ಡಾಲಿ ಎರಡನೇ ಬಹುಮಾನ ಪಡೆದಿವೆ. ಒಂದು ವರ್ಷದ ರಾಕಿ ಬೆಸ್ಟ್‌ ಬ್ರೀಡ್‌ ಸರ್ಟಿಫಿಕೇಟ್‌ ಗಳಿಸಿದೆ. ವಿವಿಧ ಹಂತಗಳಲ್ಲಿ ಬೆಂಗಳೂರು ನಗರ ಪೊಲೀಸ್‌ ಪಡೆಯ ಶ್ವಾನಗಳು ಒಟ್ಟಾರೆಯಾಗಿ 16 ಪ್ರಶಸ್ತಿಗಳನ್ನು ಪಡೆದಿವೆ ಎಂದು ಪ್ರಕಟಣೆ ತಿಳಿಸಿದೆ.