Gilli: ತುಂಬಾ ಸಣ್ಣ ಆಗಿದ್ದೀಯ: ಬಿಗ್ಬಾಸ್ ವಿನ್ನರ್ ಗಿಲ್ಲಿಗೆ ನಟ ಶಿವಣ್ಣ ನಿವಾಸದಲ್ಲಿ ಆತಿಥ್ಯ
ಬಿಗ್ಬಾಸ್ ಕನ್ನಡ ಸೀಸನ್-12ರ ವಿನ್ನರ್ ಆಗಿ ಹೊರಹೊಮ್ಮಿದ ಬಳಿಕ ನಟ ಗಿಲ್ಲಿ ಅವರು ಹ್ಯಾಟ್ರಿಕ್ ಹೀರೋ ಶಿವರಾಜ್ಕುಮಾರ್ ಅವರನ್ನು ಭೇಟಿ ಮಾಡಿದರು. ಶಿವರಾಜ್ಕುಮಾರ್ ಅವರ ನಿವಾಸಕ್ಕೆ ತೆರಳಿದ ಗಿಲ್ಲಿಯನ್ನು, ಶಿವಣ್ಣ ಹಾಗೂ ಗೀತಾ ಶಿವರಾಜ್ಕುಮಾರ್ ದಂಪತಿ ಆತ್ಮೀಯವಾಗಿ ಬರಮಾಡಿಕೊಂಡು ಅಭಿನಂದಿಸಿದರು. ಈ ಭೇಟಿ ವೇಳೆ ಬಿಗ್ಬಾಸ್ ಗೆಲುವಿನ ಖುಷಿ, ಗಿಲ್ಲಿಯ ಆಟದ ಪಯಣ ಮತ್ತು ಮುಂದಿನ ಸಿನಿ ಜೀವನದ ಬಗ್ಗೆ ಸವಿಸ್ತಾರವಾಗಿ ಚರ್ಚೆ ನಡೆಯಿತು.
ಭೇಟಿಯ ಸಂದರ್ಭದಲ್ಲಿ ಮಾತನಾಡಿದ ಶಿವರಾಜ್ಕುಮಾರ್, ಗಿಲ್ಲಿಯ ಗೆಲುವಿನ ಬಗ್ಗೆ ತಮ್ಮ ನಂಬಿಕೆಯನ್ನು ಹಂಚಿಕೊಂಡರು. "ನಾನು ಕಾರ್ಯಕ್ರಮವೊಂದರಲ್ಲಿ ಬಿಗ್ಬಾಸ್ ಗೆಲ್ಲೋದು ಗಿಲ್ಲಿಯೇ ಎಂದು ಟೇಬಲ್ ತಟ್ಟಿ ಹೇಳಿದ್ದೆ. ಅದೇ ದಿನ ನೀನು ಬಿಗ್ಬಾಸ್ ಮನೆಯೊಳಗೆ ನನ್ನ ಬಗ್ಗೆ ಮಾತನಾಡಿದ್ದೀಯ. ಅದು ನನಗೂ ಆಗಲೇ ಗೊತ್ತಿರಲಿಲ್ಲ. ಆದರೆ ಇಬ್ಬರ ಮಾತುಗಳು ಒಂದೇ ದಿನ ಸಿಂಕ್ ಆಗಿವೆ. ಇದು ನನಗೂ ವಿಶೇಷ ಅನುಭವ" ಎಂದು ಶಿವಣ್ಣ ಹೇಳಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಗಿಲ್ಲಿ, ಶಿವರಾಜ್ಕುಮಾರ್ ಬಗ್ಗೆ ತಾನು ಹೊಂದಿರುವ ಗೌರವ ಮತ್ತು ಅಭಿಮಾನವನ್ನು ವ್ಯಕ್ತಪಡಿಸಿದರು.
ಗಿಲ್ಲಿಯ ದೇಹದ ಬದಲಾವಣೆಯತ್ತ ಗಮನ ಹರಿಸಿದ ಶಿವರಾಜ್ಕುಮಾರ್, "ತುಂಬಾ ಸಣ್ಣ ಆಗಿದ್ದೀಯ" ಎಂದು ಕಾಳಜಿಯಿಂದ ಪ್ರಶ್ನಿಸಿದರು. ಬಿಗ್ಬಾಸ್ ಮನೆಯೊಳಗಿನ 100 ದಿನಗಳ ಅನುಭವದಲ್ಲಿ ದೈಹಿಕ ಹಾಗೂ ಮಾನಸಿಕ ಸವಾಲುಗಳ ನಡುವೆಯೂ ಸಾಕಷ್ಟು ತೂಕ ಇಳಿಸಿಕೊಂಡಿರುವುದನ್ನು ಗಿಲ್ಲಿ ವಿವರಿಸಿದರು. ಗಿಲ್ಲಿಯ ಆರೋಗ್ಯದ ಬಗ್ಗೆ ಶಿವಣ್ಣ ಸಲಹೆ ನೀಡಿದರು.
ಗಿಲ್ಲಿ ಜೊತೆ ಸಿನಿಮಾ ಮಾಡ್ತೀನಿ
ಈ ಹಿಂದೆಯೇ ಗಿಲ್ಲಿಯ ಪ್ರತಿಭೆಯನ್ನು ಮೆಚ್ಚಿಕೊಂಡಿದ್ದ ಶಿವರಾಜ್ಕುಮಾರ್ ಅವರು, ಸಿನಿಮಾದಲ್ಲಿ ಗಿಲ್ಲಿ ಜೊತೆ ನಟಿಸುವುದಾಗಿ ಹೇಳಿದ್ದರು. ಬಿಗ್ಬಾಸ್ ವಿನ್ನರ್ ಆದ ಬಳಿಕ ನಡೆದ ಈ ಭೇಟಿ, ಗಿಲ್ಲಿಯ ಸಿನಿ ಬದುಕಿಗೆ ಹೊಸ ದಾರಿ ತೆರೆದಂತಾಗಿದೆ. ಅಭಿಮಾನಿಗಳ ವಲಯದಲ್ಲಿ ಈ ಭೇಟಿಯ ಬಗ್ಗೆ ಭಾರೀ ಚರ್ಚೆ ನಡೆಯುತ್ತಿದ್ದು, ಗಿಲ್ಲಿ ಶಿವರಾಜ್ಕುಮಾರ್ ಜೊತೆ ಯಾವ ರೀತಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂಬ ಕುತೂಹಲ ಹೆಚ್ಚಾಗಿದೆ. ಬಿಗ್ಬಾಸ್ ಗೆಲುವಿನ ಬಳಿಕ ಹಿರಿಯ ನಟರಿಂದ ಸಿಕ್ಕಿರುವ ಈ ಆಶೀರ್ವಾದ ಗಿಲ್ಲಿಯ ಮುಂದಿನ ಪ್ರಯಾಣಕ್ಕೆ ದೊಡ್ಡ ಬೆಂಬಲವಾಗಲಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.
Gilli with KING SHIVANNA👑🙇🏻♂️ pic.twitter.com/ZjD0wjakAQ
— Hitesh VeSa (@Vesahitesh) January 20, 2026
ಇದೇ ವೇಳೆ ವಿಶೇಷ ಕ್ಷಣವೊಂದರಲ್ಲಿ, ಶಿವರಾಜ್ಕುಮಾರ್ ಅವರ ಮನೆಯಿಂದಲೇ ಗಿಲ್ಲಿ ಜನಪ್ರಿಯ ಆಂಕರ್ ಅನುಶ್ರೀ ಅವರಿಗೆ ವಿಡಿಯೋ ಕಾಲ್ ಮಾಡಿ ಮಾತನಾಡಿದರು. ಈ ಸಂದರ್ಭದಲ್ಲಿ ಅನುಶ್ರೀ, "ಗಿಲ್ಲಿ ಬಿಗ್ಬಾಸ್ ಗೆದ್ದಿದ್ದು ನಿಜಕ್ಕೂ ತುಂಬಾ ಖುಷಿ. ನೀನು ಈ ಗೆಲುವಿಗೆ ಸಂಪೂರ್ಣವಾಗಿ ಅರ್ಹ. ಹೃದಯಪೂರ್ವಕ ಅಭಿನಂದನೆಗಳು" ಎಂದು ಶುಭ ಹಾರೈಸಿದರು. ಶಿವಣ್ಣನ ಮನೆಯಲ್ಲಿಯೇ ನಡೆದ ಈ ವಿಡಿಯೋ ಕಾಲ್ ಕ್ಷಣಗಳು ಅಭಿಮಾನಿಗಳಲ್ಲಿ ಮತ್ತಷ್ಟು ಕುತೂಹಲ ಮತ್ತು ಸಂತಸ ಮೂಡಿಸಿದೆ. ಬಿಗ್ಬಾಸ್ ವಿನ್ನರ್ ಆದ ಬಳಿಕ ನಡೆದ ಈ ಭೇಟಿ, ಗಿಲ್ಲಿಯ ಸಿನಿ ಬದುಕಿಗೆ ಹೊಸ ದಿಕ್ಕು ನೀಡುವ ಸಾಧ್ಯತೆಯಿದೆ ಎನ್ನಲಾಗುತ್ತಿದೆ. ಹಿರಿಯ ನಟರಿಂದ ಸಿಕ್ಕಿರುವ ಈ ಆಶೀರ್ವಾದ ಗಿಲ್ಲಿಯ ಮುಂದಿನ ಪ್ರಯಾಣಕ್ಕೆ ದೊಡ್ಡ ಬೆಂಬಲವಾಗಲಿದೆ ಎಂಬ ಅಭಿಪ್ರಾಯ ವ್ಯಕ್ತವಾಗಿದೆ.
Click it and Unblock the Notifications
Sign in with Google