ಮಲ್ಪೆ ಬಂದರಿಗೆ ಬಂದವು ಯುದ್ಧ ನೌಕೆಗಳು

ಉಡುಪಿ : ದಕ್ಷಿಣ ವಿಭಾಗ ನೌಕಾದಳ ಸಪ್ತಾಹದ ಅಂಗವಾಗಿ ಪಶ್ಚಿಮ ಕರಾವಳಿಯಲ್ಲಿ ತನ್ನ ಯುದ್ಧ ನೌಕೆಗಳನ್ನು ಪ್ರದರ್ಶಿಸುತ್ತಿದ್ದು, ಐಎನ್‌ಎಸ್‌ ಮಲ್ವಾನ್‌ ಮತ್ತು ಐಎನ್‌ಎಸ್‌ ಮಲ್ಪೆ ಯುದ್ಧ ನೌಕೆಗಳು ಉಡುಪಿಯ ಮಲ್ಪೆ ಬಂದರಿಗೆ ಆಗಮಿಸಿವೆ.

ಈ ವಿಶೇಷ ಯುದ್ಧ ನೌಕೆಗಳು ಭಯೋತ್ಪಾದಕರು ನೀರಿನ ಆಳದಲ್ಲಿ ಹುದುಗಿಸಿಟ್ಟಿರುವ ಜಲಬಾಂಬ್‌ಗಳನ್ನು ಪತ್ತೆ ಹಚ್ಚಿ ನಿಷ್ಕಿೃಯ ಗೊಳಿಸುತ್ತವೆ ಎಂದು ಲೆ.ಕ. ಅಜೆಯ್‌ ಸಿರೋಹಿ ಹೇಳಿದ್ದಾರೆ.

1984 ರಲ್ಲಿ ರಷ್ಯಾದಿಂದ ಖರೀದಿಸಲಾಗಿರುವ ಈ ನೌಕೆಗಳು ಆಯಸ್ಕಾಂತದ ಆಕರ್ಷಣೆಗೆ ಒಳಗಾಗುವುದಿಲ್ಲ, ಸದ್ಯ ಪಶ್ಚಿಮ ಕರಾವಳಿಯಲ್ಲಿ ಆರು ನೌಕೆಗಳು ಸಂಚರಿಸುತ್ತಿದ್ದು, ಇಬ್ಬರು ನೌಕಾ ಅಧಿಕಾರಿಗಳು, 20 ಇತರ ಸಿಬ್ಬಂದಿ ನೌಕೆಯಲ್ಲಿರುತ್ತಾರೆ. ಮಲ್ಪೆ ಬಂದರಿಗೆ ಆಗಮಿಸಿದ ನೌಕೆಯನ್ನು ವೀಕ್ಷಿಸಲು ಸಾರ್ವಜನಿಕರು ಆಗಮಿಸುತ್ತಿದ್ದಾರೆ.

(ಇನ್ಫೋ ವಾರ್ತೆ)