• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕ್ರಿಯಾಶೀಲವಾಯ್ತು ಕೈಗಾ ಅಣುಸ್ಥಾವರದ ಪ್ರಥಮ ಘಟಕ

By Staff
|

ನಮ್ಮ ಪ್ರತಿನಿಧಿಯಿಂದ

ಕೈಗಾ : ರಾಷ್ಟ್ರದ ಅಭಿವೃದ್ಧಿಯ ಪಥದಲ್ಲಿ ತನ್ನದೇ ಆದ ಛಾಪು ಮೂಡಿಸಿರುವ ಉತ್ತರ ಕನ್ನಡ ಜಿಲ್ಲೆಯ ಕೈಗಾ ಅಣುಸ್ಥಾವರದ ಮೊದಲ ಘಟಕ ಮಂಗಳವಾರ ಬೆಳಗ್ಗೆ 10.34ಕ್ಕೆ ಕ್ರಿಯಾಶೀಲವಾಯಿತು. ಕೈಗಾ ಯೋಜನೆಯ ಪ್ರಥಮ ನಿರ್ದೇಶಕರಾಗಿದ್ದ ಪರಮಹಂಸ ತಿವಾರಿ, ಎನ್‌.ಪಿ.ಸಿ.ಯ ಅಧ್ಯಕ್ಷರಾದ ವಿ.ಕೆ. ಚತುರ್ವೇದಿ, ಹಿರಿಯ ಕಾರ್ಯನಿರ್ವಾಹಕ ನಿರ್ದೇಶಕರುಗಳಾದ ವಿ.ಕೆ. ಶರ್ಮಾ, ಎ. ಸನತ್‌ ಕುಮಾರ್‌ ಹಾಗೂ ಮಾಜಿ ಉಪಕುಲಪತಿ ಎಂ.ಐ. ಸವದತ್ತಿ ಅವರು ಈ ಸಂದರ್ಭದಲ್ಲಿ ಹಾಜರಿದ್ದರು.

ಕರ್ನಾಟಕದ ಬೆಳಕಿಂಡಿಯಾದ ಉತ್ತರಕರ್ನಾಟಕ ಜಿಲ್ಲೆಯಿಂದ ಇನ್ನು ಕೆಲವೇ ದಿನದಲ್ಲಿ ಮತ್ತಷ್ಟು ವಿದ್ಯುತ್‌ ಹರಿದು ಬರಲಿದೆ. ಮಂಗಳವಾರ ಕ್ರಿಯಾಶೀಲವಾಗಿರುವ ಘಟಕ ಉತ್ಪಾದಿಸುವ ವಿದ್ಯುತ್‌ ಕೇವಲ ರಾಜ್ಯಕ್ಕಷ್ಟೇ ಅಲ್ಲ ಕೇಂದ್ರ ವಿದ್ಯುತ್‌ ಜಾಲಕ್ಕೂ ಸೇರ್ಪಡೆಯಾಗುತ್ತಿದೆ.

ಕೈಗಾ ಅಣು ವಿದ್ಯುತ್‌ ಸ್ಥಾವರದಲ್ಲಿ ಮಂಗಳವಾರ ಬೆಳಗ್ಗೆ ಕ್ರಿಯಾಶೀಲವಾದ ಮೊದಲ ಘಟಕ ಇನ್ನು ಕೆಲವೇ ದಿನಗಳಲ್ಲಿ ಕಾರ್ಯಾರಂಭಿಸಲಿದೆ. ವಿಶ್ವ ಅಣುಶಕ್ತಿ ನಕ್ಷೆಯಲ್ಲಿ ವಿಶಿಷ್ಟ ಸ್ಥಾನ ಪಡೆದಿರುವ ಕೈಗಾದ ಮೊದಲ ಘಟಕವನ್ನು ಶತಾಯಗತಾಯ ಇಂದು 10ಗಂಟೆ 30 ನಿಮಿಷಕ್ಕೆ ಕ್ರಿಯಾಶೀಲ ಗೊಳಿಸಲೇ ಬೇಕು ಎಂದು ಪಣತೊಟ್ಟಿದ್ದ ವಿಜ್ಞಾನಿಗಳು, ತಂತ್ರಜ್ಞರು ಕಳೆದ ಕೆಲವು ದಿನಗಳಿಂದ ಅವಿರತವಾಗಿ ಶ್ರಮಿಸಿದ್ದರು. ಇವರ ಶ್ರಮ ವ್ಯರ್ಥವಾಗಲಿಲ್ಲ.

ಮೊದಲ ಗುಮ್ಮಟದ ಹೃದ್ಭಾಗದಲ್ಲಿ ಸೇರಿಸಲಾಗುವ ಅಣು ಇಂಧನಕ್ಕೆ ನಿರ್ದಿಷ್ಟ ಸಂಖ್ಯೆಯ ನ್ಯೂಟ್ರಾನ್‌ಗಳನ್ನು ಸೇರಿಸುವ ಮೂಲಕ ಅಣು ವಿದಳನ ಪ್ರಕ್ರಿಯೆಗೆ ಮಂಗಳವಾರ ಚಾಲನೆ ನೀಡಲಾಯಿತು. ವಿದಳನ ಪ್ರಕ್ರಿಯೆ ಆರಂಭಗೊಂಡ ನಂತರ ಅದನ್ನು ನಿಯಂತ್ರಿಸಲು ಸಾಧ್ಯವೇ ವಿನಾ ಸಂಪೂರ್ಣ ನಿಲ್ಲಿಸಲು ಸಾಧ್ಯವಿಲ್ಲದ ಕಾರಣ ಎಲ್ಲ ಉಪಕರಣಗಳೂ ಸೇರಿದಂತೆ ಸಕಲ ನಿಯಂತ್ರಕ ವ್ಯವಸ್ಥೆಯನ್ನೂ ಕೂಲಂಕಷವಾಗಿ ಪರಿಶೀಲಿಸಲಾಯಿತು.

ವಿಕಿರಣ ಪ್ರಕ್ರಿಯೆ ನಡೆಯುವ ಗುಮ್ಮಟದ ಹೃದ್ಭಾಗದಲ್ಲಿ ಉಷ್ಣತೆಯನ್ನು 274 ಡಿಗ್ರಿ ಸೆಂಟಿಗ್ರೇಡ್‌ ಇರುವಂತೆ ನೋಡಿಕೊಳ್ಳಲಾಗಿತ್ತು. ಯಂತ್ರವನ್ನು ಪ್ರಾಯೋಗಿಕವಾಗಿ ಚಾಲನೆ ಮಾಡಿ ಅವುಗಳ ಕಾರ್ಯವಿಧಾನವನ್ನು ಅಧ್ಯಯನ ಮಾಡಲಾಯಿತು. ಮಂಗಳವಾರ ಸಂಜೆಯ ಹೊತ್ತಿಗೆ ಮೊದಲ ಘಟಕ ಹೇಗೆ ಕ್ರಿಯಾಶೀಲವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂಬ ಖಚಿತ ಮಾಹಿತಿ ತಜ್ಞರಿಂದ ದೊರಕುತ್ತದೆ.

ಇಂದು ಘಟಕ ಕ್ರಿಯಾಶೀಲವಾಗಿದ್ದಾಗ್ಯೂ ಕೂಡ ಇಲ್ಲಿ ಹಲವು ಪ್ರಯೋಗಗಳು ನಡೆಯಲೇ ಬೇಕು. ಈ ಪ್ರಯೋಗಗಳು ಪೂರ್ಣವಾಗಲು ಕನಿಷ್ಠ ಐದಾರು ವಾರಗಳಾದರೂ ಬೇಕು. ಈ ಭೌತ ಪ್ರಯೋಗಗಳು ಪೂರ್ಣಗೊಂಡ ನಂತರ ಇನ್ನು ಎರಡು ತಿಂಗಳಲ್ಲಿ ಘಟಕ ವಿದ್ಯುತ್‌ ಉತ್ಪಾದನೆಯಲ್ಲಿ ತೊಡಗಲಿದೆ. ಆರಂಭದಲ್ಲಿ ಕಿಲೋ ವ್ಯಾಟ್‌ನಲ್ಲಿ ಆರಂಭಗೊಳ್ಳುವ ಉತ್ಪಾದನೆ, ಕಾಲಕ್ರಮೇಣ 220 ಮೆಗಾವ್ಯಾಟ್‌ ವಿದ್ಯುತ್‌ ಉತ್ಪಾದಿಸಲಿದೆ.

ಈ ವರ್ಷಾರಂಭದಲ್ಲಿಯೇ ಕೈಗಾ ಸ್ಥಾವರದ ಎರಡನೇ ಘಟಕ ರಾಷ್ಟ್ರಕ್ಕೆ ಸಮರ್ಪಿತವಾಗಿತ್ತು. ಆದರೆ, 1994ರಲ್ಲಿ ಮೊದಲ ಘಟಕದ ಗುಮ್ಮಟ ಕಳಚಿ ಬಿದ್ದಿದ್ದರಿಂದಾಗಿ ಇದರ ಕಾರ್ಯಾರಂಭಕ್ಕೆ ಇಷ್ಟು ದಿನ ಕಾಯುವಂತಾಯಿತು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more