• search

ಮೇಲ್ಮನೆಯಲ್ಲಿ ಚರ್ಚೆಗೆ ವಸ್ತುವಾದ ರಾಜ್‌ ಬಿಡುಗಡೆ ಮಾಡಿಸಿದ ಡಾಕ್ಟ್ರಮ್ಮ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಬೆಂಗಳೂರು : ರಾಜ್‌ಕುಮಾರ್‌ ವೀರಪ್ಪನ್‌ ಒತ್ತೆಯಿಂದ ಬಿಡುಗಡೆಯಾಗಿದ್ದು ಸಂತೋಷದ ವಿಷಯ. ಆದರೆ, ರಾಜ್‌ ಅವರನ್ನು ಬಿಡುಗಡೆ ಮಾಡಿಸಿದ ಈ ಡಾಕ್ಟ್ರಮ್ಮ ಯಾರು? ಆಕೆಯ ಮೂಲ ಏನು? ವೀರಪ್ಪನ್‌ ಹಾಗೂ ಡಾ. ಭಾನು ಅವರಿಗೂ ಯಾವ ರೀತಿಯ ಅನುಬಂಧ, ಆಕೆಗೂ ರಾಜ್‌ ಪ್ರಕರಣಕ್ಕೂ ಏನು ಸಂಬಂಧ? ಎಂಬಿತ್ಯಾದಿ ಪ್ರಶ್ನೆಗಳು ಶುಕ್ರವಾರ ಮೇಲ್ಮನೆಯಲ್ಲಿ ಉದ್ಭವಿಸಿದವು.

    109ದಿನಗಳ ಕಾಲದ ರಾಜ್‌ ವನವಾಸವನ್ನು ತಪ್ಪಿಸಲು ಪುರುಷರಿಗೇ ಸಾಧ್ಯವಾಗದಿರುವಾಗ, ಒಬ್ಬ ಹೆಣ್ಣು ಮಗಳು ಅನಾಯಾಸವಾಗಿ ಈ ಬಿಕ್ಕಟ್ಟು ಬಗೆಹರಿಸಿದ್ದಾದರೂ ಹೇಗೆ? ಆಕೆಯ ಮೂಲ ಏನು ಎಂಬ ಬಗ್ಗೆ ಬೆಳಕು ಚೆಲ್ಲಬೇಕು ಎಂದು ಪ್ರಫುಲ್ಲಾ ಮಧುಕರ್‌ ಪ್ರತಿಪಾದಿಸಿದರು. ಸದನ ಆರಂಭವಾಗುತ್ತಿದ್ದಂತೆಯೇ ಸದಸ್ಯರಿಂದ ಈ ಸಂಶಯದ ಪ್ರಶ್ನೆಗಳು ಆಡಳಿತಾರೂಢ ಸರಕಾರವನ್ನು ಕಂಗೆಡಿಸಿದವು.

    ಶ್ವೇತ ಪತ್ರಕ್ಕೆ ಆಗ್ರಹಿಸಲಾಯಿತು. ವೀರಪ್ಪನ್‌ ತನ್ನ ಆತ್ಮ ಚರಿತ್ರೆಯಲ್ಲಿ ತಮಿಳುನಾಡು ಹಾಗೂ ಕರ್ನಾಟಕದ ರಾಜಕಾರಣಿಗಳೊಂದಿಗೆ ತಮಗೆ ಸಖ್ಯವಿದೆ ಎಂದು ಹೇಳಿಕೊಂಡಿದ್ದಾನೆ. ಆ ರಾಜಕಾರಣಿಗಳು ಯಾರಾರು? ಎಂಬುದನ್ನೂ ಬಹಿರಂಗಪಡಿಸಬೇಕು ಎಂದು ಬಸವರಾಜ ಬೊಮ್ಮಾಯಿ ಪಟ್ಟುಹಿಡಿದರು.

    ರಾಜ್‌ ನಿಗೂಢವಾಗಿ ಅಪಹರಣವಾದರು, ಈಗ ನಿಗೂಢವಾಗಿಯೇ ವಾಪಸಾದರು ಈ ಬಗ್ಗೆ ಸಮಗ್ರ ಚರ್ಚೆ ಆಗಬೇಕೆಂದು ಪ್ರತಿಪಕ್ಷ ನಾಯಕರು ಒತ್ತಾಯಿಸಿದರು. ವಿಜಯೋತ್ಸವದ ಹೆಸರಲ್ಲಿ ರಾಜ್ಯದಲ್ಲಿ ಗಲಭೆಗಳು ನಡೆಯುವ ಸಾಧ್ಯತೆ ಇದ್ದು, ಸರಕಾರವೇ ಸಾಂಕೇತಿಕವಾಗಿ ವಿಜಯೋತ್ಸವ ಆಚರಿಸಬೇಕು ಎಂಬ ಸಲಹೆಯೂ ಬಂತು.

    ವಾರ್ತಾ ಸಂಚಯ

    ಮುಖಪುಟ / ವಿಧಾನ ಮಂಡಲ

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more