ಚಂದ್ರಗ್ರಹಣ : ಜ.9ರ ರಾತ್ರಿ 9-20 ರಿಂದ ತಿಮ್ಮಪ್ಪನ ದರ್ಶನ ಇಲ್ಲ

ತಿರುಪತಿ : ಮುಂದಿನ ವರ್ಷ ಜನವರಿ 9ರಂದು ಹುಣ್ಣಿಮೆ. ಅಂದು ಹೊಸ ವರ್ಷದ ಪ್ರಪ್ರಥಮ ಚಂದ್ರಗ್ರಹಣ. ಗ್ರಹಣ ಕಾಲದಲ್ಲಿ ತಿರುಪತಿ ತಿಮ್ಮಪ್ಪನ ದರ್ಶನ ನಿಷಿದ್ಧ. ಹೀಗಾಗೇ ಜನವರಿ 9ರ ರಾತ್ರಿ 9 ಗಂಟೆ 20 ನಿಮಿಷದಿಂದ ಜನವರಿ 10ನೇ ತಾರೀಖಿನ ಬೆಳಗಿನ ಜಾವ 3.50ರತನಕ ಸಪ್ತಗಿರಿಯಾಡೆಯ ಶ್ರೀವೆಂಕಟೇಶ್ವರ ದೇವಸ್ಥಾನದಲ್ಲಿ ದರ್ಶನವನ್ನು ನಿರ್ಬಂಧಿಸಲಾಗಿದೆ.

ಗ್ರಹಣ ಕಾಲದಲ್ಲಿ ಸಹಸ್ರ ದೀಪಾಲಂಕಾರ ಸೇವೆ, ವೆಂಕಟೋತ್ಸವಂ, ಸಹಸ್ರ ಕಳಶಾಭಿಷೇಕಂ, ಅರ್ಚನೆ ಹಾಗೂ ದರ್ಶನಂ ಕಾರ್ಯಕ್ರಮಗಳನ್ನು ರದ್ದು ಪಡಿಸಲಾಗಿದೆ ಎಂದು ತಿರುಪತಿ - ತಿರುಮಲೆ ದೇವಸ್ಥಾನದ ಹೇಳಿಕೆ ತಿಳಿಸಿದೆ.