5,197 ರೂ.ಗೆ ಪ್ರತಿ ಗ್ರಾಂ ಸವರನ್ ಗೋಲ್ಡ್ ಬಾಂಡ್: ಹೂಡಿಕೆ, ಎಲ್ಲಿ ಖರೀದಿಸಬೇಕು, ಎಲ್ಲವನ್ನೂ ತಿಳಿದುಕೊಳ್ಳಿ

Published: Monday, August 22, 2022, 18:35 [IST]

ಚಿನ್ನ ಖರೀದಿಗೆ ಚಿನ್ನದಂದ ಸಮಯ ಬಂದಿದೆ ಎಂದರು ತಪ್ಪಾಗದು ಏಕೆಂದರೆ, ಮುಂಬರುವ ಗೌರಿ ಗಣೇಶನ ಹಬ್ಬದ ಸಮಯದಲ್ಲಿ ಜನರು ಚಿನ್ನವನ್ನು ಖರೀದಿಸಲು ಯೋಚಿಸುತ್ತಾರೆ ಹಾಗೂ ಚಿನ್ನವನ್ನು ಬ್ಯಾಂಕಿನಲ್ಲಿ ಹೂಡಿಕೆ ಸವರನ್ ಗೋಲ್ಡ್ ಬಾಂಡ್ ಯೋಜನೆಗಳು 2022-23 ಸೋಮವಾರದಿಂದ ಅಂದರೆ ಇಂದಿನಿಂದ ಹೂಡಿಕೆಗಾಗಿ ತೆರೆಯುತ್ತಿದೆ. ಆಗಸ್ಟ್ 26ರವರೆಗೆ ಚಂದಾದಾರಿಕೆಗೆ ಅವಕಾಶವಿರುತ್ತದೆ. ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ಪ್ರತಿ ಗ್ರಾಂಗೆ 5,197 ರೂ. ಇದರಲ್ಲಿ 1 ಗ್ರಾಂನಿಂದ ಹೂಡಿಕೆ ಮಾಡಬಹುದು. ಆನ್‌ಲೈನ್ ಅರ್ಜಿ ಮತ್ತು ಪಾವತಿಯಲ್ಲೂ ರಿಯಾಯಿತಿ ನೀಡಲಾಗುತ್ತಿದೆ.

ಹೌದು ಚಿನ್ನದ ಮೇಲೆ ಹೂಡಿಕೆ ಮಾಡಲು ಉತ್ತಮ ಅವಕಾಶವಿದೆ. ಸವರನ್ ಗೋಲ್ಡ್ ಬಾಂಡ್ ಯೋಜನೆ 2022-23 ಸೋಮವಾರದಿಂದ ತೆರೆಯುತ್ತದೆ. ಆಗಸ್ಟ್ 26ರವರೆಗೆ ಇದರಲ್ಲಿ ಹೂಡಿಕೆ ಮಾಡಬಹುದು. ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಮುಂದಿನ ಬ್ಯಾಚ್‌ಗೆ ನೀಡಿಕೆ ಬೆಲೆಯನ್ನು ನಿಗದಿಪಡಿಸಿದೆ. ಕೇಂದ್ರೀಯ ಬ್ಯಾಂಕ್ ಪ್ರತಿ ಗ್ರಾಂಗೆ 5,197 ರೂ. ಮೂಲಕ ಚಿನ್ನದಂತ ಬೆಲೆಗೆ ನೀವು ಚಿನ್ನವನ್ನು ನಿಮ್ಮದಾಗಿಸಿಕೊಳ್ಳಬಹುದು.

ಈ ಯೋಜನೆಯ ಒಂದು ಕುತೂಹಲಕಾರಿ ಅಂಶವಿದೆ. ಹೂಡಿಕೆದಾರರು ಇದಕ್ಕಾಗಿ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಿ ಪಾವತಿಸಿದರೆ, ಆರ್‌ಬಿಐ ಪ್ರತಿ ಗ್ರಾಂಗೆ 50 ರೂ. ರಿಯಾಯಿತಿ ನೀಡುತ್ತಿದೆ. ಈ ಯೋಜನೆಯು ಎಂಟು ವರ್ಷಗಳ ಅವಧಿಗೆ ಮಾನ್ಯವಾಗಿರುತ್ತದೆ. ಇದು ಐದನೇ ವರ್ಷದ ನಂತರ ಅಕಾಲಿಕ ವಿಮೋಚನೆಯ ಆಯ್ಕೆಯನ್ನು ಹೊಂದಿದೆ. ಬಡ್ಡಿಯನ್ನು ಪಾವತಿಸಬೇಕಾದ ದಿನಾಂಕದಂದು ಈ ಆಯ್ಕೆಯನ್ನು ಪಡೆಯಬಹುದು.

ಗೋಲ್ಡ್ ಬಾಂಡ್ ಯೋಜನೆ: ಗ್ರಾಹಕರು ತಿಳಿದುಕೊಳ್ಳವ ವಿಷಯಗಳು

* ಈ ಯೋಜನೆಯು 8 ವರ್ಷಗಳವರೆಗೆ ಮಾನ್ಯವಾಗಿದೆ, ಐದನೇ ವರ್ಷದ ನಂತರ ಅಕಾಲಿಕ ವಿಮೋಚನೆಯ ಆಯ್ಕೆಯೊಂದಿಗೆ ನೀವು ಬಡ್ಡಿಯನ್ನು ಪಾವತಿಸಬೇಕಾದ ದಿನಾಂಕದಂದು ಈ ಆಯ್ಕೆಯನ್ನು ಕೂಡ ಪಡೆಯಬಹುದು.
* ಗೋಲ್ಡ್ ಬಾಂಡ್‌ ವಿತರಣೆ ಬೆಲೆ ಪ್ರತಿ ಗ್ರಾಂ ಚಿನ್ನಕ್ಕೆ ₹ 5,147 ಮಾತ್ರ
* ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸುವ ಹೂಡಿಕೆದಾರರಿಗೆ ನಾಮಮಾತ್ರದ ಮೌಲ್ಯಕ್ಕಿಂತ ಕಡಿಮೆ ಪ್ರತಿ ಗ್ರಾಂಗೆ ₹ 50/- ರಿಯಾಯಿತಿ ನೀಡಲು ಸರ್ಕಾರ ನಿರ್ಧರಿಸಿದೆ ಮತ್ತು ಅರ್ಜಿಯ ಪಾವತಿಯನ್ನು ಡಿಜಿಟಲ್ ಮೋಡ್ ಮೂಲಕ ಮಾಡಲಾಗುತ್ತದೆ.
* ಹೂಡಿಕೆದಾರರು ವಾಣಿಜ್ಯ ಬ್ಯಾಂಕುಗಳು, ಸ್ಟಾಕ್ ಹೋಲ್ಡಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ (SHCIL), ಕ್ಲಿಯರಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ (CCIL), ಗೊತ್ತುಪಡಿಸಿದ ಪೋಸ್ಟ್ ಆಫೀಸ್‌ಗಳು (ಅಧಿಸೂಚಿಸಿದಂತೆ), ನ್ಯಾಷನಲ್ ಸ್ಟಾಕ್ ಎಕ್ಸ್‌ಚೇಂಜ್ ಮತ್ತು ಬಿಎಸ್‌ಇ(BSE) ಮೂಲಕ ನೇರವಾಗಿ ಅಥವಾ ಏಜೆಂಟ್‌ಗಳ ಮೂಲಕ ಬಾಂಡ್‌ಗಳನ್ನು ಖರೀದಿಸಬಹುದು.
* ಸವರನ್ ಗೋಲ್ಡ್ ಬಾಂಡ್ ಯೋಜನೆ (SGB) ಗಾಗಿ ಪಾವತಿಯನ್ನು ನಗದು ಪಾವತಿ (ಗರಿಷ್ಠ ರೂ 20,000 ವರೆಗೆ) ಅಥವಾ ಬೇಡಿಕೆ ಡ್ರಾಫ್ಟ್ ಅಥವಾ ಚೆಕ್ ಅಥವಾ ಎಲೆಕ್ಟ್ರಾನಿಕ್ ಬ್ಯಾಂಕಿಂಗ್ ಮೂಲಕ ಮಾಡಲಾಗುತ್ತದೆ.
* ಆನ್‌ಲೈನ್ ಪಾವತಿಯಲ್ಲಿ ನೀವು ಪ್ರತಿ ಗ್ರಾಂ ಚಿನ್ನಕ್ಕೆ 50 ರೂಪಾಯಿ ರಿಯಾಯಿತಿಯನ್ನು ಪಡೆಯುತ್ತೀರಿ.
* ಆದಾಯ ತೆರಿಗೆ ಕಾಯಿದೆ, 1961 (1961 ರ 43) ನಿಬಂಧನೆಯ ಪ್ರಕಾರ ಎಸ್‌ಬಿಜಿ ಮೇಲಿನ ಬಡ್ಡಿಗೆ ತೆರಿಗೆ ವಿಧಿಸಲಾಗುತ್ತದೆ.
* ಒಬ್ಬ ವ್ಯಕ್ತಿಗೆ SGB ಯ ವಿಮೋಚನೆಯ ಮೇಲೆ ಉಂಟಾಗುವ ಕ್ಯಾಪಿಟಲ್ ಗೇನ್ಸ್ ತೆರಿಗೆಗೆ ವಿನಾಯಿತಿ ನೀಡಲಾಗಿದೆ. SGB ವರ್ಗಾವಣೆಯ ಮೇಲೆ ಯಾವುದೇ ವ್ಯಕ್ತಿಗೆ ಉಂಟಾಗುವ ದೀರ್ಘಾವಧಿಯ ಬಂಡವಾಳ ಲಾಭಗಳಿಗೆ ಇಂಡೆಕ್ಸೇಶನ್ ಪ್ರಯೋಜನವನ್ನು ಒದಗಿಸಲಾಗುತ್ತದೆ.
*SGB ಯ ಅಧಿಕಾರಾವಧಿಯು ಎಂಟು ವರ್ಷಗಳ ಅವಧಿಗೆ ಇದೆ, ಬಡ್ಡಿಯನ್ನು ಪಾವತಿಸಬೇಕಾದ ದಿನಾಂಕದಂದು 5ನೇ ವರ್ಷದ ನಂತರ ಅಕಾಲಿಕ ವಿಮೋಚನೆಯ ಆಯ್ಕೆಯನ್ನು ಚಲಾವಣೆ ಇದೆ.
*ಹೂಡಿಕೆದಾರರಿಗೆ ನಾಮಮಾತ್ರ ಮೌಲ್ಯದ ಮೇಲೆ ಅರ್ಧ-ವಾರ್ಷಿಕವಾಗಿ ಪಾವತಿಸಬಹುದಾದ ವಾರ್ಷಿಕ ಶೇಕಡಾ 2.50 ರ ಸ್ಥಿರ ದರದಲ್ಲಿ ಪರಿಹಾರವನ್ನು ನೀಡಲಾಗುತ್ತದೆ.
SGB ಗಳನ್ನು ಸಾಲಗಳಿಗೆ ಮೇಲಾಧಾರವಾಗಿ ಬಳಸಬಹುದು. ಕಾಲಕಾಲಕ್ಕೆ ರಿಸರ್ವ್ ಬ್ಯಾಂಕ್ ಕಡ್ಡಾಯಗೊಳಿಸಿದಂತೆ ಸಾಲ-ಮೌಲ್ಯ (LTV) ಅನುಪಾತವನ್ನು ಸಾಮಾನ್ಯ ಚಿನ್ನದ ಸಾಲಕ್ಕೆ ಸಮನಾಗಿ ನಿಗದಿಪಡಿಸಬೇಕು.
*ನಿಮ್ಮ ಗ್ರಾಹಕರನ್ನು ತಿಳಿದುಕೊಳ್ಳಿ (KYC) ಮಾನದಂಡಗಳು ಭೌತಿಕ ಚಿನ್ನದ ಖರೀದಿಗಳಿಗೆ ಒಂದೇ ಆಗಿರುತ್ತವೆ. ಮತದಾರರ ಗುರುತಿನ ಚೀಟಿ ಸಂಖ್ಯೆ, ಆಧಾರ್ ಕಾರ್ಡ್/PAN ಅಥವಾ TAN/ ಪಾಸ್‌ಫೋರ್ಟ್‌ನಂತಹ ಕೆವೈಸಿಯ(KYC) ದಾಖಲೆಗಳು ಅಗತ್ಯವಿದೆ. ಪ್ರತಿ ಅರ್ಜಿಯೊಂದಿಗೆ ಆದಾಯ ತೆರಿಗೆ ಇಲಾಖೆಯು ವ್ಯಕ್ತಿಗಳು ಮತ್ತು ಇತರ ಘಟಕಗಳಿಗೆ ನೀಡಿದ 'ಪಾನ್‌ ಸಂಖ್ಯೆ' ಜೊತೆಗೆ ಇರಬೇಕಾಗುತ್ತದೆ.

ಗೋಲ್ಡ್ ಬಾಂಡ್‌ ಹೇಗೆ ಪಾವತಿ ಮಾಡಬೇಕು?

ಸವರನ್ ಗೋಲ್ಡ್ ಬಾಂಡ್‌ಗೆ ಪಾವತಿಯನ್ನು ನಗದು, ಡಿಮ್ಯಾಂಡ್ ಡ್ರಾಫ್ಟ್ ಅಥವಾ ಎಲೆಕ್ಟ್ರಾನಿಕ್ ಆನ್‌ಲೈನ್ ಬ್ಯಾಂಕಿಂಗ್ ಮೂಲಕ ಮಾಡಬಹುದು. ಗರಿಷ್ಠ 20,000ರೂಪಾಯಿಗಳನ್ನು ನಗದು ರೂಪದಲ್ಲಿ ಪಾವತಿಸಬಹುದು. ಗೋಲ್ಡ್ ಬಾಂಡ್‌ಗಳನ್ನು ಸರ್ಕಾರಿ ಸೆಕ್ಯುರಿಟೀಸ್ ಆಕ್ಟ್, 2006ರ ಅಡಿಯಲ್ಲಿ ಸರ್ಕಾರಿ ಸ್ಟಾಕ್ ರೂಪದಲ್ಲಿ ನೀಡಲಾಗುವುದು. ಇದಕ್ಕಾಗಿ ಹೂಡಿಕೆದಾರರಿಗೆ ಹಿಡುವಳಿ ಪ್ರಮಾಣ ಪತ್ರ ನೀಡಲಾಗುವುದು. ಎಸ್‌ಜಿಬಿ(SGB)ನ್ನು ಡಿಮ್ಯಾಟ್ ರೂಪದಲ್ಲಿ ಪರಿವರ್ತಿಸಬಹುದು.

ನೀವು ಎಲ್ಲೆಲ್ಲಿ ಖರೀದಿಸಬಹುದು

ವಾಣಿಜ್ಯ ಬ್ಯಾಂಕುಗಳು, ಸ್ಟಾಕ್ ಹೋಲ್ಡಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ (SHICL), ಕ್ಲಿಯರಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ (CCIL), ಅಂಚೆ ಕಚೇರಿಗಳು ಮತ್ತು ಮಾನ್ಯತೆ ಪಡೆದ ವಿನಿಮಯ ಕೇಂದ್ರಗಳು (BSE, NSE) ಹೊರತುಪಡಿಸಿ ಇತರ ಏಜೆಂಟ್‌ಗಳ ಮೂಲಕ ಚಿನ್ನದ ಬಾಂಡ್‌ಗಳನ್ನು ಖರೀದಿಸಬಹುದು. ಇದು 8 ವರ್ಷಗಳ ಲಾಕ್-ಇನ್ ಅವಧಿಯನ್ನು ಹೊಂದಿರುತ್ತದೆ. ಇದರಲ್ಲಿ 5ನೇ ವರ್ಷದಿಂದ ವಿಮೋಚನೆಯ ಅವಕಾಶವಿರುತ್ತದೆ. ಹೂಡಿಕೆಯನ್ನು 1 ಗ್ರಾಂನಷ್ಟು ಕಡಿಮೆ ಪ್ರಮಾಣದಲ್ಲಿ ಪ್ರಾರಂಭಿಸಬಹುದು. ಒಬ್ಬ ವ್ಯಕ್ತಿಯು 4 ಕೆಜಿ ವರೆಗೆ ಹೂಡಿಕೆ ಮಾಡಬಹುದು. ಹಿಂದೂ ಅವಿಭಜಿತ ಕುಟುಂಬಗಳಿಗೆ ಮತ್ತು ಟ್ರಸ್ಟ್‌ಗಳಿಗೆ, ಈ ಮಿತಿ 20 ಕೆಜಿ. ಮಾತ್ರ.

ಯಾರು ಹೂಡಿಕೆ ಮಾಡಬಹುದು

ಚಿನ್ನದ ಬಾಂಡ್‌ಗಳಿಗೆ ಅರ್ಜಿಗಳು ಇದೇ ಆಗಸ್ಟ್ 26ರವರೆಗೆ ತೆರೆದಿರುತ್ತವೆ ಎಂದು ಕೇಂದ್ರ ಬ್ಯಾಂಕ್ ತಿಳಿಸಿದೆ. ಈ ಯೋಜನೆಯು ಎಂಟು ವರ್ಷಗಳ ಅವಧಿಗೆ ಮಾನ್ಯವಾಗಿರುತ್ತದೆ. ಐದನೇ ವರ್ಷದ ನಂತರ ಅಕಾಲಿಕ ವಿಮೋಚನೆಗೆ ಒಂದು ಆಯ್ಕೆ ಇದೆ. ಬಡ್ಡಿಯನ್ನು ಪಾವತಿಸಬೇಕಾದ ದಿನಾಂಕದಂದು ಈ ಆಯ್ಕೆಯನ್ನು ಪಡೆಯಬಹುದು. ಈ ಚಿನ್ನದ ಬಾಂಡ್ ಅನ್ನು ಸರ್ಕಾರದ ಪರವಾಗಿ ಆರ್‌ಬಿಐ ನೀಡುತ್ತದೆ. ಇದು ವ್ಯಕ್ತಿಗಳು, ದತ್ತಿ ಸಂಸ್ಥೆಗಳು, ಟ್ರಸ್ಟ್‌ಗಳು ಮತ್ತು ಹಿಂದೂ ಅವಿಭಜಿತ ಕುಟುಂಬಗಳಿಗೆ (HUFs) ಲಭ್ಯವಿದೆ. ಅದರ ಪ್ರಕಾರ, ವ್ಯಕ್ತಿಗಳು ಮತ್ತು ಹಿಂದೂ ಅವಿಭಜಿತ ಕುಟುಂಬಗಳಿಗೆ(HUF)ಗೆ ಗರಿಷ್ಠ ಅನುಮತಿಸುವ ಸದಸ್ಯತ್ವ ಮಿತಿಯು 4 ಕೆಜಿಗಳಾಗಿರುತ್ತದೆ. ಟ್ರಸ್ಟ್‌ಗಳಿಗೆ, ಇದು ಪ್ರತಿ ಆರ್ಥಿಕ ವರ್ಷಕ್ಕೆ 20 ಕೆ.ಜಿ. ಮಿತಿ ಇರುತ್ತದೆ.