• search

-15 -ಐ-ಎ-ಎ-ಸ್‌-/ಐ-ಪಿ-ಎ-ಸ್‌ ಅಧಿಕಾರಿಗಳಿಗೆ ರಾಜ್ಯೋತ್ಸವದ ಕೊಡುಗೆಯಾಗಿ ವರ್ಗ

Posted By:
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಬೆಂಗಳೂರು : ಬೆಂಗಳೂರು ಮಹಾನಗರ ಪಾಲಿಕೆ ಆಯುಕ್ತ ಕೆ. ಜೈರಾಜ್‌ ಸೇರಿದಂತೆ 16 ಐಎಎಸ್‌, ಐಪಿಎಸ್‌ ಅಧಿಕಾರಿಗಳನ್ನು ವರ್ಗಾಯಿಸಿ ರಾಜ್ಯ ಸರಕಾರ ಮಂಗಳವಾರ ಆದೇಶ ಹೊರಡಿಸಿದೆ.

    ಜೈರಾಜ್‌ ಅವರನ್ನು ಕರ್ನಾಟಕ ರಸ್ತೆ ಸಾರಿಗೆ ನಿಗಮದ ಉಪಾಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕರನ್ನಾಗಿ ವರ್ಗಾಯಿಸಲಾಗಿದೆ. ಜೈರಾಜ್‌ ಅವರ ಸ್ಥಾನಕ್ಕೆ ಶಂತನು ಕಾನ್‌ಸುಲ್‌ ಬರಲಿದ್ದಾರೆ. ಕಂದಾಯ ಇಲಾಖೆಯ ಪ್ರಧಾನ ಕಾರ್ಯದರ್ಶಿಯಾಗಿದ್ದ ಕೆ.ಪಿ. ಪಾಂಡೆ ಅವ-ರ-ನ್ನು ಇಂಧನ ಇಲಾಖೆಯ ಪ್ರಧಾನ ಕಾರ್ಯದರ್ಶಿಯ-ನ್ನಾ-ಗಿ, ಕರ್ನಾಟಕ ನಗರ ಮೂಲಭೂತ ಅಭಿವೃದ್ಧಿ ಮತ್ತು ಹಣಕಾಸು ನಿಗಮದ ಅಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕ ರಾಗಿದ್ದ ಗೋಕುಲರಾಂರನ್ನು ಅರಣ್ಯ ಹಾಗೂ ಪರಿಸರ ಇಲಾಖೆಯ ಕಾರ್ಯದರ್ಶಿಯನ್ನಾಗಿ ನೇಮಿಸಲಾಗಿದೆ. ಜಿ.ಕೆ. ಲೋಖರೆ- ಗುಲ್ಬರ್ಗ ವಿಭಾಗಾಧಿಕಾರಿಯಾಗಿ, ಶಿವಮೊಗ್ಗಾ ಜಿಲ್ಲಾಧಿಕಾರಿ ಪಿ.ಎನ್‌. ಶ್ರೀನಿವಾಸಾಚಾರಿ ಅವರನ್ನು ಮುಖ್ಯಮಂತ್ರಿಗಳ ಆಪ್ತ ಕಾರ್ಯದರ್ಶಿಯನ್ನಾಗಿ ನೇಮಿಸಿ ಆದೇಶ ಹೊರಡಿಸಲಾಗಿದೆ.

    ಮಂಡ್ಯ ಜಿಲ್ಲಾ ಎಸ್‌.ಪಿ.ಯಾಗಿ ಸಿಓಡಿಯ ಆನಂದ್‌ ಪೂಜಾರ್‌ ಅವರನ್ನು ಸೋಮವಾರ ನೇಮಿಸಲಾಗಿತ್ತು. ಆದರೆ 24 ಗಂಟೆಗಳೊಳಗೆ ಅವರ ಆದೇಶ ರದ್ದಾಗಿ ಅಮರ ಕುಮಾರ ಪಾಂಡೆ ಮಂಡ್ಯ ಜಿಲ್ಲಾ ಎಸ್‌.ಪಿಯಾಗಿ ನೇಮಕವಾಗಿದ್ದಾರೆ.

    ಕರ್ನಾಟಕ ನಗರ ಮೂಲಭೂತ ಅಭಿವೃದ್ಧಿ ಮತ್ತು ಹಣಕಾಸು ನಿಗಮದ ಅಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾಗಿ ಎನ್‌. ವಿಶ್ವನಾಥನ್‌, ಕರ್ನಾಟಕ ಸೋಪ್ಸ್‌ ಮತ್ತು ಡಿಟರ್ಜೆಂಟ್ಸ್‌ ಲಿಮಿಟೆಡ್‌ನ ಅಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾಗಿ ಎಸ್‌.ಎಂ. ಆಚಾರ್ಯ, ಮೈಸೂರು ಮಿನರಲ್ಸ್‌ ಲಿಮಿಟೆಡ್‌ನ ಅಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾಗಿ ವಿ. ಗೋವಿಂದರಾಜ್‌ ಕರ್ನಾಟಕ ಕೈಮಗ್ಗ ಅಭಿವೃದ್ಧಿ ನಿಗಮದ ವ್ಯವಸ್ಥಾಪಕ ನಿರ್ದೇಶಕರಾಗಿ ಪಿ. ಕೋಟಿಲಿಂಗನ ಗೌಡ ಅವರನ್ನು ನೇಮಿಸಲಾಗಿದೆ.

    ಎಂ. ಎನ್‌. ವಿಜಯಕುಮಾರ್‌- ಇಂಧನ ಇಲಾಖೆಯಲ್ಲಿ ಸರಕಾರದ ವಿಶೇಷ ಕಾರ್ಯದರ್ಶಿಯಾಗಿ, ಸಿ. ಚಿಕ್ಕಣ್ಣ- ಕಂದಾಯ ಇಲಾಖೆಯಲ್ಲಿ ಸರಕಾರದ ಕಾರ್ಯದರ್ಶಿ, ಟಿ.ವೈ.ನಯಾಜ್‌ ಅಹ್ಮದ್‌ -ಸಹಕಾರ ಸಂಘಗಳ ರಿಜಿಸ್ಟ್ರಾರ್‌, ಸಂಜೀವಕುಮಾರ್‌ ಕೆಟಿಸಿಎಲ್‌ ನಿರ್ದೇಶಕ, ಪಿ. ಗಣೇಶ್‌- ಶಿಮೊಗ್ಗ ಜಿಲ್ಲಾಧಿಕಾರಿ, ಎಸ್‌. ಎಲ್‌. ಗಂಗಾಧರಪ್ಪ- ಕಂದಾಯ ಇಲಾಖೆಯ ಪ್ರಧಾನ ಕಾರ್ಯದರ್ಶಿ, ಹಾವೇರಿ ಎಸ್ಪಿ- ಎಂ.ಎಫ್‌. ಪಾಷಾ, ಬೆಳಗಾವಿ ಎಸ್‌.ಪಿ.ಯಾಗಿ ಬಿ. ದಯಾನಂದ ಹಾಗೂ ಬಿಜಾಪುರ ಜಿಲ್ಲಾ ಎಸ್ಪಿಯಾಗಿ ಕೆ.ಎಸ್‌. ಆರ್‌. ಚರಣರೆಡ್ಡಿ ಅವರನ್ನು ನೇಮಿಸಲಾಗಿದೆ.

    (ಇನ್ಫೋ ವಾರ್ತೆ)

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more