ರಾಮನಗರ: ರೇಷ್ಮೆ, ರಣಹದ್ದು, ಶೋಲೆಯ ನೆನಪಿನಂಗಳ

ರಾಮನಗರ, ಮೇ 1: ರಾಜಧಾನಿ ಬೆಂಗಳೂರಿಗೆ ಅಂಟಿಕೊಂಡೇ ಇರುವ ರಾಜಕೀಯ ಮಹತ್ವದ ಜಿಲ್ಲೆ. ಇದು ರಾಮದೇವರ ಬೆಟ್ಟ, ರಾಮನಗರ ರೇಷ್ಮೆ, ಶೋಲೆ, ಬಸಂತಿ, ರಣಹದ್ದು, ಚನ್ನಪಟ್ಟಣದ ಗೊಂಬೆ ನೆನಪಿನಂಗಳ.

ಬೆಂಗಳೂರಿನಿಂದ ಮೈಸೂರು ರಸ್ತೆ ಮಾರ್ಗವಾಗಿ 48 ಕಿಮೀ ದೂರ ಕ್ರಮಿಸಿದರೆ ರಾಮನಗರ ಕಾಣಸಿಗುತ್ತದೆ. ರಾಮನಗರದ ಸುತ್ತಮುತ್ತ ಸಪ್ತಗಿರಿಗಳಿದ್ದು, ಐತಿಹಾಸಿಕವಾಗಿ ಮತ್ತು ಪೌರಾಣಿಕವಾಗಿ ವಿಶೇಷ ಸ್ಥಾನಮಾನ ಗಳಿಸಿದೆ. ಸದ್ಯಕ್ಕೆ ರಾಜಕೀಯವಾಗಿಯೂ ಜಿಲ್ಲೆಗೆ ಭಾರಿ ಮಹತ್ವವೇ ಬಂದಿದೆ.

ಜಿಲ್ಲೆ ಹೊಸದಾಗಿ ರಚನೆಯಾಗಿದೆ. ಇಲ್ಲಿರುವುದು ನಾಲ್ಕೇ ವಿಧಾನಸಭಾ ಕ್ಷೇತ್ರಗಳು: 1. ಮಾಗಡಿ, 2. ರಾಮನಗರ, 3. ಕನಕಪುರ ಮತ್ತು 4. ಚನ್ನಪಟ್ಟಣ. ಘಟಾನುಘಟಿಗಳೇ ಜಿಲ್ಲೆಯ ಕಣದಲ್ಲಿ ಜಿದ್ದಾಜಿದ್ದಿ ಹೋರಾಟ ನಡೆಸುತ್ತಿದ್ದಾರೆ. ರಾಮನಗರ ಎಂದಾಕ್ಷಣ ರಾಜಕೀಯವಾಗಿ ಎದ್ದುಕಾಣುವುದು ದೇವೇಗೌಡರ ಕುಟುಂಬ ಮತ್ತು ಡಿಕೆ ಶಿವಕುಮಾರ್. [ 2013 ಫಲಿತಾಂಶ: ಗೆದ್ದವರು, ಸೋತವರ ವಿವರ]

ಜೆಡಿಎಸ್ ಕುಟುಂಬದಿಂದ ಎಚ್ ಸಿ ಬಾಲಕೃಷ್ಣ (ಮಾಗಡಿ), ಎಚ್ ಡಿ ಕುಮಾರಸ್ವಾಮಿ (ರಾಮನಗರ), ಪಿಜಿಆರ್ ಸಿಂಧ್ಯಾ (ಕನಕಪುರ) ಮತ್ತು ಅನಿತಾ ಕುಮಾರಸ್ವಾಮಿ (ಚನ್ನಪಟ್ಟಣ) ಕಣದಲ್ಲಿದ್ದಾರೆ.

ಚನ್ನಪಟ್ಟಣದಿಂದ ಸಿಪಿ ಯೋಗೀಶ್ವರ್ ಅವರು ಸೈಕಲ್ ಹತ್ತಿರುವುದು ಒಂದಷ್ಟು ಕುತೂಹಲ ಮೂಡಿಸಿದೆ. ಅದೇ ರೀತಿ, ಮಾಗಡಿ ಕ್ಷೇತ್ರದಿಂದ ಜೇಡರಹಳ್ಳಿ ಕೃಷ್ಣಪ್ಪ (ಎಚ್ಎಂ ಕೃಷ್ಣ ಮೂರ್ತಿ) ಕೆಜೆಪಿ ಅಭ್ಯರ್ಥಿಯಾಗಿ ಕಣಕ್ಕಿಳಿದಿರುವುದು ಗಮನಾರ್ಹವಾಗಿದೆ.

ಕ್ಷೇತ್ರ ಸಂಖ್ಯೆ	ಕ್ಷೇತ್ರದ ಹೆಸರು	ಬಿಜೆಪಿ	ಕಾಂಗ್ರೆಸ್	ಜೆಡಿಎಸ್	ಕೆಜೆಪಿ
182	ಮಾಗಡಿ	ಜಗದೀಶ್ ಪ್ರಸಾದ್	ಮಂಜುನಾಥ	ಎಚ್ ಸಿ ಬಾಲಕೃಷ್ಣ	ಎಚ್ಎಂ ಕೃಷ್ಣ ಮೂರ್ತಿ
183	ರಾಮನಗರ	ಕೆಎಸ್ ಶಿವಮಾಧು	ಮರಿದೇವರು	ಎಚ್ ಡಿ ಕುಮಾರಸ್ವಾಮಿ	ಎಸ್ಆರ್ ನಾಗರಾಜು
184	ಕನಕಪುರ	ಬಿ ನಾಗರಾಜ್	ಡಿಕೆ ಶಿವಕುಮಾರ್	ಪಿಜಿಆರ್ ಸಿಂಧ್ಯಾ	ಮಧುಗೌಡ
185	ಚನ್ನಪಟ್ಟಣ	ರವಿಕುಮಾರ್ ಗೌಡ	ಸಾದತ್ ಅಲಿ ಖಾನ್	ಅನಿತಾ ಕುಮಾರಸ್ವಾಮಿ	ಸಿಪಿ ಯೋಗೀಶ್ವರ್ (SP ಅಭ್ಯರ್ಥಿ)

English summary

Karnataka assembly election 2013. Bangalore rural Ramanagara district assembly constituency candidates final list. The district has 4 constituencies. Magadi, Ramanagara, Channapatna and Kanakapura