Embryo Freezing: ಘನೀಕೃತ ಭ್ರೂಣಗಳಿಂದ ಮಗು ಹೇಗೆ ಹುಟ್ಟುತ್ತವೆ?
ಮಕ್ಕಳನ್ನು ಹುಟ್ಟಿಸಲು ವೈದ್ಯಕೀಯ ತಂತ್ರಜ್ಞಾನದಲ್ಲಿ ಹಲವು ವಿಧಾನಗಳನ್ನು ಕಂಡು ಹಿಡಿಯಲಾಗಿದೆ. ವಿಜ್ಞಾನದ ವಿಸ್ಮಯವೆಂದರೆ ಒಬ್ಬ ವ್ಯಕ್ತಿಯು ತನ್ನ ವೀರ್ಯ ಸಂರಕ್ಷಿಸುವ ಮೂಲಕ ಪೋಷಕರಾಗಬಹುದು. ಟೆಸ್ಟ್ ಟ್ಯೂಬ್ ಮೂಲಕ ಶಿಶುಗಳು ಹುಟ್ಟಬಹುದು. ಪುರುಷ ತನ್ನ ವೀರ್ಯದಿಂದ ಬೇರೆ ಮಹಿಳೆ ಹೊಟ್ಟೆಯಲ್ಲಿ ಮಗು ಬೆಳೆಸಬಹುದು.
ಈ ತಂತ್ರಜ್ಞಾನ ಇನ್ ವಿಟ್ರೊ ಫಲೀಕರಣದ (ಐವಿಎಫ್) ಒಂದು ಭಾಗವಾಗಿದೆ. ಐವಿಎಫ್ನಲ್ಲಿ ಮಹಿಳೆಯ ಅಂಡಾಣು, ಪುರುಷನ ವೀರ್ಯದ ಸಂಯೋಜನೆಯಿಂದ ರೂಪುಗೊಂಡ ಭ್ರೂಣವನ್ನೂ ಸಂರಕ್ಷಿಸಬಹುದು. ಗಂಭೀರ ಕಾಯಿಲೆಗಳಿಂದ ಬಳಲುತ್ತಿರುವವರು, ದೈಹಿಕ ನ್ಯೂನತೆ ಅಥವಾ ಯಾವುದೇ ಅಡಚಣೆಗಳು ಇಲ್ಲದೆ ಪೋಷಕರಾಗಲು ಸಾಧ್ಯವಾಗದ ಜನರಿಗೆ ಈ ತಂತ್ರಜ್ಞಾನವು ವರದಾನವಾಗಿದೆ.
ಮಹಿಳೆಯರ ಬಂಜೆತನವು ಒಂದು ಸಮಸ್ಯೆ
ಭಾರತದಲ್ಲಿ ಬಂಜೆತನ ಬಹಳ ಹಿಂದಿನಿಂದಲೂ ಒಂದು ದೊಡ್ಡ ಸಮಸ್ಯೆಯಾಗಿದೆ. ಇಂದಿನ ಕಾಲದಲ್ಲಿ ಆರೋಗ್ಯಕರವಾಗಿ ಕಾಣುವ ದಂಪತಿಗಳು ಸಹ ಪೋಷಕರಾಗಲು ಸಾಧ್ಯವಾಗುವುದಿಲ್ಲ. ಕೆಲವೊಮ್ಮೆ ಪುರುಷರ ವೀರ್ಯಾಣು ಕೊರತೆ ಮತ್ತು ಕೆಲವೊಮ್ಮೆ ಮಹಿಳೆಯರ ಅಂಡಾಣುಗಳಲ್ಲಿ ಸಮಸ್ಯೆಗಳು ಕಂಡು ಬರುತ್ತದೆ. ಇಂತಹ ಕೆಲವು ಸಂದರ್ಭಗಳಲ್ಲಿ ಇಬ್ಬರೂ ಸಂಪೂರ್ಣವಾಗಿ ಆರೋಗ್ಯವಾಗಿ ಚೆನ್ನಾಗಿದ್ದರೂ ಮಗುವಿನ ಜನನದಲ್ಲಿ ಅನೇಕ ಸಮಸ್ಯೆಗಳು ಕಂಡು ಬರುತ್ತದೆ. ಆದರೆ, ಇಂತಹ ಸಮಸ್ಯೆಗಳಿಗೆ ಐವಿಎಫ್ ತಂತ್ರಜ್ಞಾನದ ಮೂಲಕ ಪರಿಹಾರವಿದೆ. ಇಂತಹ ವೈದ್ಯಕೀಯ ತಂತ್ರಜ್ಞಾನವನ್ನು ವಿವರವಾಗಿ ಅರ್ಥಮಾಡಿಕೊಳ್ಳುವುದು ತುಂಬಾ ಮುಖ್ಯವಾಗಿದೆ.
ಭ್ರೂಣ ಹೇಗೆ ರೂಪುಗೊಳ್ಳುತ್ತವೆ ?
ಪುರುಷ ಮತ್ತು ಮಹಿಳೆಯ ನಡುವಿನ ಸಂಭೋಗದ ನಂತರ ಪುರುಷನ ವೀರ್ಯದ ಮತ್ತು ಮಹಿಳೆಯ ಅಂಡಾಣು ಸೇರಿದಾಗ, ಭ್ರೂಣ ರೂಪಗೊಳ್ಳುವಿಕೆಯ ಪ್ರಕ್ರಿಯೆಯು ಪ್ರಾರಂಭವಾಗುತ್ತದೆ. ಪುರುಷ ವೀರ್ಯಗಳಲ್ಲಿ ಒಂದು ಮೊಟ್ಟೆಯನ್ನು ಫಲವತ್ತಾಗಿಸುತ್ತದೆ. ಈ ಫಲವತ್ತಾದ ಮೊಟ್ಟೆಯನ್ನು ಜೈಗೋಟ್ ಎಂದು ಕರೆಯಲಾಗುತ್ತದೆ. ಈ ಜೈಗೋಟ್ ಗರ್ಭಾಶಯದ ಕಡೆಗೆ ಚಲಿಸುವಾಗ, ಅದು ತನ್ನ ರೂಪವನ್ನು ಬದಲಾಯಿಸುತ್ತಲೇ ಇರುತ್ತದೆ. ಜೈಗೋಟ್ ನಂತರ ಬ್ಲಾಸ್ಟೊಸಿಸ್ಟ್ ಎಂಬ ಕೋಶಗಳ ಟೊಳ್ಳಾದ ಚೆಂಡಾಗಿ ಬೆಳೆಯುತ್ತದೆ. ಗರ್ಭಾಶಯವನ್ನು ತಲುಪಿದ ನಂತರವೇ ಈ ಬ್ಲಾಸ್ಟೊಸಿಸ್ಟ್ ಗರ್ಭಾಶಯದ ಗೋಡೆಗೆ ಅಂಟಿಕೊಳ್ಳುತ್ತದೆ ಮತ್ತು ಭ್ರೂಣವು ರೂಪುಗೊಳ್ಳುತ್ತದೆ.
ಐವಿಎಫ್ನಲ್ಲಿ ವಿಭಿನ್ನ ಪರಿಹಾರ
ಐವಿಎಫ್ನಲ್ಲಿರುವ ವಿವಿಧ ಸಮಸ್ಯೆಗಳಿಗೆ ವಿಭಿನ್ನ ಪರಿಹಾರಗಳನ್ನು ಕಂಡುಹಿಡಿಯಲಾಗುತ್ತದೆ. ಉದಾಹರಣೆ ಎಂದರೆ ವೀರ್ಯಾಣು ಎಣಿಕೆಯಲ್ಲಿ ಸಮಸ್ಯೆಯಿದ್ದರೆ ಅಥವಾ ವೀರ್ಯದ ಗಣತಿ ಕಡಿಮೆ ಇದ್ದರೆ ಲ್ಯಾಬ್ನಲ್ಲಿ ವೀರ್ಯದ ಗುಣಮಟ್ಟವನ್ನು ಪರಿಶೀಲಿಸುವ ಮೂಲಕ ಐವಿಎಫ್ನಲ್ಲಿ ಪರಿಹಾರ ಕಂಡುಹಿಡಿಯಬಹುದು. ಮಹಿಳೆಯರ ಅಂಡಾನುಗಳನ್ನು ಸಹ ಸಂಗ್ರಹಿಸಿ ಇಡಬಹುದು ಮತ್ತು ಕೆಲವು ದಿನಗಳವರೆಗೆ ಈ ಅಂಡಾನು ಪ್ರೀಜ್ನಲ್ಲಿ ಇಡಬಹುದು.
ಘನೀಕೃತ ಭ್ರೂಣ ಎಂದರೇನು?
ಘನೀಕೃತ ಭ್ರೂಣ ಈ ವ್ಯವಸ್ಥೆಯಲ್ಲಿ ಮಹಿಳೆಯರ ಅಂಡಾಶಯದಿಂದ ಅಂಡಾನುಗಳನ್ನು ಹೊರ ತೆಗೆಯಲಾಗುತ್ತದೆ ಮತ್ತು ಭ್ರೂಣಗಳನ್ನು ರೂಪಿಸಲು ಫಲವತ್ತಾಗಿಸುತ್ತದೆ. ಭ್ರೂಣವು ಸಿದ್ಧವಾದಾಗ ಮತ್ತು ಕೆಲವು ದಿನಗಳ ನಂತರದ ಅವಧಿಯಲ್ಲಿ ಹಳೆಯದಾದರೆ, ಅದು ಹೆಪ್ಪುಗಟ್ಟಿರುತ್ತದೆ. ಅಂದರೆ ಒಂದು ನಿರ್ದಿಷ್ಟ ತಾಪಮಾನದಲ್ಲಿ ಸ್ವಲ್ಪ ಸಮಯದವರೆಗೆ ಸಂರಕ್ಷಿಸಬಹುದು. ನಂತರ ಅಗತ್ಯವಿದ್ದರೆ, ಈ ಭ್ರೂಣವನ್ನು ಮಹಿಳೆಯ ಗರ್ಭಾಶಯಕ್ಕೆ ಸ್ಥಳಾಂತರಿಸಲಾಗುತ್ತದೆ. ಘನೀಕೃತ ಭ್ರೂಣ ಕಸಿ ಯಶಸ್ವಿಯಾದರೆ ಭ್ರೂಣವು ಮಹಿಳೆಯ ಗರ್ಭದಲ್ಲಿ ಬೆಳೆಯಲು ಪ್ರಾರಂಭಿಸುತ್ತದೆ. ನಂತರ ಅದು ಮಗುವಾಗುತ್ತದೆ.