Holi 2025: ಬಣ್ಣಗಳ ಹಬ್ಬ ಹೋಳಿ ಯಾವಾಗ? ಸರಿಯಾದ ದಿನಾಂಕ ಇಲ್ಲಿದೆ

ಪ್ರತಿ ವರ್ಷದಂತೆ ಈ ವರ್ಷವೂ ಹೋಳಿ ಯಾವಾಗ ಆಚರಿಸಲಾಗುತ್ತದೆ ಎಂಬುದರ ಬಗ್ಗೆ ಸಾಕಷ್ಟು ಗೊಂದಲಗಳಿವೆ. ಹೋಳಿ ಹಬ್ಬವನ್ನು ಮಾರ್ಚ್ 14 ರಂದು ಆಚರಿಸಲಾಗುತ್ತದೆಯೋ ಅಥವಾ ಮಾರ್ಚ್ 15 ರಂದು ಆಚರಿಸಲಾಗುತ್ತದೆಯೋ ಎಂಬುದು ಪ್ರಸ್ತುತ ಹೆಚ್ಚು ಚರ್ಚೆಯ ವಿಷಯವಾಗಿದೆ. ಕೆಲವು ಸ್ಥಳಗಳಲ್ಲಿ ಮಾರ್ಚ್ 14 ರಂದು ಹೋಳಿ ಆಚರಿಸಲಾಗುತ್ತಿದ್ದರೆ, ಕೆಲವು ಸ್ಥಳಗಳಲ್ಲಿ ಮಾರ್ಚ್ 15 ರಂದು ಹೋಳಿ ಆಚರಿಸಲಾಗುತ್ತಿದೆ. ಅಷ್ಟಕ್ಕೂ ಹೋಳಿ ಹಬ್ಬದ ಬಗ್ಗೆ ಗೊಂದಲ ಯಾಕೆ ಇದೆ? ಹೋಳಿಕಾ ದಹನ ಮತ್ತು ಬಣ್ಣದ ಆಟವಾಡಲು ಸರಿಯಾದ ದಿನಾಂಕ ಯಾವುದು ಎಂದು ಈಗ ತಿಳಿಯೋಣ.

2025ರ ಹೋಳಿ ಹಬ್ಬದ ದಿನಾಂಕ

ಪ್ರತೀ ವರ್ಷದಂತೆ ಈ ವರ್ಷವೂ ಹೋಳಿ ಹಬ್ಬದ ಬಗ್ಗೆ ಗೊಂದಲವಿದೆ. ಮಾರ್ಚ್ 14ರಂದು ಹೋಳಿ ಹಬ್ಬನಾ? ಅಥವಾ 15ರಂದು ಹೋಳಿ ಹಬ್ಬನಾ ಎನ್ನುವ ಬಗ್ಗೆ ಅನೇಕ ಸ್ಥಳಗಳಲ್ಲಿ ಜನರು ಗೊಂದಲಕ್ಕೊಳಗಾಗಿದ್ದಾರೆ. ಆದರೆ ಈ ಬಾರಿ ನೀವು ಈ ಗೊಂದಲಗಳಲ್ಲಿ ಸಿಲುಕಿಕೊಳ್ಳುವ ಅಗತ್ಯವಿಲ್ಲ. ಯಾಕೆಂದರೆ ಹೋಳಿ ಹಬ್ಬ ಅಂದರೆ ರಂಗೋತ್ಸವವನ್ನು ಪ್ರತಿ ವರ್ಷ ಚೈತ್ರ ಕೃಷ್ಣ ಪ್ರತಿಪದ ತಿಥಿಯಂದು ಆಚರಿಸಲಾಗುತ್ತದೆ.

ಈ ವರ್ಷ ಚೈತ್ರ ಕೃಷ್ಣ ಪ್ರತಿಪದ ತಿಥಿ ಮಾರ್ಚ್ 14 ರಂದು ಮಧ್ಯಾಹ್ನ 12:25 ರ ನಂತರ ಪ್ರಾರಂಭವಾಗುತ್ತದೆ. ಅಲ್ಲಿಯವರೆಗೆ ಫಾಲ್ಗುಣ ಪೂರ್ಣಿಮಾ ತಿಥಿ ಇರುತ್ತದೆ. ಹೀಗಾಗಿ ಮಾರ್ಚ್ 14 ರಂದು ಪ್ರತಿಪದ ತಿಥಿ ಹಗಲಿನಲ್ಲಿ ಬರುವುದರಿಂದ, ಆ ದಿನದಂದೇ ರಂಗೋತ್ಸವವನ್ನು ಆಚರಿಸಲಾಗುತ್ತದೆ.

ಬಣ್ಣಗಳ ಹಬ್ಬ ಹೋಳಿ ದಿನಾಂಕದ ಬಗ್ಗೆ ಜನರು ಗೊಂದಲಗೊಂಡಿರುವುದಕ್ಕೆ ಕಾರಣ ಜನರು ಉದಯ ದಿನಾಂಕವನ್ನು ಪರಿಗಣಿಸುತ್ತಿರುವುದು. ಅಂದರೆ ಹುಣ್ಣಿಮೆಯ ದಿನಾಂಕ ಮಾರ್ಚ್ 14ರಂದು ಬೆಳಿಗ್ಗೆ 12:25ರವರೆಗೆ ಇರುತ್ತದೆ. ಆದ್ದರಿಂದ ಜನರು ಮರುದಿನ ಅಂದರೆ ಮಾರ್ಚ್ 15ನೇ ತಾರೀಖಿನಂದು ರಂಗೋತ್ಸವವನ್ನು ಆಚರಿಸುವ ಬಗ್ಗೆ ಮಾತನಾಡುತ್ತಿದ್ದಾರೆ.

ಆದರೆ ಹೋಳಿ ಮತ್ತು ರಂಗೋತ್ಸವದ ನಿಯಮವೆಂದರೆ, ಪ್ರದೋಷ ಕಾಲದಲ್ಲಿ ಫಾಲ್ಗುಣ ಪೂರ್ಣಿಮಾ ತಿಥಿ ಬರುವ ದಿನದಂದು ಅದೇ ರಾತ್ರಿ ಹೋಳಿಕಾ ದಹನವನ್ನು ಮಾಡಲಾಗುತ್ತದೆ ಮತ್ತು ಮರುದಿನ ರಂಗೋತ್ಸವವನ್ನು ಆಚರಿಸಲಾಗುತ್ತದೆ. ಈ ನಿಯಮದ ಪ್ರಕಾರ, ಈ ವರ್ಷ ಮಾರ್ಚ್ 13 ರಂದು ಹೋಳಿಕಾ ದಹನ್ ಮಾಡಲಾಗುವುದು ಮತ್ತು ಮಾರ್ಚ್ 14 ರಂದು ರಂಗೋತ್ಸವ ಹಬ್ಬವನ್ನು ಆಚರಿಸಲಾಗುತ್ತದೆ.

ಹೋಳಿಕಾ ದಹನದ ಶುಭ ಸಮಯ

ಜ್ಯೋತಿಷಿಗಳ ಪ್ರಕಾರ, ಈ ವರ್ಷ ಹೋಳಿಕಾ ದಹನಕ್ಕೆ ಶುಭ ಸಮಯ ಮಾರ್ಚ್ 13 ರಂದು ರಾತ್ರಿ 11:26 ರಿಂದ 12:30 ರವರೆಗೆ ಇರುತ್ತದೆ. ಈ ಅವಧಿಯಲ್ಲಿ ನೀವು ಹೋಳಿಕಾಳನ್ನು ಸುಡಬಹುದು. ಮರುದಿನ ಹೋಳಿ ಹಬ್ಬವನ್ನು ಆಚರಿಸಲು ಶುಭ ಸಮಯವಿದೆ.

ಶುಭ ಯೋಗ

ಪಂಚಾಂಗದ ಪ್ರಕಾರ, ಹೋಳಿಕಾ ದಹನದ ಸಮಯದಲ್ಲಿ ಪೂರ್ವಫಲ್ಗುಣಿ ನಕ್ಷತ್ರದೊಂದಿಗೆ ಧೃತಿ ಯೋಗ ರೂಪುಗೊಳ್ಳುತ್ತಿದೆ. ಹೋಳಿ ಹಬ್ಬದ ದಿನದಂದು ಅಂದರೆ ಮಾರ್ಚ್ 14 ರಂದು ಉತ್ತರಾಫಲ್ಗುಣಿ ನಕ್ಷತ್ರದ ಜೊತೆಗೆ ಶೂಲ ಯೋಗವೂ ರೂಪುಗೊಳ್ಳುತ್ತದೆ. ಈ ಸಮಯದಲ್ಲಿ ಪೂಜೆ ಮಾಡುವುದರಿಂದ ಜೀವನದಲ್ಲಿ ಸಂತೋಷ ಮತ್ತು ಸಮೃದ್ಧಿ ಹೆಚ್ಚಾಗಲಿದೆ.

ಪೂಜಾ ವಿಧಾನ:-

*ಹೋಳಿಕಾ ದಹನದ ದಿನ ಬೆಳಿಗ್ಗೆ ಸ್ನಾನ ಮಾಡಿ.

*ನಂತರ ಪೂಜಾ ಸ್ಥಳದಲ್ಲಿ ಹಸುವಿನ ಸಗಣಿಯಿಂದ ಹೋಳಿಕಾ ಮತ್ತು ಪ್ರಹ್ಲಾದನ ವಿಗ್ರಹಗಳನ್ನು ಮಾಡಿ.

*ಈ ವಿಗ್ರಹಗಳ ಮುಂದೆ ಹಾಲಿನಲ್ಲಿ ಅದ್ದಿದ ದಾರ, ಬೆಲ್ಲ, ಅರಿಶಿನ ಕುಂಕುಮ, ಅಕ್ಕಿ, ಹೂವು ಮತ್ತು ತೆಂಗಿನಕಾಯಿ, ಬಣ್ಣಗಳನ್ನು ಇಟ್ಟು ಪೂಜೆ ಮಾಡಿ.

*ಸಿಹಿತಿಂಡಿಗಳು ಮತ್ತು ಹಣ್ಣುಗಳನ್ನು ಅರ್ಪಿಸಿ.

*ಹೋಳಿಕಾ ಪೂಜೆಯ ಜೊತೆಗೆ ನರಸಿಂಹ ದೇವರನ್ನು ಸಹ ಪೂಜಿಸಿ.

* ಹೋಳಿಕಾ ಸುತ್ತಲೂ ಪ್ರದಕ್ಷಿಣೆ ಹಾಕಿ ಪೂಜೆ ಮಾಡುವುದು ತುಂಬಾ ಒಳ್ಳೆಯದು.

English summary

Holi 2025: know the holi correct date, muhurta, celebration, auspicious yoga.