ಸೆ. 25ರಿಂದ ಮಂಗಳೂರಿನಲ್ಲಿ 2 ದಿನಗಳ ಇಂಟಕ್‌ ಸಮಾವೇಶ

ಮಂಗಳೂರು :ಇಂಡಿಯನ್‌ ಟ್ರೇಡ್‌ ಯೂನಿಯನ್‌ ಕಾಂಗ್ರೆಸ್‌ನ (ಐಎನ್‌ಟಿಯುಸಿ) ಎರಡು ದಿನಗಳ ಸಭೆ ಸೆಪ್ಟಂಬರ್‌ 25ರಿಂದ ಇಲ್ಲಿ ಆರಂಭವಾಗಲಿದೆ.

ಈ ಸಮಾವೇಶದಲ್ಲಿ ಸುಮಾರು 300 ಪ್ರತಿನಿಧಿಗಳು ಭಾಗವಹಿಸುವ ನಿರೀಕ್ಷೆ ಇದ್ದು, ಜಾಗತೀಕರಣ ಮತ್ತು ಉದಾರೀಕರಣದ ಹಿನ್ನಲೆಯಲ್ಲಿ ಉದ್ಭವವಾಗಿರುವ ಕಾರ್ಮಿಕರ ಹೊಸ ಸಮಸ್ಯೆಗಳು ಹಾಗೂ ಕೈಗಾರಿಕಾ ವಿವಾದಗಳ ಅಧಿನಿಯಮವನ್ನು ಪುನಾರಚಿಸಲು ರವೀಂದ್ರವರ್ಮಾ ನೇತೃತ್ವದಲ್ಲಿ ನೇಮಿಸಲಾಗಿರುವ ಎರಡನೇ ಕಾರ್ಮಿಕ ಆಯೋಗದ ಕುರಿತು ಸಭೆ ಚರ್ಚಿಸಲಿದೆ ಎಂದು ಇಂಟಕ್‌ನ ಕರ್ನಾಟಕ ಘಟಕದ ಅಧ್ಯಕ್ಷ ಎನ್‌. ಎಂ. ಅಡ್ಯಂತಾಯ ತಿಳಿಸಿದ್ದಾರೆ.