UMANG ಅಪ್ಲಿಕೇಶನ್‌ನಲ್ಲಿ ಈಗ 127 ಇಲಾಖೆಯ ಸರ್ಕಾರಿ ಸೌಲಭ್ಯಗಳು; ಹೇಗೆ ತಿಳಿಯಿರಿ

ಸಾರ್ವಜನಿಕರು ಈಗ ಕೇವಲ ಒಂದೇ ಒಂದು ಅಪ್ಲಿಕೇಶನ್‌ನ್ನು ಸ್ಥಾಪಿಸಿ ಆಧಾರ್‌ಗೆ ಸಂಬಂಧಿಸಿದ ಎಲ್ಲಾ ಸೌಲಭ್ಯಗಳು ಹಾಗೂ ಸರ್ಕಾರಿ ಸೌಲಭ್ಯಗಳ ಲಾಭವನ್ನು ಪಡೆದುಕೊಳ್ಳಬಹುದು. ಹೌದು, ಸರ್ಕಾರವು ಪ್ರಾರಂಭಿಸಿರುವ ಉಮಂಗ್ (UMANG)ನ್ನು ಬಳಸಿಕೊಂಡು ಸಾರ್ವಜನಿಕರು ಅನೇಕ ಸರ್ಕಾರಿ ಸೇವೆಗಳನ್ನು ಪಡೆಯಬಹುದು. ಕೇಂದ್ರ, ರಾಜ್ಯ ಮತ್ತು ಸ್ಥಳೀಯ ಸೇವೆಗಳನ್ನು ಇದರಲ್ಲಿ ಸೇರಿಸಲಾಗಿದೆ. ನೀವು ಉಮಂಗ್ ಅಪ್ಲಿಕೇಶನ್‌ನಲ್ಲಿಯೇ ಆಧಾರ್‌ಗೆ ಸಂಬಂಧಿಸಿದ ಸೇವೆಗಳನ್ನು ಸಹ ಪಡೆದುಕೊಳ್ಳಬಹುದು. ಇದು ನಂತರ ಸೇರಿಸಲಾದ ಕೆಲವು ಸೇವೆಗಳಲ್ಲಿ ಒಂದಾಗಿದೆ. ಉಮಂಗ್ ಆಪ್‌ನಲ್ಲಿ ಆಧಾರ್‌ನ ಸೇವೆಗಳನ್ನು ವಿಸ್ತರಿಸಲಾಗಿದೆ ಎಂದು ಡಿಜಿಟಲ್ ಇಂಡಿಯಾ ಇತ್ತೀಚೆಗೆ ಟ್ವೀಟ್‌ನಲ್ಲಿ ಹೇಳಿದೆ.

ಏಕೀಕೃತ ಮೊಬೈಲ್ ಅಪ್ಲಿಕೇಶನ್ (ಉಮಂಗ್) ದೇಶದಲ್ಲಿ ಡಿಜಿಟಲ್ ಪಾವತಿ ವಹಿವಾಟುಗಳನ್ನು ಅಳವಡಿಸಿಕೊಳ್ಳಲು ಹೆಚ್ಚು ಹೆಚ್ಚು ಜನರನ್ನು ಉತ್ತೇಜಿಸಲು ದೇಶದ ಸರ್ಕಾರವು ಪ್ರಾರಂಭಿಸಿದ ಆಲ್-ಇನ್-ಒನ್ ಅಪ್ಲಿಕೇಶನ್ ಆಗಿದೆ. ಉಮಂಗ್ ಅಪ್ಲಿಕೇಶನ್ ಒಂದು ಸಂಯೋಜಿತ ಅಪ್ಲಿಕೇಶನ್ ಆಗಿದ್ದು, ಆದಾಯ ತೆರಿಗೆ ಸಲ್ಲಿಸುವುದು, ಆಧಾರ್ ಮತ್ತು ಭವಿಷ್ಯ ನಿಧಿ ವಿಚಾರಣೆ, ಗ್ಯಾಸ್ ಸಿಲಿಂಡರ್‌ಗಳ ಬುಕಿಂಗ್, ಪಾಸ್‌ಪೋರ್ಟ್ ಸೇವೆ ಮತ್ತು ಇತರ ಹಲವು ಭಾರತೀಯ ಇ-ಸರ್ಕಾರದ ಸೇವೆಗಳನ್ನು ಪಡೆಯಲು ಬಳಸಬಹುದಾಗಿದೆ. ಈ ಅಪ್ಲಿಕೇಶನ್ ಅನ್ನು ರಾಷ್ಟ್ರೀಯ ಇ-ಆಡಳಿತ ವಿಭಾಗ ಮತ್ತು ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ ಅಭಿವೃದ್ಧಿಪಡಿಸಿದೆ. UMANG ಅಪ್ಲಿಕೇಶನ್‌ನಲ್ಲಿ ನೀವು ಒಟ್ಟು 127 ಇಲಾಖೆಗಳು ಮತ್ತು ಎಲ್ಲಾ ಸರ್ಕಾರಿ ಸೌಲಭ್ಯಗಳ ಲಾಭವನ್ನು ಪಡೆಯಬಹುದು.

UMANG ಅಪ್ಲಿಕೇಶನ್‌ನಲ್ಲಿ ನೋಂದಾಯಿಸಲು ಕಾರ್ಯವಿಧಾನ

ಮೊದಲಿಗೆ ಪ್ಲೇ ಸ್ಟೋರ್‌ನಿಂದ ಉಮಂಗ್ (UMANG) ಅಪ್ಲಿಕೇಶನ್‌ನ್ನು ಡೌನ್‌ಲೋಡ್ ಮಾಡಿ.
ಇದರ ನಂತರ ನೀವು ಅಪ್ಲಿಕೇಶನ್‌ಗೆ ಲಾಗಿನ್ ಮಾಡಿ ಮತ್ತು ಹೊಸ ಬಳಕೆದಾರರ ಮೇಲೆ ಕ್ಲಿಕ್ ಮಾಡಿ.
ನೋಂದಣಿ ಆಯ್ಕೆಗೆ ಹೋಗಿ ಮತ್ತು ಅಲ್ಲಿ ಪ್ರೊಸೀಡ್ ಆಯ್ಕೆಯನ್ನು ಕ್ಲಿಕ್ ಮಾಡಿ.
ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಲು ಕೇಳಲಾಗುತ್ತದೆ. ಅದನ್ನು ನಮೂದಿಸಿ.
ಇದರ ನಂತರ, ನೀವು MPINನ್ನು ಹೊಂದಿಸಬೇಕಾಗುತ್ತದೆ. ಇಲ್ಲಿ MPINನ್ನು ನಮೂದಿಸುವ ಮೂಲಕ ಅದನ್ನು ದೃಢೀಕರಿಸಿ.
ಮುಂದುವರೆಯಿರಿ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಈಗ ಪ್ರೊಫೈಲ್ ಮಾಹಿತಿ ಪರದೆಯ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ಎಲ್ಲಾ ಅಗತ್ಯ ವಿವರಗಳನ್ನು ಭರ್ತಿ ಮಾಡಿ.
ಸೇವ್ ಮತ್ತು ಪ್ರೊಸೀಡ್ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಇದರ ನಂತರ ನಿಮ್ಮ ನೋಂದಣಿ ಪ್ರಕ್ರಿಯೆಯು ಪೂರ್ಣಗೊಳ್ಳುತ್ತದೆ.
ಇದಲ್ಲದೆ ನೀವು ಈ ಅಪ್ಲಿಕೇಶನ್‌ನಲ್ಲಿ ಇ-ಕೆವೈಸಿ ಪ್ರಕ್ರಿಯೆಯನ್ನು ಸಹ ಪೂರ್ಣಗೊಳಿಸಬಹುದು.

UMANG ಅಪ್ಲಿಕೇಶನ್ ಒದಗಿಸಿದ ವೈಶಿಷ್ಟ್ಯಗಳು ಏನು?

ನೀವು UMANG ಅಪ್ಲಿಕೇಶನ್‌ನಿಂದ ಆಧಾರ್‌ನ ಡಿಜಿಟಲ್ ಪ್ರತಿಯನ್ನು ಡೌನ್‌ಲೋಡ್ ಮಾಡಬಹುದು. ಇದು ಡಿಜಿಟಲ್ ಸಹಿ ಮತ್ತು ಪಾಸ್ವರ್ಡ್ ರಕ್ಷಿತವಾಗಿದೆ. ನಿಮ್ಮ ಆಧಾರ್ ಸಂಖ್ಯೆಯನ್ನು ನೀವು ಯಾರಿಗೂ ನೀಡಲು ಬಯಸದಿದ್ದರೆ, ನೀವು ನಿಮ್ಮ ವರ್ಚುವಲ್ ಐಡಿಯನ್ನು ನೀಡಬಹುದು. ನೀವು UMANG ಅಪ್ಲಿಕೇಶನ್‌ನ ಮೂಲಕ ಈ 16 ಅಂಕಿಗಳ ವರ್ಚುವಲ್ ಐಡಿಯನ್ನು ಸಹ ರಚಿಸಬಹುದು.

ಅಪ್ಲಿಕೇಶನ್‌ನೊಂದಿಗೆ ಬಯೋಮೆಟ್ರಿಕ್‌ ಲಾಕ್ ಮಾಡಬಹುದು

ನಿಮ್ಮ ಗುರುತನ್ನು ಆಫ್‌ಲೈನ್‌ನಲ್ಲಿ ದೃಢೀಕರಿಸಲು ಬಳಸಬಹುದಾದ ಅಪ್ಲಿಕೇಶನ್‌ನಲ್ಲಿ ನೀವು eKYC ಡಾಕ್ಯುಮೆಂಟ್‌ಗಳನ್ನು ಡೌನ್‌ಲೋಡ್ ಮಾಡಬಹುದು. UMANG ಅಪ್ಲಿಕೇಶನ್‌ನಲ್ಲಿಯೇ, ನಿಮ್ಮ ಆಧಾರ್ ಸಂಖ್ಯೆಯನ್ನು ಪರಿಶೀಲನೆಗಾಗಿ ಎಲ್ಲಿ ಬಳಸಲಾಗಿದೆ ಎಂಬುದನ್ನು ಕಂಡುಹಿಡಿಯಲು ನೀವು ಬಳಸಬಹುದು. ನೀವು UMANG ಅಪ್ಲಿಕೇಶನ್‌ನೊಂದಿಗೆ ಬಯೋಮೆಟ್ರಿಕ್‌ಗಳನ್ನು ಲಾಕ್ ಮಾಡಬಹುದು ಮತ್ತು ಅನ್‌ಲಾಕ್ ಮಾಡಬಹುದು.

ಆಧಾರ್ ಸಂಬಂಧಿತ ಸೇವೆಗಳನ್ನು ಬಳಸುವುದು ಹೇಗೆ ?

ಇದಕ್ಕಾಗಿ, ನೀವು ಮೊದಲು ಫೋನ್‌ನಲ್ಲಿ UMANG ಅಪ್ಲಿಕೇಶನ್‌ನ್ನು ಡೌನ್‌ಲೋಡ್ ಮಾಡಬೇಕು. ಇದರ ನಂತರ, ನೀವು ಅಪ್ಲಿಕೇಶನ್‌ಗೆ ಲಾಗ್ ಇನ್ ಮಾಡಿ ಮತ್ತು 'My Aadhaar' ಆಯ್ಕೆಯನ್ನು ಆರಿಸಿ ಮತ್ತು ನಿಮ್ಮ ಆಧಾರ್ ಲಿಂಕ್ ಮಾಡಿ. ಆಧಾರ್ ಲಿಂಕ್ ಮಾಡಲು, ನೀವು ಆಧಾರ್ ಸಂಖ್ಯೆ, ಕ್ಯಾಪ್ಚಾ ಕೋಡ್ ಮತ್ತು Send OTPನ್ನು ಕ್ಲಿಕ್ ಮಾಡಬೇಕು. ಇದರ ನಂತರ ನೀವು ಒಟಿಪಿ(OTP)ನ್ನು ಪಡೆಯುತ್ತೀರಿ. ಅದನ್ನು ನಮೂದಿಸಿ ಮತ್ತು ಉಳಿಸು ಕ್ಲಿಕ್ ಮಾಡಿ. ಒಮ್ಮೆ ಆಧಾರ್ ಲಿಂಕ್ ಮಾಡಿದ ನಂತರ, ನೀವು UMANG ಅಪ್ಲಿಕೇಶನ್‌ನಲ್ಲಿ ಎಲ್ಲಾ ಸಂಬಂಧಿತ ಸೇವೆಗಳನ್ನು ಪಡೆಯಬಹುದು.

English summary

UMANG One App, Many Government Services, Want to Download Aadhaar, Generate VID Quickly? Use UMANG App; See How Check Here.