Maha Shivaratri 2024: ಮಹಾಶಿವರಾತ್ರಿ ದಿನಾಂಕ, ಶುಭ ಸಮಯ ಮತ್ತು ಪ್ರಾಮುಖ್ಯತೆ ತಿಳಿಯಿರಿ

ಸನಾತನ ಧರ್ಮದಲ್ಲಿ ಮಹಾದೇವ ಶಿವನಿಗೆ ಹೆಚ್ಚಿನ ಪ್ರಾಮುಖ್ಯತೆ ಇದೆ. ಹೀಗಾಗಿ ಮಹಾಶಿವರಾತ್ರಿ ಹಬ್ಬವನ್ನು ದೇಶದಾದ್ಯಂತ ಅತ್ಯಂತ ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಈ ದಿನದಂದು ಶಿವನ ಭಕ್ತರು ಭೋಲೆನಾಥನನ್ನು ಶಾಸ್ತ್ರೋಕ್ತವಾಗಿ ಪೂಜಿಸುವ ಮೂಲಕ ಅನೇಕ ಸಮಸ್ಯೆಗಳಿಂದ ಪರಿಹಾರವನ್ನು ಪಡೆಯುತ್ತಾರೆ.

ಹಿಂದೂ ಕ್ಯಾಲೆಂಡರ್ ಪ್ರಕಾರ ಮಹಾಶಿವರಾತ್ರಿ ಹಬ್ಬವನ್ನು ಫಾಲ್ಗುಣ ಮಾಸದ ಕೃಷ್ಣ ಪಕ್ಷದ ಚತುರ್ದಶಿಯಂದು ಆಚರಿಸಲಾಗುತ್ತದೆ. ಈ ಮಂಗಳಕರ ದಿನದಂದು ಭಗವಾನ್ ಮಹಾದೇವನನ್ನು ಧಾರ್ಮಿಕ ವಿಧಿಗಳೊಂದಿಗೆ ಪೂಜಿಸಲಾಗುತ್ತದೆ. ಇದಲ್ಲದೆ ಅನೇಕ ಭಕ್ತರು ಮಹಾಶಿವರಾತ್ರಿಯ ದಿನದಂದು ಉಪವಾಸವನ್ನು ಆಚರಿಸುತ್ತಾರೆ.

ಪ್ರತಿ ವರ್ಷ ಮಹಾಶಿವರಾತ್ರಿ ಹಬ್ಬವನ್ನು ದೇಶಾದ್ಯಂತ ಶಿವಶಂಕರನ ಆರಾಧಕರು ಬಹಳ ವಿಜೃಂಭಣೆಯಿಂದ ಆಚರಿಸುವುದು ಇದೆ. ವರ್ಷದ 12 ಶಿವರಾತ್ರಿಗಳಲ್ಲಿ ಮಹಾಶಿವರಾತ್ರಿಯನ್ನು ಅತ್ಯಂತ ಪ್ರಮುಖವೆಂದು ಪರಿಗಣಿಸಲಾಗಿದೆ. ಈ ವರ್ಷದ ಮಹಾಶಿವರಾತ್ರಿಯ ದಿನಾಂಕ, ಸಮಯ ಮತ್ತು ಮಹತ್ವದ ಬಗ್ಗೆ ವಿವರವಾಗಿ ತಿಳಿಯಿರಿ -

ಮಹಾ ಶಿವರಾತ್ರಿ 2024 ದಿನಾಂಕ

ಹಿಂದೂ ಕ್ಯಾಲೆಂಡರ್ ಪ್ರಕಾರ, ಫಾಲ್ಗುಣ ಕೃಷ್ಣ ಚತುರ್ದಶಿ ತಿಥಿ ಮಾರ್ಚ್ 08 ರಂದು ರಾತ್ರಿ 09:57 ಕ್ಕೆ ಪ್ರಾರಂಭವಾಗುತ್ತದೆ ಮತ್ತು ಮಾರ್ಚ್ 9 ರಂದು ಸಂಜೆ 6:17 ಕ್ಕೆ ಕೊನೆಗೊಳ್ಳುತ್ತದೆ. ಈ ವರ್ಷ ಮಹಾಶಿವರಾತ್ರಿಯನ್ನು ಮಾರ್ಚ್ 8 ರಂದು ಆಚರಿಸಲಾಗುತ್ತದೆ.

ಮಹಾಶಿವರಾತ್ರಿ 2024: ಶಿವನನ್ನು ಪೂಜಿಸಲು ಶುಭ ಸಮಯ

ಮಹಾಶಿವರಾತ್ರಿ ಶಿವನ ಪೂಜೆಯ ಶುಭ ಸಮಯ ಮಾರ್ಚ್ 8ರ ಮಧ್ಯರಾತ್ರಿ 12:07ರಿಂದ 12:56ರವರೆಗೆ ಇರುತ್ತದೆ. ಪೂಜೆಯ ಅಭಿಜಿತ್ ಮುಹೂರ್ತ - ಮಧ್ಯಾಹ್ನ 12:12 ರಿಂದ 01:01 ರವರೆಗೆ ಇರುತ್ತದೆ. ಇದರೊಂದಿಗೆ ಹಿಂದೂ ಪಂಚಾಂಗದ ಪ್ರಕಾರ ಮಹಾಶಿವರಾತ್ರಿಯ ದಿನ ಬೆಳಗ್ಗಿನಿಂದಲೇ ಸರ್ವಾರ್ಥ ಯೋಗ ರೂಪುಗೊಳ್ಳುತ್ತಿದೆ. ಈ ದಿನ ಬೆಳಿಗ್ಗೆ 06:45 ರಿಂದ 10:41 ರವರೆಗೆ ಶಿವಯೋಗ ಇರುತ್ತದೆ. ಇದಲ್ಲದೇ ಮಾರ್ಚ್ 8 ರಂದು ಬೆಳಗ್ಗೆ 04:45 ರಿಂದ ಬ್ರಹ್ಮ ಮುಹೂರ್ತ ಆರಂಭವಾಗಲಿದೆ. ಮಹಾಶಿವರಾತ್ರಿ ಉಪವಾಸವು ಮಾರ್ಚ್ 9 ರಂದು ಬೆಳಿಗ್ಗೆ 06:18 ಕ್ಕೆ ಕೊನೆಗೊಳ್ಳುತ್ತದೆ.

ಮಹಾಶಿವರಾತ್ರಿ ಹಬ್ಬದ ಪ್ರಾಮುಖ್ಯತೆ

ಸನಾತನ ಧರ್ಮದಲ್ಲಿ ಮಹಾಶಿವರಾತ್ರಿ ಹಬ್ಬಕ್ಕೆ ವಿಶೇಷವಾದ ಮಹತ್ವವಿದೆ. ಈ ದಿನ ನಾಡಿನಾದ್ಯಂತ ಮಹಾದೇವನ ಹಬ್ಬವನ್ನು ವಿಜೃಂಭಣೆಯಿಂದ ಆಚರಿಸಲಾಗುತ್ತದೆ. ಈ ದಿನದಂದು ಅನೇಕ ಆರಾಧಕರು ಶಾಸ್ತ್ರೋಕ್ತವಾಗಿ ಶಿವನನ್ನು ಪೂಜಿಸುತ್ತಾರೆ. ಜನರು ಬ್ರಹ್ಮ ಮುಹೂರ್ತದಲ್ಲಿ ಸ್ನಾನ ಮಾಡಿ ತುಪ್ಪದ ದೀಪಗಳನ್ನು ಹಚ್ಚುತ್ತಾರೆ. ಜೊತೆಗೆ ಈ ದಿನ ಭಗವಾನ್ ಮಹಾದೇವನ ಜಲಾಭಿಷೇಕವನ್ನು ಮಾಡುವುದರಿಂದ ಮತ್ತು ಆತನನ್ನು ಮನಃಪೂರ್ವಕವಾಗಿ ಪೂಜಿಸುವುದರಿಂದ ಜೀವನದಲ್ಲಿ ಸಂತೋಷ, ಸಂಪತ್ತು, ಶಾಂತಿ ಮತ್ತು ಸಮೃದ್ಧಿಯನ್ನು ಪಡೆಯುತ್ತಾನೆ ಎಂದು ನಂಬಲಾಗಿದೆ. ಈ ದಿನ ಮಹಾದೇವನ ಕೆಲವು ವಿಶೇಷ ಮಂತ್ರಗಳನ್ನು ಪಠಿಸಲಾಗುತ್ತದೆ -

ಮಹಾಶಿವರಾತ್ರಿಯಂದು ಈ ಶಿವ ಮಂತ್ರಗಳನ್ನು ಪಠಿಸಿ (ಮಹಾ ಶಿವರಾತ್ರಿ ಪೂಜಾ ಮಂತ್ರ)

ಓಂ ಶಿವಾಯ ನಮಃ, ಓಂ ಸರ್ವಾತ್ಮನೇ ನಮಃ, ಓಂ ತ್ರಿನೇತ್ರಾಯ ನಮಃ, ಓಂ ಹರಾಯ ನಮಃ ಈ ಮಂತ್ರವನ್ನು ಕ್ರಮವಾಗಿ ಪಠಿಸುತ್ತಾ ಹೋಗಿ. ಭಕ್ತಿಯಿಂದ ಶಿವನಿಗೆ ಬಿಲ್ವ ಪತ್ರ ಅರ್ಪಿಸಿ. ಓಂ ಈಶಾನಾಯ ನಮಃ, ಓಂ ಅನಂತಧರ್ಮಾಯ ನಮಃ, ಓಂ ಜ್ಞಾನಭೂತಾಯ ನಮಃ ಎಂದು ಜಾಗರಣೆ ಮಾಡಿ.

English summary

Maha Shivratri 2024: When is Mahashivratri of Phalguna month? Note the date, auspicious time and significance. Read more in Kannada.