ಚಾಮರಾಜನಗರದಲ್ಲಿ ಕರಳುಬೇನೆಗೆ ಇಬ್ಬರು ಬಲಿ

ಚಾಮರಾಜನಗರ : ಇಲ್ಲಿನ ಕಾಗಲವಾಡಿಯಲ್ಲಿ 34 ಮಂದಿ ಕರಳುಬೇನೆಗೆ ತುತ್ತಾಗಿದ್ದು, ಈ ಪೈಕಿ ಇಬ್ಬರು ಮೃತರಾಗಿದ್ದಾರೆ.

ಕಾಗಲವಾಡಿ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ 34 ಕರ-ಳು--ಬೇ-ನೆ ಪ್ರಕರಣಗಳೂ ವರದಿಯಾಗಿವೆ. ಮೃತಪಟ್ಟಿರುವ ಇಬ್ಬರೂ ನಲ್ಲೂರು ಮೊಳೆ ಗ್ರಾಮದವರು. ನಾಗವಳ್ಳಿಯ 5 ಮಂದಿ, ಹುರಳ್ಳಿ ನಂಜಿಪುರದ 7, ರೇ ಚಂಬಳ್ಳಿಯ 5 ಹಾಗೂ ಕಾಗಲವಾಡಿಯ ಒಬ್ಬ ವ್ಯಕ್ತಿ ಕರಳುಬೇನೆಯಿಂದ ಬಳಲುತ್ತಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಆರೋಗ್ಯ ಕೇಂದ್ರದ ವೈದ್ಯಾಧಿಕಾರಿ ಈ ವಿಷಯ ತಿಳಿಸಿದ್ದು, ಕಲುಷಿತ ನೀರು, ಮಲಿನಗೊಂಡಿರುವ ನೈರ್ಮಲ್ಯವೇ ಪ್ರದೇಶದಲ್ಲಿ ರೋಗ ಹರಡಲು ಕಾರಣವಾಗಿದೆ ಎಂದಿದ್ದಾರೆ.

(ಇನ್ಫೋ ವಾರ್ತೆ)