ನಿತ್ಯ ಭವಿಷ್ಯ

*ಜಾನುಕೊಂಡ ಶಾಮಾ ಶಾಸ್ತ್ರೀ

ಇವತ್ತು ಬರೀ ಗೊಂದಲದ ದಿನ ಅಂತ ಕಿರಿಕ್‌ ಮಾಡಿಕೊಂಡರೆ ಹೇಗೆ ಹೇಳಿ ? ಗೊಂದಲಗಳೇ ನಿಮ್ಮನ್ನು ಗಟ್ಟಿ ಮಾಡುವುದಲ್ವೇ ? ಬೇಜಾರಿನ ನಡುವೆ ನಿಮಗೆ ಧನಾಗಮ ಯೋಗವಿದೆ. ದಿನದ ಕೊನೆಗೆ ಜೇಬು ತಾನೇ ಮುಟ್ಟಿ ನೋಡಿಕೊಳ್ಳುವುದು.

ವೃಷಭ : ನೌಕರಿಯಲ್ಲಿ ಪ್ರಗತಿ ಕಾಣುತ್ತೀರಿ. ಹೊಸದನ್ನು ಕಲಿಯಬೇಕು ಎಂಬ ಉತ್ಸಾಹ ನಿಮ್ಮನ್ನು ಉನ್ನತ ಹುದ್ದೆಗೆ ಏರಿಸುತ್ತದೆ. ದೈಹಿಕ ಸುಸ್ತಿನತ್ತ ಸ್ವಲ್ಪ ಗಮನವಿರಲಿ.

ಮಿಥುನ : ನಿಮ್ಮ ಲೆಕ್ಕಾಚಾರಗಳು ಯಾವುದೇ ರೀತಿಯಲ್ಲಿಯೂ ಸರಿಯಾಗಿರುವುದಿಲ್ಲ ಅಂತ ಬೇಸರ ಬೇಡ. ಆರೋಗ್ಯದತ್ತ ಗಮನವಿರಲಿ. ಏರಿಳಿತಗಳು ಎಲ್ಲ ಕಡೆಯೂ ಸಹಜ ತಾನೇ. ತಾಳ್ಮೆಯೇ ನಿಮ್ಮನ್ನು ಕಾಪಾಡುವುದು.

ಕಟಕ : ಕಾಫಿಗೆ ಕರೆಯುವ ಸ್ನೇಹಿತರ ನೋವುಗಳನ್ನು ಕೇಳಿ ಬೆರಗಾಗುತ್ತೀರಿ. ಮನೆಯಲ್ಲಿ ಪುತ್ರನಿಂದ ಶುಭಕಾರ್ಯವಾಗಬಹುದು. ನಿಮ್ಮ ಏಕಾಗ್ರತೆಯಿಂದಾಗಿ ಹಿಡಿದಿರುವ ಕೆಲಸವನ್ನು ಯಶಸ್ವಿಯಾಗಿ ಮುಗಿಸುತ್ತೀರಿ.

ಸಿಂಹ : ಮನೆಯಲ್ಲಿ ಪತ್ನಿ ಕಾಡುವುದು ನಿಮ್ಮ ಮತ್ತು ಮನೆಯವರ ಒಳ್ಳೆಯದಕ್ಕೇ ಅಲ್ವಾ ? ಆರ್ಥಿಕ ಮುಗ್ಗಟ್ಟಿದೆ ಅಂತ ಸಿಟ್ಟು ಮಾಡಿಕೊಳ್ಳಬೇಡಿ. ಸದ್ಯದಲ್ಲಿಯೇ ಹೊಸ ಯೋಜನೆ ನಿಮ್ಮ ಕೈತುಂಬಾ ಹಣ ತರಲಿದೆ.

ಕನ್ಯಾ : ನಿಮ್ಮ ಲೆಕ್ಕಾಚಾರ ಸರಿಯಾದುದಕ್ಕೆ ಸಮಾಧಾನದ ನಿಟ್ಟುಸಿರು ಬಿಡುತ್ತೀರಿ. ಕೃಷಿ ಕ್ಷೇತ್ರದಲ್ಲಿ ಲಾಭ ಬರಬಹುದು. ಇಷ್ಟು ದಿನ ದುಡಿದಿರುವುದಕ್ಕೆ ನಷ್ಟ ಕಾಣಲಿಲ್ಲವಲ್ಲ ಅಂತ ಖುಷಿ ಪಡಲಿದ್ದೀರಿ.

ತುಲಾ : ಸಂಗಾತಿಯ ಸಿಟ್ಟನ್ನು ಅರ್ಥ ಮಾಡಿಕೊಳ್ಳುವುದು ಕಷ್ಟವಾದರೆ ಮೌನವಾಗಿರಬೇಕು. ಇವತ್ತು ಸಂಜೆ ನಿಮಗೊಂದು ಆಶ್ಚರ್ಯದ ಸುದ್ದಿ ಕಾದಿದೆ. ಖುಷಿಯ ದಿನ. ಎಂಜಾಯ್‌.

ವೃಶ್ಚಿಕ : ಸ್ನೇಹಿತರೊಂದಿಗಿನ ಬೇಸರವೊಂದು ಬಿಟ್ಟರೆ ನೀವು ನಿರಾಳವಾಗಿರುತ್ತೀರಿ. ಸುತ್ತಾಡಬೇಕು ಎಂಬ ಆಸೆ ಮತ್ತೆ ಚಿಗುರುತ್ತದೆ. ಹಾಗಂತ ಪ್ರಯಾಣ ಭಾಗ್ಯ ಸದ್ಯಕ್ಕಿಲ್ಲ.

ಧನಸ್ಸು : ಶತ್ರುಗಳ ಬಗ್ಗೆ ಭಯ ಯಾಕೆ. ನಿಮ್ಮ ಕೆಲಸಗಳು ಸರಿಯಾಗಿರುತ್ತವೆ ಆದ್ದರಿಂದ ಅನಗತ್ಯ ಗೊಂದಲಗಳ ಅಗತ್ಯವಿಲ್ಲ.

ಮಕರ : ಕಳೆದು ಹೋದ ಆಸಕ್ತಿಯನ್ನು ಮತ್ತೆ ಚಿಗುರಿಸುವುದು ನಿಮ್ಮ ಮುಂದಿರುವ ಏಕಮೇವ ಕೆಲಸ. ಇಲ್ಲವಾದಲ್ಲಿ ನಿಮ್ಮ ಬಂಧುಗಳಿಗೆ ಮತ್ತೊಮ್ಮೆ ನಿರಾಸೆ ತರುತ್ತೀರಿ.

ಕುಂಭ : ಸುಖಾ ಸುಮ್ಮನೇ ಜಗಾಳಾಡಿದರೆ ಯಾವುದೇ ಲಾಭವಾಗುವುದಿಲ್ಲ. ಅದರಲ್ಲಿ ಸಿಗುವ ಥ್ರಿಲ್‌ ಬರೇ ಕ್ಷಣಿಕ ಅಂತ ಗೊತ್ತಿದ್ದೂ ಯಾಕೆ ಹೀಗೆ ? ಸ್ನೇಹಿತರು ನಿಮಗೆ ಸಹಕರಿಸಲಿದ್ದಾರೆ.

ಮೀನ : ಸ್ಪರ್ಧೆಯಲ್ಲಿ ಸೋತರೂ ಛಲ ಬಿಡುವ ಮನಸ್ಸು ನಿಮ್ಮದಲ್ಲ . ಆದ್ದರಿಂದ ಇವತ್ತೆಲ್ಲಾ ನೀವು ಶತ ಪ್ರಯತ್ನದಲ್ಲಿ ತೊಡಗಿರುತ್ತೀರಿ. ಸ್ಥಾನ ಲಾಭ ಖುಷಿ ತರುತ್ತದೆ.