Kantara Chapter 1: ಕಾಂತಾರ ಚಾಪ್ಟರ್ 1: ಭಾರತೀಯ ಸಿನಿಮಾರಂಗದಲ್ಲಿ ಹೊಸ ಇತಿಹಾಸ ಸೃಷ್ಟಿ!

Kantara Chapter 1: ಕಾಂತಾರ ಚಾಪ್ಟರ್ 1 ಕನ್ನಡಿಗರಿಗೆ ರಸದೌತಣ ಬಡಿಸುತ್ತಿದೆ. ಕಾಂತಾರ ಸಿನಿಮಾ ಇಡೀ ಭಾರತೀಯ ಚಿತ್ರರಂಗವನ್ನು ಕನ್ನಡ ಚಿತ್ರರಂಗದ ಕಡೆ ತಿರುಗಿ ನೋಡುವಂತೆ ಮಾಡಿತ್ತು. ಇದೀಗ ಕಾಂತಾರ ಚಾಪ್ಟರ್ 1 ಬಿಡುಗಡೆಯ ಬೆನ್ನಲ್ಲೇ ಹೊಸ ಇತಿಹಾಸ ಸೃಷ್ಟಿ ಮಾಡುತ್ತಿದೆ. ಈ ಸಿನಿಮಾ ಬುಕ್ಕಿಂಗ್‌ನಲ್ಲೂ ದಾಖಲೆ ಬರೆಯುತ್ತಿದೆ. ಗುರುವಾರ (ಅಕ್ಟೋಬರ್ 2) ಕನ್ನಡದ ಸ್ಟಾರ್ ನಟ ಮತ್ತು ನಿರ್ದೇಶಕ ರಿಷಬ್ ಶೆಟ್ಟಿ ಅವರ ಕಾಂತಾರ ಚಾಪ್ಟರ್ 1 ಬಿಡುಗಡೆಯಾಗುತ್ತಿದೆ. ಕನ್ನಡ ಹಾಗೂ ಭಾರತೀಯ ಸಿನಿಮಾ ರಂಗದಲ್ಲಿ ಈ ಸಿನಿಮಾ ಹೊಸ ಇತಿಹಾಸ ಸೃಷ್ಟಿಸುವ ಅನುಮಾನವೇ ಇಲ್ಲ ಎನ್ನುತ್ತಿದ್ದಾರೆ ಸಿನಿ ಪ್ರಿಯರು.

2022ನೇ ಸಾಲಿನಲ್ಲಿ ಬಿಡುಗಡೆಯಾಗಿದ್ದ ಕಾಂತಾರ ಚಲನಚಿತ್ರವು ದೇಶಾದ್ಯಂತ ಸೂಪರ್ ಡೂಪರ್ ಹಿಟ್ ಆಗಿತ್ತು. ಇದೀಗ ಕಾಂತಾರ ಚಾಪ್ಟರ್ 1 ಬಿಡುಗಡೆಯಾಗಿದ್ದು ಈ ಸಿನಿಮಾ ಸಹ ಅದನ್ನೂ ಮೀರಿದ ದಾಖಲೆ ಬರೆಯಲಿದೆ ಎಂದು ನಿರೀಕ್ಷಿಸಲಾಗುತ್ತಿದೆ. Sacnilk's Data ಪ್ರಕಾರ, ಕಾಂತಾರ ಚಾಪ್ಟರ್ 1ರ ಬುಕ್ಕಿಂಗ್ ಸಹ ದಾಖಲೆ ಬರೆದಿದೆ. ಮುಖ್ಯವಾಗಿ ಬಿಡುಗಡೆಗೆ ಒಂದು ದಿನ ಮೊದಲು ಹಿಂದಿ ಮಾರುಕಟ್ಟೆಯಲ್ಲಿ ವೇಗವನ್ನು ಪಡೆದುಕೊಂಡಿದೆ. ಪ್ರಸ್ತುತ ಈ ಸಿನಿಮಾ ಮೊದಲ ದಿನವೇ ಸುಮಾರು 2.50 ಕೋಟಿ ಗಳಿಸಿದೆ. ಮುಂಗಡ ಬುಕ್ಕಿಂಗ್ ಪ್ರಮಾಣವು 4 ಕೋಟಿಗಿಂತ ಹೆಚ್ಚು ಮುಟ್ಟುವ ನಿರೀಕ್ಷೆಯಿದೆ.

ಬಾಲಿವುಡ್‌ನ ಸಿನಿಮಾಗಳಿಗೂ ಕಾಂತಾರ ಪೈಪೋಟಿ ನೀಡುತ್ತಿದೆ. ಇದೀಗ ಬಿಡುಗಡೆಯಾಗಿರುವ ಸ್ಕೈ ಫೋರ್ಸ್ (3.78 ಕೋಟಿ), ಸೀತಾರೆ ಜಮೀನ್ ಪರ್ (3.30 ಕೋಟಿ) ಹಾಗೂ ಜಾಲಿ ಎಲ್‌ಎಲ್‌ಬಿ 3 (3.23 ಕೋಟಿ) ನಂತಹ ಸಿನಿಮಾಗಳಿಗಿಂತಲೂ ಕಾಂತಾರ ಚಾಪ್ಟರ್ 1ರ ಟಿಕೆಟ್ ಬುಕ್ಕಿಂಗ್ ಹೆಚ್ಚಾಗಿದೆ. ಅಲ್ಲದೇ ಹಿಂದಿ ಸಿನಿಮಾಗಳಿಗಿಂತ ಈ ಸಿನಿಮಾ ಕ್ರೇಜ್ ಹೆಚ್ಚಾಗುತ್ತಿದೆ.

ಹೊಸ ದಾಖಲೆ ಬರೆಯುವ ನಿರೀಕ್ಷೆ: ಇನ್ನು ಕಾಂತಾರ ಚಾಪ್ಟರ್ 1 ಸಿನಿಮಾ ಪ್ರಾರಂಭದ ಹಂತದಲ್ಲೇ ಹೊಸ ಮ್ಯಾಜಿಕ್ ಮಾಡುವ ನಿರೀಕ್ಷೆ ಇದೆ. ಈ ಹಿಂದಿನ ಭಾರತೀಯ ಸಿನಿಮಾ ರಂಗದಲ್ಲಿ ಮೆಗಾ ಚಲನಚಿತ್ರಗಳ ದಿನ 1 ಸಂಗ್ರಹ ಮೊತ್ತವನ್ನು ಕಾಂತಾರ ಚಾಪ್ಟರ್ 1 ಮೀರಿಸುವ ಸಾಧ್ಯತೆ ಇದೆ.

ಕೊಯಿಮೊಯ್ ಪ್ರಕಾರ, 2025 ರ ಇಲ್ಲಿಯವರೆಗೆ ಬಾಕ್ಸ್‌ ಆಫೀಸ್‌ನ ಟಾಪ್ 10 ಭಾರತೀಯ ಸಿನಿಮಾಗಳು

1. ದಿ ಕಾಲ್ ಹಿಮ್ ಒಜಿ: ರೂ 87.45 ಕೋಟಿ

2. ಕೂಲಿ: ರೂ 65 ಕೋಟಿ

3. ಗೇಮ್ ಚೇಂಜರ್: ರೂ 54 ಕೋಟಿ

4. ವಾರ್ 2 - ರೂ 52.5 ಕೋಟಿ

5. ಹರಿ ಹರ ವೀರ ಮಲ್ಲು: ರೂ 47.5 ಕೋಟಿ

6. ಕಾಂತಾರ ಅಧ್ಯಾಯ 1: ರೂ 40-45 ಕೋಟಿ (ಕೊಯಿಮೊಯ್ ಭವಿಷ್ಯ)

7. ಛಾವಾ: ರೂ 33.10 ಕೋಟಿ

8. ಸಿಕಂದರ್: ರೂ 30.06 ಕೋಟಿ

9. ಗುಡ್ ಬ್ಯಾಡ್ ಅಗ್ಲಿ: ರೂ 29.25 ಕೋಟಿ

10. ವಿದಾಮುಯಾರ್ಚಿ: ರೂ 27 ಕೋಟಿ