ಚಂದನದಲ್ಲಿ ಮಾತೆಯರ ಮಾತೆಹೊರನಾಡ ಅನ್ನಪೂರ್ಣೇಶ್ವರಿ

ಬೆಂಗಳೂರು : ರಾಜ್ಯದ ಪ್ರಸಿದ್ಧ ಯಾತ್ರಾಸ್ಥಳಗಳಲ್ಲೊಂದಾದ ಚಿಕ್ಕಮಗಳೂರು ಜಿಲ್ಲೆಯ ಹೊರನಾಡಿನ ಶಕ್ತಿದೇವತೆ ಅನ್ನಪೂರ್ಣೇಶ್ವರಿಯನ್ನು ಪರಿಚಯಿಸುವ 5 ಕಂತುಗಳ ಕಿರುಚಿತ್ರ ಏಪ್ರಿಲ್‌ 4 ರಿಂದ 5 ವಾರಗಳ ಕಾಲ ಚಂದನ ಉಪಗ್ರಹ ವಾಹಿನಿಯಲ್ಲಿ ಪ್ರಸಾರವಾಗುವುದು.

ಏಪ್ರಿಲ್‌ 4 ರ ಸಂಜೆ 6.30 ಕ್ಕೆ ಕಿರುಚಿತ್ರದ ಮೊದಲ ಕಂತು ಪ್ರಸಾರವಾಗುವುದು ಎಂದು ಗುರುವಾರ ಸುದ್ದಿಗೋಷ್ಠಿಯಲ್ಲಿ ಜವಳಿ ಮಿಷನ್‌ನ ಪರವಾಗಿ ಮಾತನಾಡಿದ ಡಾ. ಎಂ. ಭೈರೇಗೌಡ ಹಾಗೂ ಜೆ.ಎಸ್‌.ಡಿ. ಪಾಣಿ ಹೇಳಿದರು.

ಬೆಂಗಳೂರಿನ ಜವಳಿ ಮಿಷನ್‌ ತಯಾರಿಸಿರುವ ಈ ಕಿರುಚಿತ್ರ ಅನ್ನಪೂರ್ಣೇಶ್ವರಿಗೆ ಸಂಬಂಧಿಸಿದ ರಥೋತ್ಸವ, ಜಾತ್ರೆ, ಅಮ್ಮನವರ ವರ್ಧಂತಿ, ಲಕ್ಷ ದೀಪೋತ್ಸವ, ಬ್ರಹ್ಮ ರಥೋತ್ಸವ, ಯಜ್ಞ, ಯಾಗ ಇತ್ಯಾದಿ ಅಮ್ಮನ ಸನ್ನಿಧಿಯಲ್ಲಿ ಜರುಗುವ ಎಲ್ಲಾ ಆಚರಣೆಗಳನ್ನು ಕಿರುಚಿತ್ರ ಚಿತ್ರೀಕರಿಸಿದೆ.

(ಇನ್ಫೋ ವಾರ್ತೆ)