ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಲಾಯರ್ಸ್ ಇಂಟರ್ನೆಟ್ ಸೊಸೈಟಿ ಬುಧವಾರ ಉದ್ಘಾಟನೆ
ಬೆಂಗಳೂರು : ಕರ್ನಾಟಕ ಉಚ್ಚ ನ್ಯಾಯಾಲಯದ ನ್ಯಾಯಾಧೀಶರಾದ ಅಶೋಕ್ ಭಾನ್ ಅವರು ಲಾಯರ್ಸ್ ಇಂಟರ್ನೆಟ್ ಸೊಸೈಟಿ ಹಾಗೂ ಅದರ ಡೈಜೆಸ್ಟ್ 2000 ಫ್ಲಾಪಿಯನ್ನು ಔಪಚಾರಿಕವಾಗಿ ಬುಧವಾರ ಉದ್ಘಾಟಿಸಲಿದ್ದಾರೆ.
ಡೈಜೆಸ್ಟ್ 2000 ಫ್ಲಾಪಿಯು ಇಂಡಿಯನ್ ಲಾ ರಿಪೋರ್ಟ್ (ಕರ್ನಾಟಕ)ದಲ್ಲಿ ವರದಿಯಾಗಿರುವ ಕೇಸ್ ಲಾಗಳನ್ನು ಒಳಗೊಂಡಿದೆ. ಈ ವಿಷಯವನ್ನು ವಕೀಲರ ಸಂಘದ ಪತ್ರಿಕಾ ಪ್ರಕಟಣೆ ತಿಳಿಸಿದೆ. ವಕೀಲರಲ್ಲಿ ಕಂಪ್ಯೂಟರ್ ಬಗ್ಗೆ ಅರಿವು ಮೂಡಿಸುವ ಹಾಗೂ ಕಂಪ್ಯೂಟರ್ ಮಹತ್ವ, ಅಗತ್ಯವನ್ನು ತಿಳಿಸುವ ಕಾರ್ಯವನ್ನು ಲಾಯರ್ಸ್ ಇಂಟರ್ನೆಟ್ ಸೊಸೈಟಿ ಮಾಡಲಿದೆ.
ಮೊದಲ ಹಂತದಲ್ಲಿ ಲಾಯರ್ಸ್ ಇಂಟರ್ನೆಟ್ ಸೊಸೈಟಿ ಕೈಗೊಂಡಿರುವ ಟ್ರಾನ್ಸ್ಕ್ರಿಪ್ಷನ್ ಕಾರ್ಯಯೋಜನೆಯು 1990-2000 ಅವಧಿಯ ಐಎಲ್ಆರ್ (ಕರ್ನಾಟಕ) ದ ಎಲ್ಲ ವಿಭಾಗಗಳಲ್ಲಿ ವರದಿಯಾಗಿರುವ ತೀರ್ಪುಗಳನ್ನೂ ಒಳಗೊಂಡಿರುತ್ತದೆ ಎಂದೂ ಪ್ರಕಟಣೆ ತಿಳಿಸಿದೆ. ಈ ಫ್ಲಾಪಿ ಸೆಟ್ಗೆ 5,000 ರು. ಆಗಲಿದ್ದು, ಜೂನ್ 2001ರೊಳಗೆ ಮಾರುಕಟ್ಟೆಗೆ ಬರಲಿದೆ. (ಯು.ಎನ್.ಐ)
Comments
Story first published: Tuesday, April 3, 2001, 5:30 [IST]