ಸೋಮವಾರ ಅಮೆರಿಕ ಅಧ್ಯಕ್ಷೀಯಚುನಾವಣೆ ಫಲಿತಾಂಶ :ಕೋರ್ಟ್‌

ವಾಷಿಂಗ್ಟನ್‌ : ಫ್ಲೋರಿಡಾ ಕೋರ್ಟ್‌, ಅಮೆರಿಕಾ ಅಧ್ಯಕ್ಷೀಯ ಚುನಾವಣೆಯ ಫಲಿತಾಂಶವನ್ನು ಸೋಮವಾರ ಪ್ರಕಟಿಸುವುದಾಗಿ ಶನಿವಾರದಂದು ಹೇಳಿದೆ.

ಶನಿವಾರ ಅಧ್ಯಕ್ಷೀಯ ಚುನಾವಣೆಯ ಫಲಿತಾಂಶವನ್ನು ಪ್ರಕಟಿಸಲು ಕೊನೆಯ ದಿನಾಂಕ ಎಂದು ಫ್ಲೋರಿಡಾ ಕಾರ್ಯದರ್ಶಿಯ ಪ್ರಕಟಣೆ ಈ ಹಿಂದೆ ತಿಳಿಸಿತ್ತು. ಅಂತಿಮ ಫಲಿತಾಂಶವನ್ನು ಪ್ರಕಟಿಸುವಾಗ, ಯಂತ್ರಗಳ ಸಹಾಯವಿಲ್ಲದೆ ಮರುಎಣಿಕೆ ನಡೆಸಿ, ದೊರೆತ ಫಲಿತಾಂಶವನ್ನು ಗಣನೆಗೆ ತೆಗೆದುಕೊಳ್ಳಬೇಕಾಗಿಲ್ಲ ಎಂಬ ಕಾರ್ಯಾದರ್ಶಿಯ ಹೇಳಿಕೆಯನ್ನು ತಿರಸ್ಕರಿಸಿದ ಕೋರ್ಟ್‌ ಸೋಮವಾರದಂದು ಅಧಿಕೃತ ಪಲಿತಾಂಶವನ್ನು ಪ್ರಕಟಿಸುವುದಾಗಿ ಹೇಳಿದೆ.

ರಿಪಬ್ಲಿಕನ್‌ ಪಕ್ಷದ ಜಾರ್ಜ್‌ ಬುಶ್‌ ಅವರಿಗೆ ಪೋಸ್ಟಲ್‌ ಬ್ಯಾಲೆಟ್‌ಗಳಿಂದ ಲಾಭವಾಗಬಹುದು ಎಂದು ನಿರೀಕ್ಷಿಸಲಾಗಿದೆ. ಆದರೆ ಡೆಮಾಕ್ರೆಟಿಕ್‌ ಪಕ್ಷದ ಆಲ್‌ ಗೊರೆ ಯಂತ್ರಗಳ ಸಹಾಯ ಪಡೆಯದೇ ನಡೆಸುವ ಮತಗಳ ಮರು ಎಣಿಕೆಯ ಕುರಿತೇ ಭರವಸೆ ಇರಿಸಿಕೊಂಡಿದ್ದಾರೆ.

ಈ ನಡುವೆ ರಪಬ್ಲಿಕನ್‌ ಪಕ್ಷದ ಕಾರ್ಯಕರ್ತರು ಜಯ ತಮ್ಮ ಪಾಲಿಗೆ ಸಿಗಲಿದೆ ಎಂಬ ತುಂಬು ಭರವಸೆಯಲ್ಲಿದ್ದಾರೆ. ಆಲ್‌ ಗೋರೆ ಚುನಾವಣಾ ಪಲಿತಾಂಶವನ್ನು ಸೋಮವಾರ ಪ್ರಕಟಿಸುವುದಾಗಿ ನೀಡಿರುವ ಹೇಳಿಕೆಯನ್ನು ಸ್ವಾಗತಿಸಿದ್ದಾರೆ.

(ಇನ್ಫೋ ವಾರ್ತೆ)