Bengaluru in 2024: ಹೊಸ ವರ್ಷದ ಆಚರಣೆ ಮಾಡಲು ಬೆಂಗಳೂರಿನ ಈ ಸ್ಥಳಗಳಿಗೆ ಭೇಟಿ ನೀಡಿ...
ಹೊಸ ವರ್ಷ ಬಂತು. ಬಹುತೇಕ ಜನ 2024 ಅನ್ನು ಬರ ಮಾಡಿಕೊಳ್ಳಲು ಭರ್ಜರಿ ತಯಾರಿ ಮಾಡ್ತಾಯಿದ್ದಾರೆ. ವಿದೇಶ ಪ್ರವಾಸ, ಸ್ನೇಹಿತರೊಂದಿಗೆ ಔಟಿಂಗ್, ಗೆಟ್ ಟು ಗೆದರ್, ಪಾರ್ಟಿ, ಫಂಕ್ಷನ್, ಪಬ್, ಕ್ಲಬ್ ಅಂತ ನಾನಾ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ. ಹೊಸ ವರ್ಷವನ್ನು ಸಂತೋಷದಿಂದ ಬರ ಮಾಡಿಕೊಳ್ಳಲು ಕಾತುರದಿಂದ ಕಾಯ್ತಾಯಿದ್ದಾರೆ. ಆದರೆ ಕೆಲವರಿಗೆ ಕೆಲ ಸ್ಥಳಗಳಿಗೆ ಹೋಗಲು ಈ ಸಂದರ್ಭದಲ್ಲಿ ಸಾಧ್ಯವಾಗಿಲ್ಲದೇ ಇರಬಹುದು.
ಹೊಸ ವರ್ಷವನ್ನು ಮನೆಯಲ್ಲೇ ಕುಳಿತು ಯಾವುದೇ ಆಚರಣೆ ಇಲ್ಲದೆ ಬರಮಾಡಿಕೊಳ್ಳಲು ಕೊಂಚ ಬೇಸರ ತರಬಹುದು. ಹೊಸ ವರ್ಷದ ಆಚರಣೆ ಮಾಡಲು ಮನಸ್ಸಿದ್ದರೆ ಕೆಲ ಸ್ಥಳಗಳಿಗೆ ಹೋಗಬಹುದು. ಅಂತಹ ಬೆಂಗಳೂರಿನ ಕೆಲ ಸ್ಥಳಗಳ ಬಗ್ಗೆ ನಾವು ನಿಮಗೆ ಮಾಹಿತಿ ನೀಡುತ್ತೇವೆ. ಅವುಗಳ ಬಗ್ಗೆ ಸದ್ಯ ತಿಳಿಯೋಣ.
ಬೆಂಗಳೂರಿನಲ್ಲಿ ಹೊಸ ವರ್ಷದ ಆಚರಣೆಯನ್ನು ಕ್ರಿಸ್ಮಸ್ನಿಂದಲೇ ಆರಂಭಿಸಲಾಗುತ್ತದೆ. ಬೆಂಗಳೂರಿನ ಪ್ರಮುಖ ಬೀದಿಗಳು ಹೊಸ ವರ್ಷದ ಆಚರಣೆಗೆ ಈಗಾಗಲೇ ಸಿದ್ಧವಾಗಿವೆ. ನಗರದ ಕೆಲ ಪ್ರಮುಖ ಸ್ಥಳಗಳಲ್ಲಿ ಜನ ಒಟ್ಟಾಗಿ ಸೇರಿ ಹೊಸ ವರ್ಷವನ್ನು ಸಂಭ್ರಮಿಸುವ ಮೂಲಕ ಬರಮಾಡಿಕೊಳ್ಳುತ್ತಾರೆ. ಕೆಲವೆಡೆ ಸಾರ್ವಜನಿಕ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುತ್ತದೆ. ಹಾಗಾದರೆ ಬೆಂಗಳೂರಿನ ಯಾವ ಸ್ಥಳಗಳಲ್ಲಿ ಹೊಸ ವರ್ಷದ ಆಚರಣೆಯಲ್ಲಿ ಭಾಗವಹಿಸಬಹುದು. ಇಲ್ಲಿದೆ ಮಾಹಿತಿ.
ಹೊಸ ವರ್ಷಕ್ಕೆ ಬೆಂಗಳೂರಿನ ಈ ಸ್ಥಳಗಳಿಗೆ ಭೇಟಿ ನೀಡಿ: -
1.ಎಂಜಿ ರೋಡ್:
ಮಹತ್ಮಾ ಗಾಂಧಿ ರಸ್ತೆ ಬೆಂಗಳೂರಿನಲ್ಲಿ ಹೊಸ ವರ್ಷದಂದು ಹೊಸದಾಗಿ ಕಾಣಿಸುವ ಪ್ರಮುಖ ಸ್ಥಳ. ಬಹುತೇಕ ಜನ ಹೊಸ ವರ್ಷವನ್ನು ಇಲ್ಲಿ ಆಚರಿಸಲು ಬಯಸುತ್ತಾರೆ. ಇಲ್ಲಿನ ಬೀದಿಗಳು ದೀಪಾಲಂಕಾರಗೊಂಡಿರುತ್ತವೆ. ಮಧ್ಯ ರಾತ್ರಿವರೆಗೂ ಈ ಸ್ಥಳದಲ್ಲಿ ಜನ ಸಾಗರವೇ ನೆರೆದಿರುತ್ತದೆ. ಹೊಸ ವರ್ಷದ ಆಚರಣೆ ಜನವರಿ ಹಿಂದಿನ ರಾತ್ರಿ 12 ಗಂಟೆಗೆ ಶುರುವಾಗುತ್ತದೆ. ಅದಾಗ್ಯೂ ಅಲ್ಲಿನ ಹೊಸ ವರ್ಷದ ಆಚರಣೆಯನ್ನು ಕಣ್ತುಂಬಿಕೊಳ್ಳಲು ಬೇಗ ಹೋಗಿ ನೋಡಿಕೊಂಡು ಬರಬಹುದು.
2. ಚರ್ಚ್ ಸ್ಟ್ರೀಟ್:
ಚರ್ಚ್ ಸ್ಟ್ರೀಟ್ಸ್ನಲ್ಲಿ ಹೊಸ ವರ್ಷದ ಆಚರಣೆಯನ್ನು ಕಣ್ತುಂಬಿಕೊಳ್ಳಬಹುದು. ಬಗೆ ಬಗೆಯ ಲೈಟ್ಸ್ಗಳು ಕಂಗೊಳಿಸುವ ಅಂಗಡಿ ಮುಗ್ಗಟ್ಟುಗಳನ್ನು ಕಾಣಬಹುದು. ನಿತ್ಯ ನೂರಾರು ಜನ ಭೇಟಿ ನೀಡುವ ಈ ಪ್ರಮುಖ ಬೀದಿಗಳಲ್ಲಿ ವಿಶೇಷ ದಿನಗಳಲ್ಲಿ ಪ್ರಮುಖವಾಗಿ ಹೊಸ ವರ್ಷದಲ್ಲಿ ನೂರಾರು ಜನ ಸೇರಿರುತ್ತಾರೆ. ಪಬ್, ಕ್ಲಬ್ ಹೆಚ್ಚಾಗಿರುವ ಈ ಸ್ಥಳದಲ್ಲಿ ಹಾಡು ಕುಣಿತವೂ ಇರುತ್ತದೆ. ಬೀದಿಗಳಲ್ಲಿ ಸೌಂಡ್ ಸ್ಪೀಕರ್ ಅಳವಡಿಸಲಾಗಿರುತ್ತದೆ. ವಿದೇಶದಿಂದಲೂ ಈ ಸ್ಥಳಕ್ಕೆ ಜನ ಭೇಟಿ ನೀಡಿರುತ್ತಾರೆ.
3. ಬ್ರಿಗೇಡ್:
ಎಂಜಿ ರೋಡ್, ಚರ್ಚ್ ಸ್ಟ್ರೀಟ್ಸ್ ನಂತೆ ಬ್ರಿಗೇಟ್ ರಸ್ತೆಯಲ್ಲೂ ಹೊಸ ವರ್ಷದಲ್ಲಿ ಮಾಯಾಲೋಕವೇ ಸೃಷ್ಟಿಯಾಗಿರುತ್ತದೆ. ಜನ ಸಂಖ್ಯೆ ಹೆಚ್ಚಾಗಿರುವ ಈ ಸ್ಥಳದಲ್ಲಿ ಶಾಪಿಂಗ್ ಮಳಿಗೆಗಳು ಹೆಚ್ಚು. ಹೊಸ ವರ್ಷವನ್ನು ಇಲ್ಲಿ ವಿಶೇಷವಾಗಿ ಆಚರಿಸಲಾಗುತ್ತದೆ. ಕ್ರಿಸ್ಮಸ್ನಿಂದಲೇ ಇಲ್ಲಿನ ರಸ್ತೆಗಳನ್ನು ಅಲಂಕರಿಸಲಾಗಿರುತ್ತದೆ. ರಾತ್ರಿ ಒಂಬತ್ತು ಗಂಟೆಯ ನಂತರ ಇಲ್ಲಿ ಹೆಚ್ಚಿನ ಜನ ಸೇರುತ್ತಾರೆ. ಸಾರ್ವಜನಿಕವಾಗಿ ಹಾಡು ಕುಣಿತ ಇವೆಲ್ಲವೂ ಇರುವುದರಿಂದ ಜನ ತಮ್ಮವರೊಂದಿಗೆ, ಸ್ನೇಹಿತರೊಂದಿಗೆ ಎಂಜಾಯ್ ಮಾಡುತ್ತಾರೆ. ಇನ್ನೂ ಜನವರಿ ಒಂದಕ್ಕೆ ಯಾವೆಲ್ಲಾ ಸ್ಥಳಗಳಿಗೆ ಭೇಟಿ ನೀಡಬಹುದು.
4. ವಿಧಾನಸೌಧ:
ಹೊಸ ವರ್ಷದಂದು ವಿಧಾನಸೌಧ ಲೈಟಿಂಗ್ ನಿಂದ ಕಂಗೊಳಿಸುತ್ತದೆ. ಇದನ್ನು ಕಣ್ತುಂಬಿಕೊಳ್ಳಲು ನೀವು ನಿಮ್ಮ ಕುಟುಂಬಸ್ಥರೊಂದಿಗೆ ಸಂಜೆ ಹೊತ್ತು ಭೇಟಿ ನೀಡಬಹುದು. ಇಲ್ಲಿ ನೀವು ಫೋಟೋ ಶೂಟ್ ಕೂಡ ಮಾಡಬಹುದು. ಅದಕ್ಕೂ ಮುನ್ನ ವಿಧಾನಸೌಧ ಪಕ್ಕದಲ್ಲಿ ಇರುವ ಕಬ್ಬನ್ ಪಾರ್ಕ್ಗೂ ಭೇಟಿ ನೀಡಬಹುದು.
5. ಬನ್ನೇರ್ಘಟ್ಟ, ನಂದಿ ಬೆಟ್ಟ
ಇನ್ನೂ ನಿಮ್ಮ ಮನೆಯಲ್ಲಿ ಪುಟ್ಟ ಮಕ್ಕಳಿದ್ದರೆ ಅವರೊಂದಿಗೆ ಕಾಲ ಕಳೆಯಲು ಬನ್ನೇರ್ಘಟ್ಟಕ್ಕೆ ಹೋಗಬಹುದು. ಅವರ ಸಂತೋಷದಲ್ಲಿ ನಿಮ್ಮ ಖುಷಿಯನ್ನು ಕಾಣಬಹುದು. ಜೊತೆಗೆ ನಂದಿ ಬೆಟ್ಟಕ್ಕೂ ಈ ದಿನ ಭೇಟಿ ನೀಡುವ ಮೂಲಕ ನೀವು ನಿಮ್ಮವರೊಂದಿಗೆ ಕಾಲ ಕಳೆಯಬಹುದು.
6. ಮಾಲ್ಗಳು
ಇದಲ್ಲದೆ ಬೆಂಗಳೂರಿನ ಮಂತ್ರಿ ಮಾಲ್ ಹಾಗೂ ಓರಾಯನ್, ಸೆಟ್ರಲ್ ಮಾಲ್ ಇನ್ನಿತರ ಮಾಲ್ಗಳಲ್ಲಿ ಹೊಸ ವರ್ಷಕ್ಕಾಗಿನೇ ಕೆಲ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿರುತ್ತದೆ. ಮಾಲ್ಗಳಲ್ಲಿ ಮಾತ್ರವಲ್ಲದೆ ವಿಠಲ್ಮಲ್ಯ ರಸ್ತೆ (ಯುಬಿಸಿಟಿ ರಸ್ತೆ), ಇನ್ನಿತರ ಮೈದಾನಗಳಲ್ಲಿ, ಹಾಸ್ಯ ಕಾರ್ಯಕ್ರಮಗಳು ಸೇರಿದಂತೆ ನಾನಾ ಕಾರ್ಯಕ್ರಮಗಳನ್ನು ಆಯೋಜಿಸಲಾಗಿರುತ್ತದೆ. ಇಂತಹ ಸ್ಥಳಗಳಿಗೆ ನೀವು ಸೇಫ್ ಆಗಿ ಹೋಗಿ ಹೊಸ ವರ್ಷವನ್ನು ಎಂಜಾಯ್ ಮಾಡಬಹುದು.
-
ಬೇಸಿಗೆ ರಜೆ -ವಾರಾಂತ್ಯದ ರಶ್: ಹುಬ್ಬಳ್ಳಿ-ರಾಮೇಶ್ವರಂ ಮತ್ತು ಬೆಂಗಳೂರು-ಕಣ್ಣೂರು ವಿಶೇಷ ರೈಲು ಸಂಚಾರ -
Gold Rate: ಮಾರುಕಟ್ಟೆಯಲ್ಲಿ ಇಂದಿನ ನಿಖರ ಚಿನ್ನ, ಬೆಳ್ಳಿ ಬೆಲೆ ಎಷ್ಟು? ಇಲ್ಲಿದೆ ದರ ಪಟ್ಟಿ -
Karnataka Weather: ರಾಜ್ಯದಲ್ಲಿಂದು ಭಾರಿ ಮಳೆ ಮುನ್ಸೂಚನೆ; ಬೆಂಗಳೂರು ಹವಾಮಾನ ಹೇಗಿದೆ? -
Viral Video: ವಿದೇಶಿ ಛಾಯಾಗ್ರಾಹಕರ ಫೋಟೋಗ್ರಫಿ ಹುಚ್ಚುತನಕ್ಕೆ ಜೀವ ಕಳೆದುಕೊಂಡಿತೇ ಭಾರತದ ಮುದ್ದಾದ ಆನೆ, ಏನಿದು ಚರ್ಚೆ -
April 1 Horoscope: ಈ ರಾಶಿಯವರಿಗೆ ಹೊಸ ಕೆಲಸಗಳು ಸುಗಮ, ವೃತ್ತಿಯಲ್ಲಿ ಮೆಚ್ಚುಗೆ; ದಿನ ಭವಿಷ್ಯ -
ಬೆಂಗಳೂರು-ವಿಜಯಪುರ ಎಕ್ಸ್ಪ್ರೆಸ್ ರೈಲು ಸೇವೆ: ಸಂಚಾರ ಸಮಯ 10ಗಂಟೆ ಇಳಿಕೆಗೆ ಎಂಬಿ ಪಾಟೀಲ ಆಗ್ರಹ -
Karnataka weather : ರಾಜ್ಯದಲ್ಲಿಂದು ಹವಾಮಾನ ಹೇಗಿರಲಿದೆ? ಬೆಂಗಳೂರು ಸೇರಿ ಈ ಜಿಲ್ಲೆಗಳಲ್ಲಿ ಗುಡುಗು ಸಹಿತ ಮಳೆ ಎಚ್ಚರಿಕೆ -
Good News: ಏಪ್ರಿಲ್ 2ನೇ ವಾರದಿಂದ ಹುಬ್ಬಳ್ಳಿ-ಹೈದರಾಬಾದ್ ಮತ್ತು ಬೆಂಗಳೂರಿಗೆ ವಿಮಾನ ಸೇವೆ: ಪ್ರಹ್ಲಾದ್ ಜೋಶಿ -
ವಂದೇ ಭಾರತ್ ರೈಲಿನ ಊಟ ಸೇವಿಸಿದ ಮಹಿಳೆಗೆ ತೀವ್ರ ಅಲರ್ಜಿ, 2 ವರ್ಷದ ಮಗನಿಗೆ ಅತಿಸಾರ: IRCTC ಹೇಳಿದ್ದೇನು? -
ಲಕ್ಷ ಲಕ್ಷ ಸಂಬಳದ ಗೂಗಲ್ ಕೆಲಸಕ್ಕೆ ರಾಜೀನಾಮೆ ನೀಡಿದ ಬೆಂಗಳೂರು ಟೆಕ್ಕಿ; ಕಾರಣ ಇಲ್ಲಿದೆ ನೋಡಿ -
Gold Rate: ಬೆಂಗಳೂರು ಸೇರಿ ಪ್ರಮುಖ ನಗರಗಳಲ್ಲಿ ಇಂದು ಚಿನ್ನ-ಬೆಳ್ಳಿ ಬೆಲೆ ಎಷ್ಟಿದೆ? -
Oracle: ಒರಾಕಲ್ ಸಂಸ್ಥೆಯಲ್ಲಿ ವೆಚ್ಚ ಕಡಿತದ ಭಾಗವಾಗಿ ಕೆಲಸ ಕಳೆದುಕೊಂಡ 12,000 ಜನ, 30,000 ಜನರಿಗೆ ಸಂಕಷ್ಟ
Click it and Unblock the Notifications
Sign in with Google