ಕರುಣಿಸು ತಾಯೇ...

• ರಘುನಾಥ್‌.ಪಿ.ಜಿ., ಬೆಂಗಳೂರು
  [email protected]

ಯಾಕೀ ಮುನಿಸು ತಾಯೇ

ನಿನ್ನೀ ಮಕ್ಕಳ ಮೇಲೆ, ಎಡಬಿಡದೇ

ಕಾಡುವೆ, ತರವೇ ನಿನಗೆ ಈ ಮುನಿಸು,

ಬಾರದೇ ನಿನಗೆ ಇನಿತೂ ಬೇಸರ !

ಕಳೆದ ಬಾರಿ ಸುನಾಮಿಯಾಗಿ ಉಕ್ಕಿ ಬಂದೆ
ನುಂಗಿದೆ ಹತ್ತಾರು ಸಹಸ್ರ ಮೀನ್ಮಕ್ಕಳ,
ಇಷ್ಟು ಬೇಗ ಮತ್ತೆ ಬೇಕಾಯಿತೇ
ಮತ್ತಾರು ಸಹಸ್ರ ಕಣ್ಮಣಿಗಳ ಜೀವ !

ನೀ ಹೆತ್ತ ಮಕ್ಕಳ ನೀನೇ ನುಂಗಲು
ಕಾದು ನಿಂತರೆ ಕಾಯುವವರು ಯಾರು
ತಾಯೇ ನಿನ್ನೀ ಮಕ್ಕಳ, ಮರೆಯದಿರು
ತಾಯೇ ಕಾಯ್ವದೇ ನಿನ್ನ ಕಾಯಕ
ಕೊಲ್ವದು ಅಲ್ಲ ಎಂಬುದ !

ನಿಜ ನಿನ್ನೀ ಮಕ್ಕಳು ಮಾಡುತಿಹರು
ಹಲವಾರು ಅನಾಚಾರಗಳ ನಿನ್ನ ಮೇಲೆ,
ಆದರೂ ಇರಲಿ ತಾಯೆ ಅವರಲಿ ಕ್ಷಮೆ,
ತೋರು ತಾಯೇ ನಿನ್ನೀ ಮಕ್ಕಳ
ಮೇಲೆ ಅಕ್ಕರೆ, ಹರಸು ತಾಯೆ ಕರುಣಿಸು
ಮತ್ತೆಂದೂ ಕಾಡದಿರು ತಾಯೇ ಕಾಡದಿರು !

ಮುಖಪುಟ / ಸಾಹಿತ್ಯ-ಸಂಸ್ಕೃತಿ