ಗೋಪಾಲ್‌- ವೀರಪ್ಪನ್‌ ಕಾಡಲ್ಲಿ ಮಾತಾಡುತ್ತಿದ್ದಾರೆ

ಚೆನ್ನೈ : ನಕ್ಕೀರನ್‌ ಸಂಪಾದಕ ಗೋಪಾಲ್‌ ಸತ್ಯಮಂಗಲಂ ಕಾಡಿನಲ್ಲಿ ವೀರಪ್ಪನ್‌ ಜೊತೆ 3ನೇ ಸುತ್ತಿನ ಮಾತುಕತೆ ನಡೆಸುತ್ತಿದ್ದಾರೆ ಎಂದು ನಕ್ಕೀರನ್‌ ಪತ್ರಿಕೆ ಮೂಲಗಳು ತಿಳಿಸಿವೆ.

ಮಾತುಕತೆಯ ಫಲಶೃತಿಯನ್ನು ಎಲ್ಲರೂ ಉತ್ಸುಕತೆಯಿಂದ ಎದುರು ನೋಡುತ್ತಿದ್ದಾರೆ. ವೀರಪ್ಪನ್‌, ರಾಜ್‌ ಬದಲಿಗೆ ಬಿಡುಗಡೆ ಮಾಡಬೇಕೆಂದು ಹೇಳಿರುವ ಐವರು ತಮಿಳು ಉಗ್ರರಲ್ಲಿ ಒಬ್ಬನಾದ ಮಣಿಕಂಠನ್‌ನನ್ನು ಕಾಡಿಗೆ ಕಳುಹಿಸಕೂಡದೆಂದು ಅವನ ತಂದೆ ಮೊರೆಯಿಟ್ಟಿರುವುದು ಹಾಗೂ ಸಹಚರರಿಗೆ ಜಾಮೀನು ನೀಡುವ ಕುರಿತು ಕರೀಂ ಖಾನ್‌ ಎತ್ತಿರುವ ತಕರಾರು, ವೀರಪ್ಪನ್‌ನ ಪ್ರಮುಖ ಬೇಡಿಕೆ ಈಡೇರಿಕೆ ವಿಳಂಬವಾಗಲು ಕಾರಣವಾಗಿದೆ. ಕರೀಂ ಖಾನ್‌ ತಕರಾರು ಕುರಿತಂತೆ ಸುಪ್ರೀಂಕೋರ್ಟ್‌ ಶುಕ್ರವಾರ ತೀರ್ಪು ನೀಡಲಿದ್ದು, ನಂತರ ಗೋಪಾಲ್‌- ವೀರಪ್ಪನ್‌ ಮಾತುಕತೆ ಚುರುಕಾಗುವ ನಿರೀಕ್ಷೆಯಿದೆ.

(ಯುಎನ್‌ಐ)