-ಅ.16 ರಂದು ರಾಜ್ಯ-ಕ್ಕೆ ವಿ-ಶ್ವ-ಬ್ಯಾಂ-ಕ್‌ ತಂಡ, ಕುಡಿ-ವ ನೀರಿ-ನ ಯೋಜ-ನೆ ಪರಿ-ಶೀ-ಲ-ನೆ

ಬೆಂಗಳೂರು : ಅಕ್ಟೋಬರ್‌ 16ರಂದು ರಾಜ್ಯ-ಕ್ಕೆ ಭೇಟಿ ನೀಡು-ವ ವಿಶ್ವ ಬ್ಯಾಂಕ್‌ ತಂಡಕ್ಕೆ, ಹತ್ತು ಜಿಲ್ಲೆಗಳ ಕುಡಿಯುವ ನೀರು ಸರಬರಾಜಿಗೆ ರಾಜ್ಯಸರಕಾರ ತಯಾರಿಸಿದ ಕಾರ್ಯತಂತ್ರ ವರದಿಯನ್ನು ಸಲ್ಲಿಸಲಾಗುವುದು ಎಂದು ರಾಜ್ಯ ವಾರ್ತಾ ಮತ್ತು ಪ್ರಚಾರ ಸಚಿವ ಬಿ.ಕೆ. ಚಂದ್ರ ಶೇಖರ್‌ ಹೇಳಿದ್ದಾರೆ.

ಗ್ರಾಮೀಣ ನೀರು ಪೂರೈಕೆಗೆ 2 ಸಾವಿರ ಕೋಟಿ ರೂಪಾಯಿ ನೆರವು ನೀಡಲು ವಿಶ್ವ ಬ್ಯಾಂಕ್‌ ಮುಂದೆ ಬಂದಿದೆ. 1,105 ಹಳ್ಳಿಗಳಿಗೆ ಸುಮಾರು 447 ಕೋಟಿ ರೂಪಾಯಿ ವೆಚ್ಚದಲ್ಲಿ ನೀರು ಪೂರೈಕೆಯ ಯೋಜನೆ ರೂಪಿಸಲಾಗಿದೆ. 903 ಹಳ್ಳಿಗಳಲ್ಲಿ ಈಗಾಗಲೇ ಈ ಯೋಜನೆ ಕಾರ್ಯರೂಪಕ್ಕೆ ಬಂದಿದೆ. ಕರ್ನಾಟಕ ಮಾತ್ರ ಎರಡು ಸಾವಿರ ಕೋಟಿ ರೂಪಾಯಿ ವಿಶ್ವ ಬ್ಯಾಂಕ್‌ ನೆರವು ಪಡೆಯುವ ರಾಜ್ಯವಾಗಿದೆ ಎಂದು ಸಚಿವರು ಹೇಳಿದರು.

ರಸ್ತೆ ಅಗಲಗೊಳಿಸುವ ಮತ್ತು ದುರಸ್ತಿ ಗೊಳಿಸುವ ಕಾಮಗಾರಿಗಳಿಗೆ 200 ಕೋಟಿ ರೂಪಾಯಿ, ಸ್ವಚ್ಛ ಗ್ರಾಮ ಯೋಜನೆಗೆ 160 ಕೋಟಿ ರೂಪಾಯಿ ಹಣ ಮಂಜೂರು ಮಾಡಲು ಸಚಿವ ಸಂಪುಟ ಒಪ್ಪಿಕೊಂಡಿದೆ ಎಂದು ಅವರು ತಿಳಿಸಿದರು.

(ಇನ್ಫೋ ವಾರ್ತೆ)