ಹೊಸ ವರುಷ ಜಗಕೆ ಹರುಷ ತಂದಿತು

ಬಂದಿ-ತು !
ಜಗಕೆ ಹರುಷ ತಂದಿ-ತು !

ಯುಗದಾದಿ ಚೈತ್ರಕ್ಕೆ
ಕನಸೆಲ್ಲ ಚಿಗುರಿ-ತು !
ಬಣ-ಬಣ್ಣ ಚಿತ್ರಕ್ಕೆ
ಮನವೆಲ್ಲ ಅರಳಿ-ತು !

ಮಾವು-ಬೇವು ಪಲ್ಲವಿಸಿ
ಹೂ ಹಾಸ ಹಾಸಿ-ತು !
ಬನವೆಲ್ಲ ನಲಿದಾಡಿ
ಮೆಲು ಗಾಳಿ ಸೂಸಿ-ತು !

ಜೇನ್ನೊಣ ಬಂಡುಂಡು
ಕಂಪನ್ನು ಹರಸಿ-ತು !
ಕೋಗಿಲೆಯ ಇಂಚರವು
ಇಂಪನ್ನು ಬೆರಸಿ-ತು !

ಬರಡಾದ ಮರಗಳಲಿ
ಹೊಸ ಕಳೆಯು ಹೊಮ್ಮಿ-ತು !
ಬರಿದಾದ ಭಾವದಲಿ
ರಸ ಬುಗ್ಗೆ ಚಿಮ್ಮಿ-ತು !

English summary

Hosa Varsha kannada poem by Chandragouda Kulakarni.