ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕಾಮನಬಿಲ್ಲು ನೋಡಿದಿರಾ ?

By Staff
|
Google Oneindia Kannada News

ಬೆಂಗಳೂರು: ಬುಧವಾರ ಸಂಜೆ ಡೆಸ್ಕಿನಲ್ಲಿ ವರದಿ ಜೋಡಿಸುತ್ತಾ ,ಆಯುತ್ತಾ , ಕುಳಿತು ಬೇಸರವಾಗಿ ಟರೇಸಿನ ಮೇಲೆ ಹೋದಾಗ-

ಬೆಂಗಳೂರಿನ ಆಕಾಶದಲ್ಲಿ ಹೊಗೆ ಬಿಟ್ಟರೆ ಬೇರೇನಿದೆ ಎನಿಸಿದರೂ, ಮಳೆ ಗಿಳೆಯೇನಾದರೂ ಮನೆಗೆ ಹೋಗುವುದನ್ನು ತಡಮಾಡಲು ಕಾಯುತ್ತಾ ಕುಳಿತಿದೆಯೇ ಎಂದು ಕತ್ತೆತ್ತಿ ನೋಡಿದಾಗ... ಅಲ್ಲಿದ್ದ ಅದ್ಭುತ ಕಂಡು ಇನ್ನಿಲ್ಲದ ಖುಷಿಯಾಯಿತು. ಕಾಮನ ಬಿಲ್ಲು ಆಕಾಶ ಭೂಮಿಗೆ ಸೇತುವೆ ಕಟ್ಟಿತ್ತು. ಪಕ್ಕದಲ್ಲಿಯೇ ತೆಳುವಾಗಿ ಇನ್ನೊಂದು ಕಾಮನ ಬಿಲ್ಲು....ತುಂತುರು ಮಳೆ !

ವಾಹನಗಳ ಸದ್ದು, ಹಾರ್ನ್‌ಗಳ ಕಿರಿಕಿರಿ, ಐದು ನಿಮಿಷಕ್ಕೊಂದು ಸಿಗ್ನಲ್ಲು, ಅಲ್ಲಿ ತುಂಬಿರುವ ಕಪ್ಪು ಹೊಗೆ ಇದರ ಹೊರತಾಗಿ ಬೆಂಗಳೂರಿನವರಿಗೆ ಕಾಮನಬಿಲ್ಲು ನೋಡಲು ಸಿಗುವುದು ಟೀವಿಯಲ್ಲಿ ಮಾತ್ರ. ಆದರೆ ನಿನ್ನೆ ನಮ್ಮ ಆಕಾಶಕ್ಕೆ ಕಾಮನ ಬಿಲ್ಲು ನಿಜವಾಗಿ ಬಂದಿತ್ತು. ನೀವು ನೋಡಿದಿರಾ ?

ಗುರುವಾರದಂದು ಸಂಜೆ ವೇಳೆಗೆ ಬೆಂಗಳೂರು ತುಂಬಾ ಮಳೆ ಸುರಿಯಲಾರಂಭಿಸಿದೆ. ಗೋಕರ್ಣದಲ್ಲಿ ದಿನದ ದಾಖಲೆ ಮಳೆ 7 ಸೆಂಟಿ ಮೀಟರು ಸುರಿದಿದೆ. ವಿರಾಜ್‌ಪೇಟೆ, ಮೈಸೂರಿನಲ್ಲಿ 3 ಸೆಂಟಿ ಮೀಟರ್‌ ಮಳೆ. ಕರಾವಳಿಯಲ್ಲಿ ಗುರುವಾರದಂದು ಮಳೆಯೇನೂ ಕಾರುಬಾರು ನಡೆಸಲಿಲ್ಲ. ಶನಿವಾರದವರೆಗೆ ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿರುವ ಪ್ರಕಾರ ರಾಜ್ಯದ ಕೆಲವು ಕಡೆ ಗುಡುಗು, ಮಿಂಚಿನ ಮಳೆಯಾಗುವ ಸಾಧ್ಯತೆ ಇದೆಯಂತೆ. ಫೋನ್‌, ಟೕವಿಯ ಪ್ಲಗ್‌ ಕಿತ್ತಿಟ್ಟು ಮಲಗಿದರೆ ಒಳ್ಳೆದು. ಕರಾವಳಿಯಲ್ಲಿಯೂ ಮಳೆ ಜೋರಾಗಿಯೇ ಸುರಿಯುವ ಸಾಧ್ಯತೆ ಇರುವುದರಿಂದ ಮೀನುಗಾರರು ಮೀನು ಹಿಡಿಯಲು ಹೋಗಬಾರದು ಎಂದು ಇಲಾಖೆ ಕಟ್ಟೆಚ್ಚರ ನೀಡಿದೆ. ಬೆಂಗಳೂರು ಆಕಾಶ ಇನ್ನೆರಡು ದಿನ ಮೋಡ ಮಸುಕು ಹಾಕಿ ಮಲಗಬಹುದು. ಪಿರಿ ಪಿರಿ ಮಳೆ ಬಂದು ಉಪದ್ರವ ಮಾಡಲೂ ಬಹುದು.

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X