ಐಟಿ ಕಂಪೆನಿಗಳ ಸಮಗ್ರ ಮಾಹಿತಿಯಾಂದಿಗೆ ಐಟಿ ಡೈರೆಕ್ಟರಿ-2001
ಬೆಂಗಳೂರು : ಎಲ್ಲ ಐಟಿ ಕಂಪೆನಿಗಳ ವಿವರಗಳನ್ನು ಹೊಂದಿರುವ ಐಟಿ ಡೈರೆಕ್ಟರಿ-2001 ಈಗ ಮಾರುಕಟ್ಟೆಯಲ್ಲಿ ಲಭ್ಯ. ಪುಸ್ತಕವನ್ನು ಬುಕ್ ಪಾರಡೈಸ್ ಹೊರತಂದಿದೆ.
360 ಪುಟಗಳ ಈ ಡೈರೆಕ್ಟರಿಯಲ್ಲಿ 2,300 ಐಟಿ ಕಂಪೆನಿಗಳ ಗೋತ್ರ ಪ್ರವರಗಳನ್ನು ದಾಖಲಿಸಲಾಗಿದೆ. ಮಾಹಿತಿ ತಂತ್ರಜ್ಞಾನ ತಜ್ಞರಿಗೆ, ಸಾಫ್ಟ್ವೇರ್ ಕ್ಷೇತ್ರ ತಜ್ಞರಿಗೆ ಮತ್ತು ಐಟಿ ಕ್ಷೇತ್ರದಲ್ಲಿ ಕೆಲಸ ಹುಡುಕುತ್ತಿರುವವರನ್ನು ದೃಷ್ಠಿಯಲ್ಲಿಟ್ಟುಕೊಂಡು ಈ ಡೈರೆಕ್ಟರಿಯನ್ನು ರಚಿಸಲಾಗಿದ್ದು, ಐಟಿ ಕಂಪೆನಿಗಳ ಮತ್ತು ಪ್ರಸಿದ್ಧ ಐಟಿ ಕಂಪೆನಿಯಲ್ಲಿನ ಮುಖ್ಯ ಅಧಿಕಾರಿಗಳ ಇ-ಮೇಯ್ಲ್ ವಿಳಾಸಗಳು ಈ ಡೈರೆಕ್ಟರಿಯಲ್ಲಿವೆ.
ಬುಕ್ ಪಾರಡೈಸ್ನ ಪಾಲುದಾರರಾದ ಎಂ. ಎಸ್ ವೆಂಕಟೇಶ್ ಮತ್ತು ಎಂ. ಎಸ್. ಜಯಪ್ರಕಾಶ್ ಅವರು ಕಳೆದ ಸಾಲಿನಲ್ಲಿ ಪ್ರಾಯೋಗಿಕವಾಗಿ ಐಟಿ ಡೈರೆಕ್ಟರಿಯನ್ನು ಹೊರತಂದಿದ್ದು, ಪುಸ್ತಕವು ಮರುಮುದ್ರಣಗೊಂಡಿದೆ. ಐಟಿ ಕ್ಷೇತ್ರದ ಸಮಗ್ರ ಮಾಹಿತಿಗಳು ಒಂದೆಡೆ ಸಿಗುವುದರಿಂದ ಈ ಪುಸ್ತಕಕ್ಕೆ ಬೇಡಿಕೆ ಹೆಚ್ಚುತ್ತಿದೆ. ಪ್ರಸ್ತುತ ವರ್ಷದ ಐಟಿ ಡೈರೆಕ್ಟರಿ ಮಾರ್ಚ್ ಒಂದರಂದು ಸಾಂಕೇತಿಕವಾಗಿ ಬಿಡುಗಡೆಯಾಗಿತ್ತು.
(ಇನ್ಫೋ ವಾರ್ತೆ)