ಸ್ವದೇಶೀ ಚರ್ಚ್‌ : ಆರೆಸ್ಸೆಸ್ಸ್‌ ಸಲಹೆಗೆ ದಲಿತ ಕ್ರಿಶ್ಚಿಯನ್ನರ ಬೆಂಬಲ

ನವದೆಹಲಿ : ದೇಶದ ಕ್ರೆೃಸ್ತರು ಸ್ವದೇಶೀ ಚರ್ಚ್‌ ಗಳನ್ನು ಸ್ಥಾಪಿಸಬೇಕು ಎಂದು ಆರೆಸ್ಸೆಸ್ಸ್‌ ಪ್ರಮುಖ ಸುದರ್ಶನ್‌ ಅ. 7ರಂದು ನಾಗಪುರ ಭಾಷಣದಲ್ಲಿ ನೀಡಿರುವ ಕರೆಯನ್ನು ದಲಿತ ಕ್ರೆೃಸ್ತರ ಪ್ರತಿನಿಧಿಯಾಗಿರುವ ಬಡ ಕ್ರೆೃಸ್ತರ ವಿಮೋಚನಾ ರಂಗ ಬುಧವಾರ ಬೆಂಬಲಿಸಿದೆ.

ವಿಮೋಚನಾ ರಂಗದ ಅಧ್ಯಕ್ಷ ಆರ್‌. ಎಲ್‌. ಫ್ರಾನ್ಸಿಸ್‌, ಸ್ವದೇಶೀ ಚರ್ಚ್‌ ಸ್ಥಾಪಿಸುವ ವಿಷಯವನ್ನು ಏಕಾ ಏಕಿ ತಿರಸ್ಕರಿಸಬಾರದು. ಅದು ಆರೆಸ್ಸೆಸ್ಸ್‌ ಮುಖಂಡರಿಂದ ಬಂದ ಸಲಹೆ ಎಂಬ ಒಂದೇ ಕಾರಣಕ್ಕೆ ಈ ಸಲಹೆಯನ್ನು ತಿರಸ್ಕರಿಸುವುದುವ ಒಳ್ಳೆಯದಲ್ಲ , ಹಿಂದುಳಿದಿರುವ ಕ್ರೆೃಸ್ತರ ಜೀವನ ಮಟ್ಟ ಸುಧಾರಣೆಗೆ ವಿದೇಶೀ ಮೂಲದಿಂದ ಬರುವ ಹಣ ಏನೇನೂ ಸಾಕಾಗುವುದಿಲ್ಲ ಎಂದು ಹೇಳಿದರು.

ಕ್ರೆೃಸ್ತರ ಕೆಲವು ಸಂಘಟನೆಗಳು ದೇಶದ ಒಳಗೆ ಮತ್ತು ಹೊರಗೆ ಎನ್‌ಡಿಎ ಸರಕಾರದ ವಿರುದ್ಧ ಕೆಲಸ ಮಾಡುತ್ತಿವೆ ಎಂದು ಆರೋಪಿಸಿದ ಅವರು, ಇಲ್ಲೇ ಹುಟ್ಟಿ ಬೆಳೆದು ಸಾಯಲಿರುವ ನಾವು ನಮ್ಮ ಸಮಸ್ಯೆಗಳನ್ನು ಇಲ್ಲಿಯೇ ಬಗೆಹರಿಸಿಕೊಳ್ಳಬೇಕೇ ಹೊರತು ಹೊರದೇಶದಲ್ಲಲ್ಲ ಎಂದರು.

(ಇನ್ಫೋ ವಾರ್ತೆ)