ರಾಜ್‌ ಬಿಡುಗಡೆ ಯತ್ನಕ್ಕೆ ಕೇಂದ್ರದ ಸಂಪೂರ್ಣಬೆಂಬಲದ ಭರವಸೆ

ನವದೆಹಲಿ : ಅಪಹೃತ ಡಾ. ರಾಜ್‌ ಬಿಡುಗಡೆಗೆ ಕರ್ನಾಟಕ ಮತ್ತು ತಮಿಳುನಾಡು ಸರಕಾರಗಳು ನಡೆಸುತ್ತಿರುವ ಪ್ರಯತ್ನಗಳಿಗೆ ತನ್ನ ಬೆಂಬಲ ಮುಂದುವರಿಸುವುದಾಗಿ ಕೇಂದ್ರ ಸರಕಾರ ಸುಪ್ರೀಂಕೋರ್ಟ್‌ನಲ್ಲಿ ಮಂಗಳವಾರ ಅಫಿಡವಿಟ್‌ ಸಲ್ಲಿಸಿದೆ.

ಅಪಹರಣದ ಸಂಬಂಧ ವಿಚಾರಣೆ ಆಲಿಸುತ್ತಿರುವ ಮೂವರು ಸದಸ್ಯರ ನ್ಯಾಯಪೀಠದ ಮುಂದೆ ಅಫಿಡವಿಟ್‌ ಸಲ್ಲಿಸಿದ್ದು, ರಾಜ್‌ ಬಿಡುಗಡೆಗೆ ಎಲ್ಲ ವಿಧದ ಸಹಕಾರ ನೀಡುವುದಾಗಿ ಭರವಸೆ ನೀಡಿದೆ. ಈ ಮಧ್ಯೆ ಟಾಡಾ ಬಂಧಿಗಳ ಬಿಡುಗಡೆಗೆ ಸಂಬಂಧಿಸಿದಂತೆ ತನ್ನ ತೀರ್ಪು ನೀಡುವ ಮುಂಚೆ, ಕೇಂದ್ರ ಸಲ್ಲಿಸಿರುವ ಅಫಿಡವಿಟ್‌ ಅನ್ನು ತಾನು ಪರಿಶೀಲಿಸಬೇಕೆಂದು ಸುಪ್ರೀಂ ಕೋರ್ಟ್‌ ಹೇಳಿದೆ.

ಮಂಗಳವಾರ ಬೆಳಿಗ್ಗೆ ತಮಿಳುನಾಡಿನ ವಕೀಲ ವಿ.ಆರ್‌. ರೆಡ್ಡಿ ಅವರ ವಾದ ಆಲಿಸಿದ ಕೋರ್ಟ್‌, ಕೇಂದ್ರ ಸರಕಾರದ ಅಡಿಷನಲ್‌ ಸಾಲಿಸಿಟರ್‌ ಜನರಲ್‌ ಕಿರೀತ್‌ ರಾವಲ್‌ ಅವರ ವಾದ ಆಲಿಸಿತು. ಮಧ್ಯಾಹ್ನದ ನಂತರ ಕರೀಂ ಅವರ ವಕೀಲ ಚಾವಾ ಬದ್ರಿನಾಥ್‌ ಬಾಬು ಅವರ ವಾದ ಆಲಿಸಬೇಕಿದೆ.

ಮುಖಪುಟ / ರಾಜ್‌ ಅಪಹರಣ