ಪೊಲೀಸ್‌ ವಶದಿಂದ ತಪ್ಪಿಸಿಕೊಂಡ ಛೋಟಾ ರಾಜನ್‌

ಬ್ಯಾಂಕಾಕ್‌: ಭೂಗತ ಜಗತ್ತಿನ ಕುಖ್ಯಾತ ಆರೋಪಿ ಛೋಟಾ ರಾಜನ್‌ ಥೈಲ್ಯಾಂಡ್‌ ಪೊಲೀಸ್‌ ವಶದಿಂದ ಶುಕ್ರವಾರ ತಪ್ಪಿಸಿಕೊಂಡಿದ್ದಾನೆ. ಗುಂಡಿನ ದಾಳಿಯಿಂದ ಗಾಯಗೊಂಡು ಚಿಕಿತ್ಸೆ ಪಡೆಯುತ್ತಿದ್ದ ಆತ ಆಸ್ಪತ್ರೆಯ 4ನೇ ಮಹಡಿಯಿಂದ ತಪ್ಪಿಸಿಕೊಂಡು ಪರಾರಿಯಾಗಿದ್ದಾನೆ ಎಂದು ವರದಿ ಹೇಳಿದೆ.

ಪೊಲೀಸ್‌ ವಶದಲ್ಲಿದ್ದೂ, ರಾಜನ್‌ ತಪ್ಪಿಸಿಕೊಂಡಿರುವುದು ಆಶ್ಚರ್ಯ ಮೂಡಿಸಿದೆ. 17 ಪ್ರಕರಣಗಳಲ್ಲಿ ಪೊಲೀಸರಿಗೆ ಬೇಕಾಗಿರುವ ರಾಜನ್‌ನನ್ನು ಭಾರತಕ್ಕೆ ಕರೆತರಲು ಅಧಿಕಾರಿಗಳು ಈಗಾಗಲೇ ತಮ್ಮ ಅಹವಾಲು ಸಲ್ಲಿಸಿದ್ದರು. ರಾಜನ್‌ ಹೊಂದಿರುವ ಪಾಸ್‌ಪೋರ್ಟ್‌ ಸಹ ಅಧಿಕೃತವಾದುದಲ್ಲ ಎಂಬ ಆರೋಪ ಇದೆ. ಸೆಪ್ಟೆಂಬರ್‌ ತಿಂಗಳಿನಲ್ಲಿ ಬ್ಯಾಂಕಾಕ್‌ನಲ್ಲಿ ಬಂದೂಕುಧಾರಿಯಾಬ್ಬ ರಾಜನ್‌ ಮೇಲೆ ಗುಂಡಿನ ಮಳೆ ಗರೆದಿದ್ದ ಎಂಬುದನ್ನು ಇಲ್ಲಿ ಸ್ಮರಿಸಬಹುದು.