ಫ್ಲಾರೆನ್ಸ್‌ ಸ್ಕೂಲ ಕೋಣೆಯಲ್ಲಿ ಟೈಟಾನಿಕ್‌ ಷಿಪ್‌!

Posted By:
Subscribe to Oneindia Kannada

ಬೆಂಗಳೂರು : ಆ ಪುಟ್ಟ ಹುಡುಗಿಗೆ ಮೇಜು ಪೂರ್ತಿಯಾಗಿ ಎಟುಕುವುದಿಲ್ಲ. ಮೇಜಿನ ವೆೆುೕಲೊಂದು ಬಾಟಲಿ, ಅದರಡಿಗೊಂದು ದೀಪ. ಬಾಟಲಿಗೆ ಬೆಲೂನೊಂದನ್ನೇ ಮುಚ್ಚಳವಾಗಿ ಕಟ್ಟಿದ್ದಳು. ಕಿರ್ರನೆ ಕಡ್ಡಿ ಗೀರಿ ದೀಪ ಹಚ್ಚುತ್ತಾಳೆ. ಬಾಟಲಿ ಬಿಸಿಯಾಗಿ ಬಲೂನು ದೊಡ್ಡದಾಗುತ್ತಾ ಬರುತ್ತದೆ. ಇದು ಗಾಳಿಯ ಕಣಗಳು ಬಿಸಿಯಾದಂತೆ ಉಬ್ಬುತ್ತವೆ ಎಂಬುದನ್ನು ತೋರಿಸುತ್ತದೆ ಎಂದು ತನ್ನದೇ ಮುದ್ದು ಮುದ್ದು ಭಾಷೆಯಲ್ಲಿ ವಿವರಿಸುತ್ತಾಳೆ.

ನಗರದ ರಾಜ್‌ಮಹಲ್‌ ವಿಲಾಸ್‌ ಬಡಾವಣೆಯಲ್ಲಿರುವ ಫ್ಲಾರೆನ್ಸ್‌ ಇಂಗ್ಲೀಷ್‌ ಪ್ರೌಢಶಾಲೆಯಲ್ಲಿ ನವಂಬರ್‌ 25 ಮತ್ತು 26 ರಂದು ವಿಜ್ಞಾನ ಮತ್ತು ಕಲಾ ವಸ್ತು ಪ್ರದರ್ಶನದಲ್ಲಿ ಕಂಡ ಪುಟಾಣಿಗಳ ಕುಶಲತೆಯ ಅಭಿವ್ಯಕ್ತಿಗೊಂದು ಉದಾಹರಣೆ ಇದು.

ವಸ್ತು ಪ್ರದರ್ಶನಕ್ಕೆ ನೂರಾರು ಪೋಷಕರು ಹಾಗೂ ವಿಜ್ಞಾನಾಸಕ್ತರು ಭೇಟಿ ಕೊಟ್ಟಿದ್ದರು. ತಮ್ಮ ಮಕ್ಕಳು ಕ್ಲಾಸ್‌ ರೂಂನಲ್ಲಿ ಏನೇನು ಕಲಿತಿದ್ದಾರೆ, ಅವರಿಗೆ ಸಾಮಾನ್ಯ ಜ್ಞಾನ ಎಷ್ಟು ತಿಳಿದಿದೆ ಎಂದು ವಸ್ತು ಪ್ರದರ್ಶನಕ್ಕೆ ಬಂದ ಪಾಲಕರು ತಮಗೆ ತಾವೇ ಲೆಕ್ಕ ಹಾಕಿಕೊಂಡು ಖುಷಿ ಪಟ್ಟರು.

ಶಾಲೆಯ ವಿದ್ಯಾರ್ಥಿಗಳು ತಾವೇ ತಯಾರಿಸಿದ ವಿಜ್ಞಾನ ಪ್ರಾತ್ಯಕ್ಷಿಕೆಗಳನ್ನು ಭೇಟಿ ಕೊಟ್ಟವರಿಗೆ ವಿವರಿಸಿದರು. ಒಂದು ಕಡೆ ಟೈಟಾನಿಕ್‌ ಶಿಪ್‌ನ ಪ್ರಾತ್ಯಕ್ಷಿಕೆ, ಮತ್ತೊಂದು ಕಡೆ ರಾಷ್ಟ್ರೀಯ ಹೆದ್ದಾರಿಯ ಕಪ್ಪು ಡಾಂಬರು ರಸ್ತೆಯ ಮಾಡೆಲ್‌, ಮಗದೊಂದು ಕಡೆ ಬೋಟಿಂಗ್‌ ಕ್ಲಬ್‌ .... ಹೀಗೆ ಪ್ರೆೃಮರಿ ಮತ್ತು ಹೈಸ್ಕೂಲ್‌ ಮಕ್ಕಳ ಕೈ ಚಳಕ ಶನಿವಾರ ಮತ್ತು ಆದಿತ್ಯವಾರ ಶಾಲೆಯ ತುಂಬಾ ಅಚ್ಚು ಕಟ್ಟಾಗಿ ಹರಡಿಕೊಂಡಿತ್ತು. ಒಂದೊಂದು ಪ್ರಾತ್ಯಕ್ಷಿಕೆಗಳ ಹಿಂದೆಯೂ ಒಬ್ಬೊಬ್ಬ ಪುಟ್ಟ ಮರಿ, ವೀಕ್ಷಿಸಲು ಬಂದವರಿಗೆ ವಿವರಿಸಲು ಬದ್ಧವಾಗಿ.

ಪುಟ್ಟ ಮನೆ, ಇಂಜಿನ್‌ನ ಮಾದರಿಗಳನ್ನು ಪ್ರದರ್ಶನ ವೀಕ್ಷಿಸಲು ಬಂದ ಹಿರಿಯರ ಮುಂದೆ ತಮ್ಮದೇ ಪುಟಾಣಿ ಭಾಷೆಯಲ್ಲಿ ವಿವರಿಸಿದರು. ಬೆಂಗಳೂರು ಪಟ್ಟಣದ ನಾಗರಿಕರಿಗೆ ಹಳ್ಳಿ ಬದುಕಿನ ಪ್ರಾತ್ಯಕ್ಷಿಕೆಯನ್ನು ಮುಂದೆ ಹರಡಿಕೊಂಡು, ರಾಷ್ಟ್ರೀಯ ಅಭಯಾರಣ್ಯದ ಹಸಿರಿನ ಹಿಂದೆ ನಿಂತುಕೊಂಡು ಕತ್ತೆತ್ತಿ ಹಿರಿಯರ ಮುಖನೋಡುತ್ತಾ ವಿವರಿಸಿದ ಪುಟಾಣಿಗಳನ್ನು ನೋಡಿ ವೀಕ್ಷಕರು ಕೂಡ ಖುಷಿ ಪಟ್ಟುಕೊಂಡು , ತಮ್ಮ ತಮ್ಮ ಮಗಳ- ಮಗನ ಕೌಶಲ್ಯವನ್ನು ಹೊಗಳಿಕೊಂಡು ಪರಸ್ಪರ ಮಾತಾಡಿಕೊಂಡು ಖುಷಿಯಾದರು.

(ಇನ್ಫೋ ವಾರ್ತೆ)

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more