59ರ ವಯಸ್ಸಿನಲ್ಲೂ ನಟಿ ಮಾಧುರಿ ದೀಕ್ಷಿತ್ ಬೋಲ್ಡ್ ಅವತಾರ; ಆ 10 ಸೆಕೆಂಡ್ ವೈರಲ್ ವಿಡಿಯೋ ನೋಡಿದವರಿಗೆ ಕಾದಿತ್ತು ಟ್ವಿಸ್ಟ್
ಬಾಲಿವುಡ್ನ ಹಿರಿಯ ನಟಿ, ಎವರ್ಗ್ರೀನ್ ಬ್ಯೂಟಿ ಮಾಧುರಿ ದೀಕ್ಷಿತ್ (Madhuri Dixit) ಅವರ ಸೌಂದರ್ಯ ಮತ್ತು ನಟನೆಗೆ ಇಡೀ ದೇಶವೇ ಫಿದಾ ಆಗಿರುವುದು ಗೊತ್ತೇ ಇದೆ. ಇತ್ತೀಚೆಗೆ ಸಾರ್ವಜನಿಕ ಸಮಾರಂಭವೊಂದರಲ್ಲಿ ಮಾಧುರಿ ಅವರು ಅತ್ಯಂತ ಗ್ಲಾಮರಸ್ ಹಾಗೂ ಬೋಲ್ಡ್ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ ಎಂಬ ವೀಡಿಯೋವೊಂದು ಇಂಟರ್ನೆಟ್ನಲ್ಲಿ ಭಾರಿ ಸದ್ದು ಮಾಡುತ್ತಿದೆ. 59 ವರ್ಷ ದಾಟಿರುವ ಮಾಧುರಿ ಅವರ ಬ್ಯೂಟಿ ಹಿಂದಿನ ಸೀಕ್ರೆಟ್ ಏನು? ಅವರ ಫ್ಯಾನ್ಸ್ ಕಂಗಾಲಾಗಿದ್ದಾರೆ. ಆದರೆ ಈ ವೀಡಿಯೋದ ಅಸಲಿ ಸತ್ಯ ಬೇರೆಯೇ ಇದೆ.
ವೈರಲ್ ಆದ ವೀಡಿಯೋದಲ್ಲೇನಿದೆ?
ಪ್ರಶಸ್ತಿ ಪ್ರದಾನ ಸಮಾರಂಭವೊಂದರ ವೀಡಿಯೋ ಎಂದು ಬಿಂಬಿಸಲಾದ ಈ ಕ್ಲಿಪ್ನಲ್ಲಿ, ಮಾಧುರಿ ದೀಕ್ಷಿತ್ ಅವರು ಡೀಪ್ ನೆಕ್ಲೈನ್ ಹೊಂದಿರುವ ಕಪ್ಪು ಬಣ್ಣದ ವಿಚಿತ್ರವಾದ ಗೌನ್ ಧರಿಸಿ ನಡೆದು ಬರುತ್ತಿರುವುದು ಕಂಡುಬರುತ್ತದೆ. ವಯಸ್ಸಾದ ಕಾಲದಲ್ಲಿ ಮಾಧುರಿ ಅವರಿಗೆ ಈ ರೀತಿಯ ಬೋಲ್ಡ್ ಅವತಾರದ ಅಗತ್ಯವಿತ್ತೇ ಎಂದು ಕೆಲವು ನೆಟ್ಟಿಗರು ಮೊದಲಿಗೆ ವೀಡಿಯೋ ನೋಡಿ ಟ್ರೋಲ್ ಮಾಡಲು ಆರಂಭಿಸಿದ್ದರು. ಆದರೆ ಇತ್ತೀಚಿನ ದಿನಗಳಲ್ಲಿ ಸೋಶಿಯಲ್ ಮೀಡಿಯಾದಲ್ಲಿ ಸೆಲೆಬ್ರಿಟಿಗಳ ಹೆಸರನ್ನು ದುರ್ಬಳಕೆ ಮಾಡಿಕೊಳ್ಳುವ ಜಾಲವೊಂದು ಸಕ್ರಿಯವಾಗಿದ್ದು, ಈಗ ಮಾಧುರಿ ದೀಕ್ಷಿತ್ ಕೂಡ ಇದಕ್ಕೆ ಬಲಿಯಾಗಿದ್ದಾರೆ.
ನಟಿ ರಶ್ಮಿಕಾ ಮಂದಣ್ಣ ಮತ್ತು ಕನ್ನಡದ ರುಕ್ಮಿಣಿ ವಸಂತ್ ಅವರ ಹೆಸರಿನಲ್ಲಿ ಕೃತಕ ಬುದ್ಧಿಮತ್ತೆ (ಎಐ) ಬಳಸಿ ಹೇಗೆ ನಕಲಿ ವೀಡಿಯೋಗಳನ್ನು ಸೃಷ್ಟಿಸಲಾಗಿತ್ತೋ, ಅದೇ ತಂತ್ರವನ್ನು ಮಾಧುರಿ ದೀಕ್ಷಿತ್ ಅವರ ಮೇಲೂ ಪ್ರಯೋಗಿಸಲಾಗಿದೆ. ಈ ವೀಡಿಯೋ ವೈರಲ್ ಆಗುತ್ತಿದ್ದಂತೆಯೇ ಎಕ್ಸ್ ಸಂಸ್ಥೆಯು ಇದಕ್ಕೆ 'ಫ್ಯಾಕ್ಟ್ ಚೆಕ್' ಟ್ಯಾಗ್ ಸೇರಿಸಿದೆ. ಮಾಧುರಿ ದೀಕ್ಷಿತ್ ಅವರು ಫೆಮಿನಾ ಅವಾರ್ಡ್ಸ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾಗ ಧರಿಸಿದ್ದು ಐವರಿ (Ivory) ಬಣ್ಣದ ಗೌನ್ ಆಗಿತ್ತೇ ಹೊರತು ಕಪ್ಪು ಬಣ್ಣದ ಬೋಲ್ಡ್ ಉಡುಪಲ್ಲ.
ಈ ಮೂಲ ವೀಡಿಯೋವನ್ನು ಡಿಜಿಟಲ್ ಆಗಿ ಬದಲಾಯಿಸಿ, ನಟಿಯ ಮುಖವನ್ನು ಮತ್ತೊಬ್ಬರ ದೇಹಕ್ಕೆ ಕ್ರಾಪ್ ಮಾಡಿ ಈ ನಕಲಿ ವೀಡಿಯೋವನ್ನು ಸೃಷ್ಟಿಸಲಾಗಿದೆ ಎಂಬುದು ಸಾಬೀತಾಗಿದೆ. ನಟಿಯ ದೇಹದ ಲಕ್ಷಣಗಳು ಮೂಲ ವೀಡಿಯೋಗಿಂತ ಸಂಪೂರ್ಣ ಭಿನ್ನವಾಗಿವೆ. ಹೀಗಾಗಿ ನಕಲಿ ವಿಡಿಯೋ ಎಂಬುದು ಖಚಿತವಾಗಿದೆ. ವೀಡಿಯೋ ಇಂಟರ್ನೆಟ್ನಲ್ಲಿ ಭಾರಿ ಚರ್ಚೆಗೆ ಗ್ರಾಸವಾಗಿದ್ದರೂ, ನಟಿ ಮಾಧುರಿ ದೀಕ್ಷಿತ್ ಅವರು ಈವರೆಗೆ ಯಾವುದೇ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ.
ಸುಳ್ಳು ವೀಡಿಯೋ ವಿರುದ್ಧ ತಿರುಗಿಬಿದ್ದ ನೆಟ್ಟಿಗರು
ಇತ್ತೀಚಿನ ದಿನಗಳಲ್ಲಿ ಇಂಟರ್ನೆಟ್ ಬಳಕೆದಾರರು ಸಾಕಷ್ಟು ಜಾಗೃತರಾಗುತ್ತಿದ್ದು, ವೀಡಿಯೋ ಪೋಸ್ಟ್ ಮಾಡಿದವರ ವಿರುದ್ಧವೇ ಕಿಡಿಕಾರಿದ್ದಾರೆ. "ಯಾವುದೇ ವೀಡಿಯೋವನ್ನು ಶೇರ್ ಮಾಡುವ ಮುನ್ನ ಸತ್ಯಾಸತ್ಯತೆ ಪರಿಶೀಲಿಸಿ. ಸೆಲೆಬ್ರಿಟಿಗಳ ವಯಸ್ಸು ಮತ್ತು ಗೌರವಕ್ಕೆ ಧಕ್ಕೆ ತರುವ ಇಂತಹ ಕೃತ್ಯಗಳು ಅತ್ಯಂತ ನಾಚಿಕೆಗೇಡಿನ ಸಂಗತಿ" ಎಂದು ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದಾರೆ.
ಮಾಧುರಿ ದೀಕ್ಷಿತ್ ಅವರು ಕಮರ್ಷಿಯಲ್ ಸಿನಿಮಾಗಳಿಂದ ಕೊಂಚ ಬ್ರೇಕ್ ಪಡೆದು ಕಂಟೆಂಟ್ ಆಧಾರಿತ ಸಿನಿಮಾಗಳತ್ತ ಮುಖ ಮಾಡಿದ್ದಾರೆ. ಅವರ ನಟನೆಯ ಡಾರ್ಕ್ ಕಾಮಿಡಿ ಶೈಲಿಯ 'ಮಾ ಬೆಹನ್' (Maa Bhen) ಚಿತ್ರವು ಜೂನ್ 5ರಂದು ನೇರವಾಗಿ ನೆಟ್ಫ್ಲಿಕ್ಸ್ ಒಟಿಟಿ ವೇದಿಕೆಯಲ್ಲಿ ಬಿಡುಗಡೆಯಾಗಲಿದೆ. ಈ ಚಿತ್ರದಲ್ಲಿ ಅವರೊಂದಿಗೆ ತೃಪ್ತಿ ದಿಮ್ರಿ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಇಂಟರ್ನೆಟ್ ಜಗತ್ತಿನಲ್ಲಿ ಕಾಣುವ ಎಲ್ಲವನ್ನೂ ಕುರುಡಾಗಿ ನಂಬಬೇಡಿ ಎಂಬುದಕ್ಕೆ ಮಾಧುರಿ ದೀಕ್ಷಿತ್ ಅವರ ಈ ಡೀಪ್ಫೇಕ್ ವೀಡಿಯೋ ಪ್ರತ್ಯಕ್ಷ ಸಾಕ್ಷಿಯಾಗಿದೆ.
A new AI-generated video claiming to show Madhuri Dixit at the age of 59 is going viral across social media. The video has surprised fans because of how realistic and glamorous it looks, with many people questioning whether it is actually real footage or an AI-created fan edit.… pic.twitter.com/k3HbKhg6Us
— Ravi Chaudhary (@BURN4DESIRE1) May 28, 2026
ಎಐ ದುರ್ಬಳಕೆಗೆ ಸಿಲುಕಿದ್ದು ಯಾರೆಲ್ಲ?
AI ತಂತ್ರಜ್ಞಾನದ ದುರ್ಬಳಕೆಯಿಂದಾಗಿ ಸೃಷ್ಟಿಯಾಗುತ್ತಿರುವ ಡೀಪ್ಫೇಕ್ ವೀಡಿಯೋಗಳು ಈಗ ಇಡೀ ಚಿತ್ರರಂಗಕ್ಕೇ ದೊಡ್ಡ ತಲೆನೋವಾಗಿ ಪರಿಣಮಿಸಿವೆ. ಮಾಧುರಿ ದೀಕ್ಷಿತ್ ಈ ಮಾಫಿಯಾ ಜಾಲಕ್ಕೆ ಸಿಲುಕಿದ ಮೊದಲ ಸೆಲೆಬ್ರಿಟಿಯೇನಲ್ಲ. ಇವರಿಗಿಂತ ಮುಂಚೆಯೇ ಚಿತ್ರರಂಗದ ಸಾಲು ಸಾಲು ದಿಗ್ಗಜ ನಟ-ನಟಿಯರು ಇಂತಹ ಕೃತ್ಯಕ್ಕೆ ಬಲಿಯಾಗಿದ್ದಾರೆ. ಡೀಪ್ಫೇಕ್ ತಂತ್ರಜ್ಞಾನದ ಕ್ರೂರತೆಗೆ ಮೊದಲು ಬಲಿಯಾಗಿದ್ದು ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ. ಲಿಫ್ಟ್ ಒಂದರಲ್ಲಿ ಬೋಲ್ಡ್ ಉಡುಪಿನಲ್ಲಿ ಮಹಿಳೆಯೊಬ್ಬರು ಬರುವ ವೀಡಿಯೋಗೆ ರಶ್ಮಿಕಾ ಮುಖವನ್ನು ಎಡಿಟ್ ಮಾಡಲಾಗಿತ್ತು. ಇದು ದೇಶಾದ್ಯಂತ ಭಾರಿ ಸಂಚಲನ ಸೃಷ್ಟಿಸಿತ್ತು. ಇದರ ಬೆನ್ನಲ್ಲೇ ನಟಿ ಕೀರ್ತಿ ಸುರೇಶ್ ಹಾಗೂ ಕನ್ನಡದ ನಟಿ ರುಕ್ಮಿಣಿ ವಸಂತ್ ಕೂಡ ಇಂತಹದ್ದೇ ನಕಲಿ ವೀಡಿಯೋಗಳ ಸಂಚಿಗೆ ಸಿಲುಕಿದ್ದರು.
ಕೇವಲ ಯುವ ನಟಿಯರು ಮಾತ್ರವಲ್ಲದೆ, ಚಿತ್ರರಂಗದ ಮುಂಚೂಣಿಯಲ್ಲಿರುವ ಸ್ಟಾರ್ ನಟಿಯರಾದ ಆಲಿಯಾ ಭಟ್, ಕತ್ರಿನಾ ಕೈಫ್ ಹಾಗೂ ಇತ್ತೀಚಿನ ತಲೆಮಾರಿನ ನಟಿಯರಾದ ಜಾನ್ವಿ ಕಪೂರ್, ಅನನ್ಯ ಪಾಂಡೆ ಮತ್ತು ಸಾರಾ ಅಲಿ ಖಾನ್ ಅವರ ಹೆಸರಿನಲ್ಲೂ ನಕಲಿ ಕ್ಲಿಪ್ಗಳನ್ನು ವೈರಲ್ ಮಾಡಲಾಗಿತ್ತು. ಇನ್ನುಳಿದಂತೆ ಬಾಲಿವುಡ್ನ ಸ್ಟಾರ್ ಕಿಡ್ ಹಾಗೂ ಶಾರುಖ್ ಖಾನ್ ಪುತ್ರಿ ಸುಹಾನಾ ಖಾನ್ ಕೂಡ ಈ ಜಾಲದಿಂದ ತಪ್ಪಿಸಿಕೊಂಡಿಲ್ಲ. ಕೇವಲ ನಟಿಯರು ಮಾತ್ರವಲ್ಲದೆ, ಬಾಲಿವುಡ್ನ ಸೂಪರ್ಸ್ಟಾರ್ಗಳಾದ ಶಾರುಖ್ ಖಾನ್ ಮತ್ತು ಸಲ್ಮಾನ್ ಖಾನ್ ಅವರ ಮುಖಗಳನ್ನು ಬಳಸಿ ರಾಜಕೀಯ ಪ್ರಚಾರದ ಅಥವಾ ವಿವಾದಾತ್ಮಕ ಹೇಳಿಕೆಗಳ ನಕಲಿ ಆಡಿಯೋ-ವೀಡಿಯೋಗಳನ್ನು ಸೃಷ್ಟಿಸಿ ಸಾರ್ವಜನಿಕರಲ್ಲಿ ಗೊಂದಲ ಮೂಡಿಸುವ ಪ್ರಯತ್ನಗಳು ಈ ಹಿಂದೆಯೂ ನಡೆದಿವೆ.
Click it and Unblock the Notifications
Sign in with Google