ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

‘ಕೊಡವಾಸ್‌- ದ ಹೈ ಲ್ಯಾಂಡರ್ಸ್‌’ ಗೆ ಅತ್ಯುತ್ತಮ ಸಾಕ್ಷ್ಯಚಿತ್ರ ಪ್ರಶಸ್ತಿ

By Staff
|
Google Oneindia Kannada News

ಮಡಿಕೇರಿ: ಮೈಸೂರು ವಿಶ್ವ ವಿದ್ಯಾಲಯದ ಆಡಿಯೋ ವಿಷುವಲ್‌ ರಿಸರ್ಚ್‌ ಸೆಂಟರ್‌(ಎವಿಆರ್‌ಸಿ ) ನಿರ್ದೇಶಿಸಿರುವ ‘ಕೊಡವಾಸ್‌ -ದ ಹೈ ಲ್ಯಾಂಡರ್ಸ್‌ ’ ಎಂಬ ಸಾಕ್ಷ್ಯಚಿತ್ರ ರಾಷ್ಟ್ರೀಯ ಯುಜಿಸಿ- ಸಿಇಸಿ ಶೈಕ್ಷಣಿಕ ವೀಡಿಯೋ ಸ್ಪರ್ಧೆಯಲ್ಲಿ ಅತ್ಯುತ್ತಮ ಚಿತ್ರ ಎಂಬ ಹೆಗ್ಗಳಿಕೆ ಪಡೆದಿದೆ.

ಎವಿಆರ್‌ಸಿಯ ಈ ಕಾರ್ಯವನ್ನು ಅತ್ಯುತ್ತಮ ಶೈಕ್ಷಣಿಕ ಕಾರ್ಯಕ್ರಮ ಎಂದು ಗುರುತಿಸಲಾಗಿದ್ದು, ಚಿತ್ರವು ರಾಷ್ಟ್ರ ಪ್ರಶಸ್ತಿಯಾಂದಿಗೆ 25 ಸಾವಿರ ರೂಪಾಯಿ ನಗದು ಬಹುಮಾನನ್ನು ಗೆದ್ದುಕೊಂಡಿದೆ.

ಈ ಸಾಕ್ಷ್ಯಚಿತ್ರವನ್ನು ಎವಿಆರ್‌ಸಿಯ ನಿರ್ಮಾಪಕ ಸೈಯ್ಯದ್‌ ಕಲೀಮ್‌ ಅವರು ನಿರ್ದೇಶಿಸಿದ್ದು, ಕೊಡಗು ಜಿಲ್ಲೆಯಲ್ಲಿ ವಾಸಿಸುವ ಕೊಡವ ಜನಾಂಗದ ಸಂಸ್ಕೃತಿ, ಆಚರಣೆ ಮತ್ತು ಸಂಪ್ರದಾಯಗಳ ಮೇಲೆ ಬೆಳಕು ಚೆಲ್ಲುತ್ತದೆ. ಅಲ್ಲಿನ ಪ್ರಾಕೃತಿಕ ಸೌಂದರ್ಯವೂ ಸಾಕ್ಷ್ಯಚಿತ್ರದಲ್ಲಿದೆ. ಬ್ರಹ್ಮಗಿರಿಬೆಟ್ಟ , ಕಾವೇರಿ ನದಿತೀರದ ಸೊಬಗು, ಕೊಡವರ ಮದುವೆ ಆಚರಣೆಗಳನ್ನು ಸಾಕ್ಷ್ಯಚಿತ್ರ ಅನಾವರಣಗೊಳಿಸುತ್ತದೆ.

ನಿವೃತ್ತ ಏರ್‌ ಮಾರ್ಷಲ್‌ ಕಾರಿಯಪ್ಪ, ಮಾಜಿ ಮಂತ್ರಿ ಎಂ.ಸಿ. ನಾಣಯ್ಯ ಅಖಿಲ ಕೊಡವ ಸಮಾಜದ ಮುಖಂಡ ಮೋನಪ್ಪ ಹಾಗೂ ಕೊಡಗಿನ ಮತ್ತಿತರ ಗಣ್ಯರ ಸಂದರ್ಶನ ಚಿತ್ರದಲ್ಲಿದೆ.

(ಇನ್ಫೋ ವಾರ್ತೆ)

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X