ಜರ್ಮನಿಯ ಗ್ರೀನ್‌ಕಾರ್ಡ್‌ ಗಾಳಕ್ಕೆ 8ತಿಂಗಳಲ್ಲಿ 1135 ಭಾರತೀಯರು

ಬರ್ಲಿನ್‌: ವಿದೇಶಿ ಐಟಿ ಪರಿಣತರನ್ನು , ಮುಖ್ಯವಾಗಿ ಭಾರತೀಯರನ್ನು ಆಕರ್ಷಿಸುವ ಉದ್ದೇಶದಿಂದ ಜರ್ಮನಿ ಪ್ರಾರಂಭಿಸಿರುವ ಗ್ರೀನ್‌ಕಾರ್ಡ್‌ ಯೋಜನೆಗೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ.

ಗ್ರೀನ್‌ಕಾರ್ಡ್‌ ಯೋಜನೆ ಪ್ರಾರಂಭವಾದ ಎಂಟೇ ತಿಂಗಳಲ್ಲಿ 1135 ಭಾರತೀಯ ಕಂಪ್ಯೂಟರ್‌ ಪರಿಣತರು ಜರ್ಮನಿಯಲ್ಲಿ ಹುದ್ದೆ ಗಿಟ್ಟಿಸಿದ್ದಾರೆ. ಈ ಎಂಟು ತಿಂಗಳಲ್ಲಿ 17 ಸಾವಿರದ 500 ಹುದ್ದೆಗಳು ಸೃಷ್ಟಿಯಾಗಿದ್ದು ಅದರಲ್ಲಿ 6 ಸಾವಿರ ಹುದ್ದೆಗಳು ಗ್ರೀನ್‌ಕಾರ್ಡ್‌ದಾರರ ಕೈನಲ್ಲಿವೆ. ಯೋಜನೆಯ ಫಲಶ್ರುತಿಯ ಬಗ್ಗೆ ನಡೆದ ಸಮೀಕ್ಷೆಯಾಂದು ಈ ವಿವರಗಳನ್ನು ಕಲೆಹಾಕಿದೆ.

ಗ್ರೀನ್‌ಕಾರ್ಡ್‌ ಯೋಜನೆಯಡಿ ಜರ್ಮನಿಗೆ ಆಗಮಿಸಿರುವ ಭಾರತ ಮತ್ತು ಯುರೋಪ್‌ ಒಕ್ಕೂಟ ಹೊರತಪಡಿಸಿದ ಇತರ ರಾಷ್ಟ್ರಗಳ ಐಟಿ ತಂತ್ರಜ್ಞರು ರಾಷ್ಟ್ರದ ಕಾರ್ಮಿಕ ಮಾರುಕಟ್ಟೆಯ ಬೆಳವಣಿಗೆಯಲ್ಲಿ ಮಹತ್ತರ ಪಾತ್ರ ವಹಿಸಿದ್ದಾರೆ ಎಂದೂ ಸಮೀಕ್ಷೆ ತಿಳಿಸಿದೆ.

(ಪಿಟಿಐ)