ಮಂಗಳೂರು ರಸಗೊಬ್ಬರ ಕಾರ್ಖಾನೆಗೆ40 ಕೋಟಿ ರು. ಲಾಭ

ಮಂಗಳೂರು : ಮಂಗಳೂರು ರಸಗೊಬ್ಬರ ಕಾರ್ಖಾನೆ ಮಾರ್ಚ್‌ 31ಕ್ಕೆ ಕೊನೆಗೊಂಡ ಆರ್ಥಿಕ ವರ್ಷದಲ್ಲಿ 40.13 (ತೆರಿಗೆ ಪೂರ್ವ) ಕೋಟಿ ರುಪಾಯಿ ಲಾಭ ಗಳಿಸಿದೆ. ಸಂಸ್ಥೆಯ ಕಾರ್ಯದರ್ಶಿ ಎಸ್‌. ಕಣ್ಣನ್‌ ಅವರು ಈ ವಿಷಯ ತಿಳಿಸಿದ್ದಾರೆ.

ಕಳೆದ ವರ್ಷಕ್ಕೆ ಹೋಲಿಸಿದರೆ, ಈ ವರ್ಷ ಕಾರ್ಖಾನೆ ಶೇ.17ರಷ್ಟು ಹೆಚ್ಚು ಲಾಭ ಗಳಿಸಿದೆ ಎಂದೂ ಅವರು ಹೇಳಿದ್ದಾರೆ. ಕಾರ್ಖಾನೆ 688 ಕೋಟಿ ರುಪಾಯಿ ವಾರ್ಷಿಕ ವಹಿವಾಟು ನಡೆಸಿ, 2000-01ರ ಸಾಲಿನಲ್ಲಿ 3.40 ಲಕ್ಷ ಟನ್‌ ಯೂರಿಯಾ, 1.80 ಟನ್‌ ಡಿಎಪಿ ಉತ್ಪಾದಿಸಿದೆ.

ನೇಮಕ : ದಕ್ಷಿಣ ಕನ್ನಡ ಜಿಲ್ಲೆಯ ಟೆಲಿಕಾಂನ ಮೊದಲ ಜನರಲ್‌ ಮ್ಯಾನೇಜರ್‌ ಆಗಿ ದೂರವಾಣಿ ಕ್ರಾಂತಿಯನ್ನೇ ಮಾಡಿದ ನಿವೃತ್ತ ಅಧಿಕಾರಿ ಕೆ. ಮಾಮ ಅವರನ್ನು ರಿಲಯನ್ಸ್‌ ದೂರವಾಣಿ ಯೋಜನಾ ಸಲಹೆಗಾರರಾಗಿ ನೇಮಕ ಮಾಡಲಾಗಿದೆ.

ಕಳ್ಳಸಾಗಣೆ : ಅಕ್ರಮವಾಗಿ ಮರದ ದಿಮ್ಮಿಗಳನ್ನು ಸಾಗಿಸುತ್ತಿದ್ದ ಟೆಂಪೊ ಒಂದನ್ನು ಬಂಟ್ವಾಳ ವಲಯ ಅರಣ್ಯಾಧಿಕಾರಿಗಳು ಹಿಡಿದು ತಮ್ಮ ವಶಕ್ಕೆ ತೆಗೆದುಕೊಂಡಿದ್ದಾರೆ. ಈ ಕಳ್ಳಸಾಗಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಚಾಲಕನನ್ನು ಬಂಧಿಸಲಾಗಿದೆ.