ರಾಮನಗರಂನಲ್ಲಿ ರಸ್ತೆ ಅಪಘಾತ : 2 ಸಾವು

ಹುಬ್ಬಳ್ಳಿ : ರಾಮನಗರಂ ಬಳಿ ಕಾರೊಂದು ಲಾರಿಗೆ ಢಿಕ್ಕಿ ಹೊಡೆದ ಪರಿಣಾಮ ಇಬ್ಬರು ಸ್ಥಳದಲ್ಲೇ ಮೃತರಾಗಿದ್ದು, ಇನ್ನಿಬ್ಬರಿಗೆ ತೀವ್ರ ಸ್ವರೂಪದ ಗಾಯಗಳಾಗಿವೆ. ಮೃತರಿಬ್ಬರೂ ಕಾರಿನಲ್ಲಿದ್ದವರಾಗಿದ್ದು, ಗೋವಾಗೆ ಪ್ರಯಾಣಿಸುತ್ತಿದ್ದರು.

ಗುರುವಾರ ಮುಂಜಾನೆ ಸಂಭವಿಸಿರುವ ಈ ಅಪಘಾತದಲ್ಲಿ ಮೃತರಾದವರನ್ನು ಧಾರವಾಡ ರೋಟರಿ ಕ್ಲಬ್‌ನ ಹಿರಿಯ ಪದಾಧಿಕಾರಿ ಪ್ರಕಾಶ ನಾಯಕ್‌ ಹಾಗೂ ಆತನ ಗೆಳೆಯ ಉದಯ್‌ ದೇಶಪಾಂಡೆ ಎಂದು ಗುರ್ತಿಸಲಾಗಿದೆ. ಗಾಯಾಳುಗಳನ್ನು ಸ್ಥಳೀಯ ಕರ್ನಾಟಕ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆಗೆ ಸೇರಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

(ಯುಎನ್‌ಐ)