ಗಣೇಶ ಚತುರ್ಥಿ ಆಚರಿಸಿ ಡಿವೋರ್ಸ್ ವದಂತಿಗೆ ಬ್ರೇಕ್ ಹಾಕಿದ ನಟ ಗೋವಿಂದ ದಂಪತಿ
ಬಾಲಿವುಡ್ನ ಖ್ಯಾತ ಹಿರಿಯ ನಟ ಗೋವಿಂದ ಹಾಗೂ ಸುನೀತಾ ಅಹುಜಾ ಡಿವೋರ್ಸ್ ಪಡೆಯುತ್ತಿದ್ದಾರೆ ಎಂಬ ಸುದ್ದಿ ಹರಿದಾಡಿತ್ತು. ಈ ಬಗ್ಗೆ ದಂಪತಿ ಕೂಡ ಸ್ಪಷ್ಟನೆ ನೀಡಿರಲಿಲ್ಲ. ಆದರೆ ಇಂದು ಗಣೇಶ ಚತುರ್ಥಿಯಂದೇ ಈ ಜೋಡಿಯ ಡಿವೋರ್ಸ್ ವದಂತಿಗೆ ಕೊನೆಗೂ ಉತ್ತರ ಸಿಕ್ಕಿದೆ. ಇಬ್ಬರೂ ಒಟ್ಟಿಗೆ ಗಣೇಶನಿಗೆ ಪೂಜೆ ಸಲ್ಲಿಸಿ, ಸಿಹಿ ಹಂಚುತ್ತಾ ಒಟ್ಟಾಗಿ ಕಾಣಿಸಿಕೊಂಡು ವಿಚ್ಛೇದನದ ವದಂತಿಗೆ ಫುಲ್ ಸ್ಟಾಪ್ ಇಟ್ಟಿದ್ದಾರೆ.
ಪತಿ ನಟ ಗೋವಿಂದ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸುವ ವದಂತಿಗಳನ್ನು ನಿರಾಕರಿಸಿದ ಸುನೀತಾ ಅಹುಜಾ, ನಮ್ಮ ನಡುವೆ ಏನಾದರೂ ಆಗಿದ್ದರೆ, ಇಂದು ನಾವು ತುಂಬಾ ಹತ್ತಿರವಾಗುತ್ತಿದ್ದೆವು. ನಮ್ಮ ನಡುವೆ ಅಂತರವಿರುತ್ತಿತ್ತು. ದೇವರು ಮೇಲಿನಿಂದ ಬಂದರೂ ಯಾರೂ ನಮ್ಮನ್ನು ಬೇರ್ಪಡಿಸಲು ಸಾಧ್ಯವಿಲ್ಲ. ನನ್ನ ಗೋವಿಂದ ನನ್ನವನು, ಬೇರೆಯವನಲ್ಲ. ನಾವು ಬಾಯಿ ಮಾತನಾಡುವವರೆಗೆ ದಯವಿಟ್ಟು ಇದರ ಬಗ್ಗೆ ಏನನ್ನೂ ಹೇಳಬೇಡಿ ಎಂದು ಸುನೀತಾ ಅಹುಜಾ ಹೇಳಿದ್ದಾರೆ.
ಗೋವಿಂದ ಮತ್ತು ಸುನೀತಾ ಅಹುಜಾ ಬುಧವಾರ ಮುಂಬೈನ ತಮ್ಮ ನಿವಾಸದಲ್ಲಿ ಗಣೇಶ ಚತುರ್ಥಿಯನ್ನು ಆಚರಿಸಲು ಒಟ್ಟಿಗೆ ಸೇರುವ ಮೂಲಕ ಎಲ್ಲ ವದಂತಿಗಳಿಗೆ ತೆರೆ ಎಳೆದಿದ್ದಾರೆ. ಮೆರೂನ್ ಬಣ್ಣದ ಕುರ್ತಾ ಧರಿಸಿದ್ದ ಗೋವಿಂದ, ಅದಕ್ಕೆ ಮ್ಯಾಚಿಂಗ್ ಸೀರೆಯನ್ನು ಧರಿಸಿದ್ದ ಸುನೀತಾ ನಾವಿಬ್ಬರೂ ಒಂದೇ ಎಂಬ ಸಂದೇಶ ಸ್ಪಷ್ಟಪಡಿಸಿದ್ದಾರೆ. ಹಬ್ಬದ ವೀಡಿಯೊಗಳು ವೈರಲ್ ಆಗಿದ್ದು, ದಂಪತಿಗಳು ಭಕ್ತಿಯಿಂದ ಗಣಪತಿ ಪೂಜೆಯನ್ನು ಮಾಡುವುದು, ಪಾಪರಾಜಿಗಳಿಗೆ ಸಿಹಿತಿಂಡಿಗಳನ್ನು ವಿತರಿಸಿದ್ದಾರೆ.
ಗೋವಿಂದ ಎಂದಿಗೂ ನನ್ನವ
ತಮ್ಮ ವೈವಾಹಿಕ ಜೀವನದ ಬಗೆಗಿನ ವದಂತಿಗಳನ್ನು ತಳ್ಳಿಹಾಕಿದ ಅವರು ಯಾರೂ ಅಂತಹ ಮಾತುಗಳನ್ನು ನಂಬಬಾರದು ಎಂದು ಹೇಳಿದ್ದಾರೆ. ನಮ್ಮ ನಡುವೆ ಯಾರೂ ಬರಲು ಸಾಧ್ಯವಿಲ್ಲ. ನಾವಿಬ್ಬರೂ ಇಷ್ಟು ಕ್ಲೋಸ್ ಆಗಿದ್ದೀವಿ. ಏನಾದ್ರೂ ತಪ್ಪಿದ್ರೆ ನಾವು ಇಷ್ಟು ಕ್ಲೋಸ್ ಆಗಿರಲು ಸಾಧ್ಯವೇ? ನಮ್ಮಿಬ್ಬರ ನಡುವೆ ಅಂತರ ಇರುತ್ತಿತ್ತು. ಯಾರೂ ನಮ್ಮನ್ನು ದೂರ ಮಾಡಲು ಸಾಧ್ಯವಿಲ್ಲ. ನನ್ನ ಗೋವಿಂದ ನನ್ನವನೇ ಎಂದಿದ್ದಾರೆ ಸುನೀತಾ.
ಗೋವಿಂದ ಮತ್ತು ಸುನೀತಾ ಅಹುಜಾ 1987ರಲ್ಲಿ ವಿವಾಹವಾದರು. ಟೀನಾ ಅಹುಜಾ ಮತ್ತು ಮಗ ಯಶವರ್ಧನ್ ಎಂಬ ಇಬ್ಬರು ಮಕ್ಕಳು ಕೂಡ ಇದ್ದಾರೆ. ಸುನೀತಾ ಅವರು ಕಳೆದ ಡಿಸೆಂಬರ್ನಲ್ಲಿ ಬಾಂದ್ರಾ ಕೌಟುಂಬಿಕ ನ್ಯಾಯಾಲಯದಲ್ಲಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದಾರೆ ಎಂದು ಕೆಲವು ವರದಿಗಳು ಹೊರಬಂದ ನಂತರ ವಿಚ್ಛೇದನದ ಬಗ್ಗೆ ಊಹಾಪೋಹಗಳು ಹರಿದಾಡಿದವು. ಈಗ ಎಲ್ಲದಕ್ಕೂ ಉತ್ತರ ಸಿಕ್ಕಿದೆ.
Click it and Unblock the Notifications
Sign in with Google