ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಕಲ್ಪನೆ ಮತ್ತು ಚೈತನ್ಯದ ಒರತೆಗಳು ಈ ದಿನ ಕ್ರಿಯಾಶೀಲವಾಗಿವೆ. ನಿಮ್ಮ ಕೆಲಸವನ್ನು ಇತರರು ಗುರ್ತಿಸಬೇಕೆಂದು ಬಯಸುತ್ತಿದ್ದೀರಿ. ಆ ಹೊತ್ತೂ ಹತ್ತಿರದಲ್ಲೇ ಇದೆ.

ವೃಷಭ : ಮಾದಕ ವಸ್ತುಗಳಿಂದ ಈ ದಿನ ದೂರವಿದ್ದರೆ ಒಳಿತು. ಈ ದಿನ ನಡೆಯುವ ಘಟನೆಯಾಂದು ನಿಮ್ಮನ್ನು ಭಾವನಾತ್ಮಕವಾಗಿ ನೋಯಿಸಲಿದೆ. ಧ್ಯಾನದಲ್ಲಿ ತೊಡಗುವುದರಿಂದ ನೆಮ್ಮದಿ ದೊರೆಯುತ್ತದೆ.

ಮಿಥುನ : ನಿಮ್ಮ ಭಾವನೆಗಳಿಗೆ ನೀವೇ ಜವಾಬ್ದಾರರು, ಹಕ್ಕುದಾರರು ಎನ್ನುವುದು ನಿಜವಾದರೂ, ಇತರರ ಭಾವನೆಗಳಿಗೂ ನೀವು ಬೆಲೆ ಕೊಡುವುದು ಅನಿವಾರ್ಯ. ಸಂತೋಷದ ಲಹರಿ ಮುಂದುವರಿಯುತ್ತದೆ.

ಕಟಕ : ಇಷ್ಟಪಾತ್ರರು ಸುಳ್ಳು ಹೇಳುತ್ತಿದ್ದಾರೆ ಎಂದು ಶಂಕಿಸುತ್ತಿದ್ದೀರಿ. ಆ ಸುಳ್ಳು ನಿಮ್ಮ ಒಳ್ಳೆಯದಕ್ಕೇ ಆಗಿರುವುದರಿಂದ ವಿಷಾದ ಬೇಡ. ಸತ್ಯ ನಿಮಗೆ ಸದ್ಯದಲ್ಲೇ ತಿಳಿಯಲಿದ್ದು , ಪರಿಸ್ಥಿತಿ ತಿಳಿಯಾಗಲಿದೆ.

ಸಿಂಹ : ಸಮಾಜಮುಖಿಯಾದ ಪ್ರೇಮ ಮನೋಭಾವ ನಿಮ್ಮಲ್ಲಿ ಹೆಚ್ಚುತ್ತಿದೆ. ಇದಿರಂದಾಗಿ ಕುಟುಂಬದಲ್ಲಿ ವೈಮನಸ್ಸು ಉಂಟಾಗಬಹುದು. ಈ ದಿನ ಸಾಕಷ್ಟು ಹಣ ಕಳಕೊಳ್ಳುವ ಅಪಾಯವೂ ಇದೆ.

ಕನ್ಯಾ : ನೀವು ಬಹು ದಿನಗಳಿಂದ ನಿರೀಕ್ಷಿಸುತ್ತಿರುವ ಭಿನ್ನ ಲಿಂಗಿಗಳ ಪ್ರೇಮ ಹಣ್ಣಾಗುವ ಹೊತ್ತು ಹೊಸಿತಿಲಲ್ಲೇ ಇದೆ. ಮೋಡ ಮುಸುಕಿದ ಮಧ್ಯಾಹ್ನದಲ್ಲಿ ಹೊಸತೊಂದು ಉಲ್ಲಾಸ ಮನಸ್ಸು ತುಂಬಲಿದೆ.

ತುಲಾ : ಶುಭ ಶುಕ್ರವಾರದ ಪಾರ್ಟಿಯಲ್ಲಿ ನೀವೇ ಕೇಂದ್ರಬಿಂದು. ಗೆಳೆಯರ ಹೊಗಳಿಕೆಗೆ ಪಾತ್ರರಾಗುತ್ತೀರಿ. ಸೃಜನಶೀಲ ಕೆಲಸಗಳಲ್ಲೂ ಭಾರೀ ಯಶಸ್ಸು ನಿಮ್ಮ ಪಾಲಿಗಿದೆ.

ವೃಶ್ಚಿಕ : ನೀವೀಗ ಹಾರೈಸುವ ಸ್ಥಾನದಲ್ಲಿದ್ದೀರಿ. ಆ ಕಾರಣದಿಂದಾಗಿ ಬೇಜಾರನ್ನು ಬೈಗುಳಗಳನ್ನಾಗಿ ಬದಲಿಸುವ ಸಣ್ಣತನ ಬೇಡ. ಸಂಜೆ ಒಂಟಿತನ ಮತ್ತಷ್ಟು ಕಾಡುತ್ತದೆ.

ಧನಸ್ಸು : ತುಂಬಾ ಇಬ್ಬಂದಿಯ ಪರಿಸ್ಥಿತಿಯಲ್ಲಿದ್ದೀರಿ. ಪರಿಸ್ಥಿತಿ ಎಷ್ಟು ಸೂಕ್ಷ್ಮವಾಗಿದೆಯೆಂದರೆ, ನಿಮ್ಮ ಪ್ರತಿ ಹೆಜ್ಜೆಯನ್ನೂ ಪಕ್ಕದವರು ಗಮನಿಸುತ್ತಿದ್ದಾರೆ. ಕುಲದೇವರ ಅನುಗ್ರಹದಿಂದ ಗೆಲ್ಲುತ್ತೀರಿ.

ಮಕರ : ಗೂಡು ಸೇರಿದ ಹಕ್ಕಿಯ ಸಂಭ್ರಮ, ಹಿತ, ಸುರಕ್ಷತೆ ಅನುಭವಿಸುತ್ತಿದ್ದೀರಿ. ಈ ಬೆಚ್ಚನೆ ಅನುಭವದಲ್ಲಿ ವ್ಯಾಸಂಗವನ್ನು ನಿರ್ಲಕ್ಷಿಸಿದರೆ, ಇಕ್ಕಟ್ಟಿಗೆ ಸಿಲುಕುತ್ತೀರಿ. ಸುಂದರ ನಾಳೆ, ನಾಳಿದ್ದೂ ನಿಮಗಿವೆ.

ಕುಂಭ : ಮಧ್ಯಸ್ಥಿಕೆ ವಹಿಸಲಿದು ಸಕಾಲ. ಇದರಿಂದಾಗಿ ನಿಮ್ಮ ಸ್ಥಾನಮಾನ ಸುಧಾರಿಸುವುದಲ್ಲದೆ ಮಾನಸಿಕವಾಗಿ ನೀವೂ ಗಟ್ಟಿಯಾಗುತ್ತೀರಿ. ಹೊಸ ಅವಕಾಶಗಳು ಬಂದಲ್ಲಿ ಒಪ್ಪಿಕೊಂಡು ಬಿಡಿ.

ಮೀನ : ಅನಾರೋಗ್ಯ ನಿಮಿತ್ತ ಕೀಲುವೈದ್ಯರ ಸಲಹೆ ಪಡೆಯಬೇಕಾದೀತು. ಕುಟುಂಬದವರೊಂದಿಗಿನ ಒಡನಾಟ ಸಂಜೆಯನ್ನು ಮನೋಹರವಾಗಿಸುತ್ತದೆ. ಉನ್ನತ ವ್ಯಾಸಂಗದಲ್ಲಿ ಯಶಸ್ಸಿದೆ.