ಕನ್ನಡಾಭಿಮಾನಕ್ಕೆ ಫ್ಯಾಷನ್ ಟಚ್: ಟೀ ಶರ್ಟ್ ಗಳಲ್ಲಿ ರಾರಾಜಿಸುತ್ತಿವೆ ಕನ್ನಡ ಪದಮಾಲೆಗಳು
ಮೈಸೂರು, ನವೆಂಬರ್. 1: ಕನ್ನಡ ಬೆಳೆಸುವ ಕಾಯಕದಲ್ಲಿ ಸದ್ದಿಲ್ಲದೆ ಕೆಲವು ಸಂಸ್ಥೆಗಳು ಸಜ್ಜಾಗಿವೆ. ಇತ್ತೀಚಿನ ದಿನಗಳಲ್ಲಿ ಈ ಕನ್ನಡಾಭಿಮಾನಕ್ಕೆ ಫ್ಯಾಷನ್ ಟಚ್ ಸಹ ಸಿಕ್ಕಿದೆ. ಅದು ಟಿ-ಶರ್ಟ್ಗಳ ಮೂಲಕ ಎನ್ನುವುದು ವಿಶೇಷ.
ಟೀ ಶರ್ಟ್ ಗಳ ಮೇಲೆ ಕುವೆಂಪು, ದ.ರಾ ಬೇಂದ್ರೆ, ಕಾರಂತರು, ಲಂಕೇಶ್ ಅವರ ಸಾಲುಗಳನ್ನು ಮುದ್ರಿಸಿ ಮಾರಾಟಕ್ಕಿಡಲಾಗುತ್ತದೆ.. 'ಬಾರಿಸು ಕನ್ನಡ ಡಿಂಡಿಮವ', 'ಕುಣಿಯೋಣ ಬಾರಾ', 'ಮನಮನೆಗಳಲ್ಲಿ ಹಚ್ಚೇವು ಕನ್ನಡದ ದೀಪ', 'ಪಾತರಗಿತ್ತಿ ಪಕ್ಕ, ನೋಡಿದ್ದೇನೆ ಅಕ್ಕ', 'ನನಗೂ ನಿನಗೂ ಅಂಟಿದ ನಂಟಿನ ಕೊನೆ ಬಲ್ಲವರ್ಯಾರು' ಹೀಗೆ ಅನೇಕ ಸಾಲುಗಳು ಟಿ ಶರ್ಟ್ ಗಳ ಮೇಲೆ ಮುದ್ರಿತವಾಗಿವೆ.
ಕನ್ನಡ ಭಾಷಾ ಸಂಸ್ಕೃತಿಯನ್ನು ಸ್ಫುರಿಸುವ ಈ ಪದಮಾಲೆಗಳು ಫ್ಯಾಷನ್ ಜಗತ್ತಿನಲ್ಲಿ ಇತ್ತೀಚೆಗೆ ಹೆಚ್ಚು ಸದ್ದು ಮಾಡುತ್ತಿವೆ. ಕರ್ನಾಟಕದ ನಕಾಶೆ, ಧ್ವಜ ಮತ್ತು ಭಾಷೆಗೆ ಸಂಬಂಧಿಸಿದ ಪದ ಅಥವಾ ಘೋಷ ವಾಕ್ಯಗಳು, ಡಿವಿಜಿ ಅವರ ಮಂಕುತಿಮ್ಮನ ಕಗ್ಗದ ಸಾಲು, ವರನಟ ಡಾ.ರಾಜ್ಕುಮಾರ್, ಶಂಕರ್ ನಾಗ್, ವಿಷ್ಣುವರ್ಧನ್ರಂತಹ ನಟರ ಚಿತ್ರಗಳ ಆಕರ್ಷಕ ಸಂಭಾಷಣೆಗಳು ಹಾಗೂ ಇಂದಿನ ಯುವಕರ ನಡುವೆ ಚಾಲ್ತಿಯಲ್ಲಿರುವ ಫಂಕಿ ಪದ ಪುಂಜಗಳನ್ನು ಅಚ್ಚೊತ್ತಿರುವ ಟೀಶರ್ಟ್ ಗಳು ಕನ್ನಡಿಗರ ನಡುವೆ ಇತ್ತೀಚೆಗೆ ಜನಪ್ರಿಯವಾಗುತ್ತಿವೆ.
ಯುವಜನತೆ ಪ್ರಮುಖ ಗ್ರಾಹಕರು
ಸಾಮಾನ್ಯವಾಗಿ ಐಟಿ-ಬಿಟಿ ಹಾಗೂ ಇತರ ಕಂಪೆನಿ ಉದ್ಯೋಗಿಗಳು, ಕನ್ನಡ ಸಂಘಟನೆಗಳು, ಅಪಾರ್ಟ್ ಮೆಂಟ್ಗಳ ಒಕ್ಕೂಟಗಳು, ವಿವಿಧ ಸಂಘಟನೆಗಳು, ಯುವಜನತೆ ಈ ಟೀಶರ್ಟ್ ಗಳ ಪ್ರಮುಖ ಗ್ರಾಹಕರು. ಹೆಚ್ಚಿನ ಸಂದರ್ಭದಲ್ಲಿ ಇವರೆಲ್ಲ ತಮಗೆ ನಿರ್ದಿಷ್ಟ ಪದ ಅಥವಾ ಸಾಲುಗಳನ್ನು ಹೊಂದಿರುವ ಟೀಶರ್ಟ್ ಗಳು ಬೇಕು ಎಂದು ತಯಾರಿಕರಿಗೆ ಮೊದಲೇ ಸೂಚಿಸುತ್ತಾರೆ. ಸದ್ಯಕ್ಕೆ ಕನ್ನಡ ಟೀಶರ್ಟ್ ಗಳ ಮಾರುಕಟ್ಟೆ ನಗರ ಕೇಂದ್ರಿತವಾಗಿದೆ.
ಆನ್ಲೈನ್ ನಲ್ಲೇ ಮಾರಾಟ
ಅಂದಹಾಗೆ ಶೇ.90ರಷ್ಟು ಕನ್ನಡ ಟೀಶರ್ಟ್ ಗಳು ಆನ್ಲೈನ್ ನಲ್ಲೇ ಮಾರಾಟವಾಗುತ್ತವೆ. ಈ ತೆರನಾದ ಟೀ ಶರ್ಟ್ ಗಳಿಗೆ ವಿದೇಶ, ಬೇರೆ ರಾಜ್ಯಗಳಲ್ಲಿರುವ ಕನ್ನಡ ಸಂಘಟನೆಗಳಿಂದಲೂ ಬೇಡಿಕೆ ಬರುತ್ತಿದೆ. ಮೊದಲೆಲ್ಲಾ ರಾಜ್ಯೋತ್ಸವದ ಸಂದರ್ಭದಲ್ಲಿ ಜನರು ಟೀಶರ್ಟ್ ಗಳನ್ನು ಖರೀದಿಸಿ ಅದರಲ್ಲಿ ತಮಗೆ ಬೇಕಾದ ಪದಗಳನ್ನು ಮುದ್ರಿಸುತ್ತಿದ್ದರು. ಈಗ ಈ ಪ್ರವೃತ್ತಿ ಬದಲಾಗಿದೆ.
ಯಾರು ಯಾವುದನ್ನು ಇಷ್ಟಪಡುತ್ತಾರೆ?
ಈಗಲೂ ರಾಜ್ಯೋತ್ಸವದ ಸಂದರ್ಭದಲ್ಲಿ ಅಂದರೆ ನವೆಂಬರ್-ಡಿಸೆಂಬರ್ ಅವಧಿಯಲ್ಲಿ ಕನ್ನಡ ಟೀಶರ್ಟ್ ಗಳಿಗೆ ಹೆಚ್ಚು ಬೇಡಿಕೆ ಇರುತ್ತದೆ. ಯುವಜನತೆ ಅದರಲ್ಲೂ ವಿಶೇಷವಾಗಿ ಕಾಲೇಜು ವಿದ್ಯಾರ್ಥಿಗಳು, ಹೊಸ ಸಿನಿಮಾಗಳ ಆಕರ್ಷಕ ಸಂಭಾಷಣೆ ಮತ್ತು ಪಡ್ಡೆ ಯುವಕರು ಬಳಸುವ ಆಧುನಿಕ ಪದಪುಂಜಗಳನ್ನು ಹೊಂದಿರುವ ಟೀಶರ್ಟ್ ಗಳನ್ನು ಧರಿಸುತ್ತಾರೆ.
ಮಧ್ಯವಯಸ್ಕರು ಗಂಭೀರವಾದ ಪದಗಳನ್ನು ಮುದ್ರಿಸಿರುವ ಟೀಶರ್ಟ್ ಗಳನ್ನು ಹೆಚ್ಚು ಇಷ್ಟಪಡುತ್ತಾರೆ. ಉದಾಹರಣೆಗೆ ಕವಿತೆಗಳ ಸಾಲುಗಳನ್ನು ಹೊಂದಿರುವ ಟೀಶರ್ಟ್ ಗಳನ್ನು ಹೆಚ್ಚು ಆಯ್ಕೆ ಮಾಡಿಕೊಳ್ಳುತ್ತಾರೆ.
ವಿಜೃಂಭಿಸುವ ಕನ್ನಡದ ಸಾಲುಗಳು
ಸಾಮಾನ್ಯವಾಗಿ ಟೀ ಶರ್ಟ್ ಗಳಲ್ಲಿ ಇಂಗ್ಲೀಷ್ ಸ್ಲೋಗನ್ ಗಳು ಹೆಚ್ಚಾಗಿ ಕಂಡುಬರುತ್ತವೆ. ಕನ್ನಡದ ಬರಹ ಕಲ್ಪಿಸಿಕೊಳ್ಳೋದೂ ಕಷ್ಟ. ಇದನ್ನು ಮನಗಂಡೇ ಮುಖೇಶ್ ಎಂಬುವವರು
ಕನ್ನಡದ ಸಾಲುಗಳು ವಿಜೃಂಭಿಸುವ ಟೀ ಶರ್ಟ್ ಗಳ ಮಾರಾಟ ಮಾಡುತ್ತಿದ್ದಾರೆ. ಅರ್ಥವಾಗದ ಇಂಗ್ಲಿಷ್ ಬರಹಗಳಿರುವ ಟಿ ಶರ್ಟ್ ಗಳನ್ನು ಧರಿಸುವುದಕ್ಕಿಂತ, ಕನ್ನಡವನ್ನು ಈ ಮೂಲಕವೂ ಪಸರಿಸೋಣ ಅನ್ನೋದು ಇವರ ಉದ್ದೇಶವಾಗಿದೆ.
ರಂಗಾಯಣದ ಅಂಗಳದಲ್ಲಿ ಈ ಟೀ ಶರ್ಟ್ ಗಳಿಗೆ ಭಾರೀ ಬೇಡಿಕೆ ಇದೆ. ವಿದೇಶಿಗರು ಕೂಡ, ಟೀ ಶರ್ಟ್ ಮೇಲಿನ ಸಾಲುಗಳ ಅರ್ಥವನ್ನು ಕೇಳಿ ಖರೀದಿಸಿದ್ದಾರೆ. ಹಿಂದಿಯ ಘಜಲ್, ಇಂಗ್ಲಿಷ್ನ ಪಾಪ್ ಗೀತೆಗಳನ್ನು ಕೇಳುವ ಯುವಮನಸ್ಸುಗಳಿಗೆ, ಕನ್ನಡದ ಸಾಲುಗಳು ಎಷ್ಟು ಮುದ ನೀಡುತ್ತವೆ ಅನ್ನೋದಕ್ಕೆ ಇದೇ ಸಾಕ್ಷಿ.
-
ಸರಕು ಖಾಲಿಯಾಯ್ತಾ ಪ್ರೇಮ್, ಇಡೀ ದೇಶದ ಮುಂದೆ ಕನ್ನಡಿಗರು ತಲೆತಗ್ಗಿಸುವಂತೆ ಮಾಡಿದಿರಿ: ಸೆರಗ ಸರ್ಸೆ ಹಾಡಿಗೆ ವಿರೋಧ -
ನೈರುತ್ಯ ರೈಲ್ವೆ: 194 ಗೂಡ್ಸ್ ರೈಲು ಮ್ಯಾನೇಜರ್ ಹುದ್ದೆ; ಕನ್ನಡಿಗರಿಗೆ ಅನ್ಯಾಯ, ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿದ್ದೇನು -
Bengaluru: ಬೆಂಗಳೂರಲ್ಲಿ ಟೀ ಶಾಪ್ನಲ್ಲಿ 10 ಭಾಷೆ ಮಾತನಾಡುವವರು ಸಿಗ್ತಾರೆ: ನಾರ್ಥಿ ಯುವತಿ ವೈರಲ್ ಪೋಸ್ಟ್ -
Prem: ಸರ್ಸೆ ಸೆರಗ ಹಾಡನ್ನ ಎಲ್ರೂ ತಪ್ಪಾಗಿ ಅರ್ಥ ಮಾಡ್ಕೊಂಡಿದ್ದಾರೆ, ನನ್ನ ಉದ್ದೇಶ ಅದಾಗಿರಲಿಲ್ಲ: ಪ್ರೇಮ್ -
Prem: ಅಂದು ಮೇಲುಕೋಟೆ ಹುಡುಗಿ, ಇಂದು ಸೆರಗ ಸರ್ಸೆ: ವಿವಾದಕ್ಕೆ ಕಾರಣವಾದ ಪ್ರೇಮ್ ಸಿನಿಮಾ ಹಾಡುಗಳು -
ಸಿನಿಮಾಗಳಲ್ಲಿ ಅಶ್ಲೀಲ ಸಾಹಿತ್ಯಕ್ಕೆ ಕಡಿವಾಣ ಹಾಕಿ: ಪ್ರೇಮ್ ವಿವಾದದ ಬೆನ್ನಲ್ಲೇ ಫಿಲ್ಮ್ ಚೇಂಬರ್ಗೆ ಮಹಿಳಾ ಆಯೋಗ ಪತ್ರ -
ಕನ್ನಡದಲ್ಲಿ ರೈಲ್ವೆ ಪರೀಕ್ಷೆಗೆ ಆಗ್ರಹ; ರಾಜ್ಯದ ಎಲ್ಲ ಸಂಸದರಿಗೆ ಪುರುಷೋತ್ತಮ ಬಿಳಿಮಲೆ ಪತ್ರ -
KD Song Controversy: ಸೆರಗ ಸರ್ಸೆ ಹಾಡು ವಿವಾದ: ಪ್ರೇಮ್ ವಿರುದ್ಧ ದೂರು, ನೋಟಿಸ್ ಬೆನ್ನಲ್ಲೇ ಹಿಂದಿ ಹಾಡು ಡಿಲೀಟ್ -
ಮಗುವನ್ನ ಸಾಕಲು ಹಣ ಬೇಕಾದ್ರೆ ಯಾರ ಜೊತೆ ಬೇಕಿದ್ರೂ ಮಲಗುವೆ: ಬಿಗ್ಬಾಸ್ ಖ್ಯಾತಿಯ ಚಂದ್ರಿಕಾ ದೀಕ್ಷಿತ್ -
Karnataka Weather: ಬೆಂಗಳೂರು ಸೇರಿದಂತೆ ರಾಜ್ಯದ 17 ಜಿಲ್ಲೆಗಳಲ್ಲಿ ನಾಳೆವರೆಗೆ ಗುಡುಗು ಸಹಿತ ಮಳೆ ಸಾಧ್ಯತೆ -
ಸಿನಿಮಾ ಕಥೆಗೆ ವಿರುದ್ಧವಾಗಿ ಕುಂಭಮೇಳ ಮೊನಾಲಿಸಾ ಮದುವೆ, 10 ಕೋಟಿ ರೂ. ಸಾಲ ಮಾಡಿದ್ದೇನೆ: ನಿರ್ದೇಶಕ ಸನೋಜ್ ಮಿಶ್ರಾ ಆತಂಕ -
"ಕೆಡಿ" ಸಿನಿಮಾದ ಹಾಡು ಅಶ್ಲೀಲವಾಗಿದ್ರೆ ಕೂಡಲೇ ಎಲ್ಲ ಕಡೆ ತೆರವು ಮಾಡಿ: ಸೆನ್ಸಾರ್ ಮಂಡಳಿಗೆ ಕೇಂದ್ರ ಸರ್ಕಾರ ಸೂಚನೆ
Click it and Unblock the Notifications
Sign in with Google