ನವ ಯುಗ ಬೇವು ಬೆಲ್ಲದ ಸಿಹಿಯ ಸವಿಯೆ ಬಂತು ಉಗಾದಿ

ಬೇವು ಬೆಲ್ಲದ ಸಿಹಿಯ ಸವಿಯೆ ಬಂತು ಉಗಾದಿ

ನವ ವರುಷದ ಹರುಷ ಮನೆಗೆ ತಂತು ಉಗಾದಿ

ನವ ವರುಷ ಹೊಸ ಹರುಷ ತಂತು ಉಗಾದಿ

ಬನ್ನಿ ನಮಗಾಗಿ ಕಾದಿದೆ ಹೊಸ ಹಾದಿ

ಮಾಮರದಿ ಕುಳಿತು ಉಲಿವ ಕೋಗಿಲೆಯ ದನಿಯು
ಅದಕಿಲ್ಲ ಸಕ್ಕರೆಯ ಸಿಹಿಯು ಕೂಡ ಸಾಟಿಯು
ಕುಹೂ ಕುಹೂ ಸ್ವರ ಮಾಧುರ್ಯಕೆ ಸೋತ ಮನವು
ನಕ್ಕಿತೊಮ್ಮೆ, ಮನದಾಳದ ದುಗುಡವಾಯ್ತು ಮಾಯವು

ಪ್ರೀತಿಯೆಂಬ ಬೆಲ್ಲವ ಎಲ್ಲರಿಗೂ ಹಂಚುವ
ದ್ವೇಷವೆಂಬ ಕಹಿಯ ಇಂದೇ ಕಿತ್ತು ಒಗೆಯುವ
‘‘ಬಾಳ ದಾರಿಯಲ್ಲಿ ಕಲ್ಲು ಮುಳ್ಳುಗಳಿವೆ'' ಅರಿಯುವ
ಎಲ್ಲವನ್ನು ಧೈರ್ಯ-ಸ್ಥೈರ್ಯದಿಂದ ಸ್ವೀಕರಿಸುವ

ಪರರಿಗೆ ನಮಗಾದಷ್ಟು ಮಾಡುವ ಸಹಾಯ
ಅದಕಿಂತ ಮಿಗಿಲಾದುದಿಲ್ಲ ಬೇರೆ ಕಾಯ
ಪ್ರತಿಫಲದ ನಿರೀಕ್ಷೆಯು ಎಂದಿಗೂ ಅನ್ಯಾಯ
ಈ ಸತ್ಯವನರಿಯೆ ಎಲ್ಲ ಚಿಂತೆಯೂ ಮಾಯ
ದಿ ಈ ಪಣವ ತೊಡುವುದೇ ನ್ಯಾಯ

English summary

Nava Yuga kannada poem by Vani Aravind.