ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಬೀದರ್-ನ ಚರ್ಚ್ನಲ್ಲಿ ಮದರ್ ಮೇರಿ ಪ್ರತಿಮೆಗೆ ಅವಮಾನ
ಬೀದರ್ : ಇಲ್ಲಿನ ವಿಜಯನಗರ ಕಾಲೋನಿಯ ಸೇಕ್ರೆಡ್ ಹಾರ್ಟ್ ಕ್ಯಾಥೋಲಿಕ್ ಚರ್ಚ್ ಮೇಲೆ ಬುಧವಾರ ರಾತ್ರಿ ದಾಳಿ ಮಾಡಿದ ದುಷ್ಕರ್ಮಿಗಳ ಗುಂಪು ಮದರ್ ಮೇರಿಯ ಪ್ರತಿಮೆಯನ್ನು ಅವಮಾನಗೊಳಿಸಿದ ಘಟನೆ ವರದಿಯಾಗಿದೆ.
ನಗರದ ಬಸ್ ನಿಲ್ದಾಣದಿಂದ ತುಸು ದೂರದಲ್ಲಿರುವ ಈ ಚರ್ಚ್ ಆವರಣದಲ್ಲಿ ರಾತ್ರಿ ಎರಡು ಗಂಟೆ ಹೊತ್ತಿಗೆ ಚರ್ಚ್ಗೆ ನುಗ್ಗಿದ ದುಷ್ಕರ್ಮಿಗಳು, ಮದರ್ ಮೇರಿ ಪ್ರತಿಮೆಯ ಸುತ್ತ ಹಾಕಿರುವ ಗಾಜಿನ ಕವಚವನ್ನು ಪುಡಿ ಮಾಡಿ, ವಿಗ್ರಹದ ಮೇಲೆ ಕುಂಕುಮ ಎರಚಿದ್ದಾರೆ.
ಘಟನೆ ನಡೆದಾಗ ಚರ್ಚ್ನ ಪಾದ್ರಿ ಸ್ಟ್ಯಾನ್ಲಿ ಊರಿನಲ್ಲಿ ಇರಲಿಲ್ಲ. ಪಾದ್ರಿಯವರ ವಾಹನ ಚಾಲಕ ಜಾನ್ ಮತ್ತು ಇತರ ಇಬ್ಬರು ಚರ್ಚ್ ಆವರಣದಲ್ಲಿ ಮಲಗಿದ್ದರು. ಗಾಜು ಒಡೆಯುತ್ತಿರುವ ಸದ್ದಿಗೆ ಎಚ್ಚರವಾಗುವಷ್ಟರಲ್ಲಿ ದುಷ್ಕರ್ಮಿಗಳು ಓಡುತ್ತಿರುವುದು ಕಾಣಿಸಿತು ಎಂದು ಚಾಲಕ ಜಾನ್ ಹೇಳಿದರು. ಡಿವೈಎಸ್ಪಿ ಸಿದ್ರಾಮಪ್ಪ ಶ್ವಾನದಳದೊಂದಿಗೆ ಸ್ಥಳಕ್ಕೆ ಭೇಟಿ ನೀಡಿದ-ರು. ನಗರದ ನ್ಯೂ ಟೌನ್ ಠಾಣೆಯಲ್ಲಿ ಪ್ರಕರಣವನ್ನು ದಾಖ-ಲಿ-ಸ-ಲಾ-ಗಿ-ದೆ.
(ಇನ್ಫೋ ವಾರ್ತೆ)
Comments
Story first published: Thursday, September 7, 2000, 5:30 [IST]