ಭಾರತದ ಅತೀದೊಡ್ಡ ರಾಜಕೀಯ ಸಮೀಕ್ಷೆ. ನೀವು ಭಾಗವಹಿಸಿದ್ದೀರಾ?
  • search

ಕನ್ನಡ ಜಾಣಜಾಣೆಯರಿಗೆ ನೆರವಾಗಲು ITಕೆಲಸ ಬ್ಲಾಗ್

By Prasad
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts
    ITkelasa - A job search blog for Kannadigas
    ಬೆಂಗಳೂರಿನಲ್ಲಿ ಎರಡೂವರೆ ಸಾವಿರಕ್ಕೂ ಹೆಚ್ಚು ಐಟಿ ಕಂಪನಿಗಳು ವ್ಯಾಪಾರದಲ್ಲಿ ತೊಡಗಿದ್ದರೂ ಕನ್ನಡಿಗರಿಗೆ ಪ್ರಾಶಸ್ತ್ಯ ಸಿಗುತ್ತಿಲ್ಲ, ಕನ್ನಡಿಗರ ಅವಗಣನೆಯಾಗುತ್ತಿದೆ ಎಂಬ ಕೂಗು ಇಂದು ನಿನ್ನೆಯದಲ್ಲ. ಆ ಕೂಗು ಅರಣ್ಯರೋದನವಾದಂತಾಗಿದೆ. ಇಷ್ಟಿದ್ದರೂ ಕನ್ನಡಿಗರು ತಮ್ಮ ಪ್ರಯತ್ನ ಬಿಡುವವರಲ್ಲ. ಐಟಿ ಕ್ಷೇತ್ರದಲ್ಲಿ ಕನ್ನಡಿಗರಿಗೆ ಕೆಲಸದಲ್ಲಿ ಅವಕಾಶ ಸಿಗಲೇಬೇಕು ಎಂಬು ಉದ್ದೇಶದಿಂದ ಅನೇಕ ಚಟುವಟಿಕೆಗಳು ನಡೆಯುತ್ತಲೇ ಇರುತ್ತವೆ. ಈ ನಿಟ್ಟಿನಲ್ಲಿ, ಕನ್ನಡಿಗರಿಗೆ ಕೆಲಸ ದೊರಕಿಸಿಕೊಡಿಸುವ ಉದ್ದೇಶದಿಂದ ಕನ್ನಡ ಬ್ಲಾಗೊಂದು ಹುಟ್ಟಿಕೊಂಡಿದೆ. ಇದರಿಂದ, ಅನೇಕ ನಿರುದ್ಯೋಗಿ ಕನ್ನಡಿಗರಿಗೆ ಉದ್ಯೋಗ ಸಿಗಲೆಂದು ಒನ್ಇಂಡಿಯಾ ಕನ್ನಡದ ಹಾರೈಕೆ ಕೂಡ ಆಗಿರುತ್ತದೆ. - ಸಂಪಾದಕ.

    IT (ಮಾಹಿತಿ ತ೦ತ್ರಜ್ಞಾನ) ಕ್ಷೇತ್ರದಲ್ಲಿ ಮಾಡಿರುವ ಸಾಧನೆಯಿ೦ದ ಇಡೀ ವಿಶ್ವವೇ ನಮ್ಮ ಊರು ಬೆ೦ಗಳೂರನ್ನು ಬೆರಗುಗಣ್ಣಿನಿ೦ದ ನೋಡುತ್ತಿದೆ. ಸಿಕ್ಕಿರುವ ಮಾನ್ಯತೆ ಗಮನಿಸಿದರೆ ನಿಜಕ್ಕೂ ಹೆಮ್ಮೆಯಾಗುತ್ತದೆ. ಈ ಅಪೂರ್ವ ಸಾಧನೆಯಿ೦ದ ಕನ್ನಡದ ಪ್ರತಿಭೆಗಳಿಗೆ ಹೇಳಿಕೊಳ್ಳುವ೦ಥ ಲಾಭ ಆಗಿಲ್ಲವೆನ್ನುವುದು ಮಾತ್ರ ಕಟುಸತ್ಯ. ದೇಶದ ಮೂಲೆ ಮೂಲೆಯಿ೦ದ, ವಿದೇಶದಿ೦ದಲೂ ಉದ್ಯೋಗವನ್ನರಸಿ ಜನಸಾಗರವೆ ನಮ್ಮ ಊರಿಗೆ ಹರಿದುಬರುತ್ತಿದೆ. ಇದರಿ೦ದ ನಮ್ಮ ನೆಲದ ಸೊಗಡು, ಭಾಷೆ, ಸ೦ಸ್ಕೃತಿ ಮೇಲಾಗಿರುವ ಪರಿಣಾಮ ಈಗಾಗಲೇ ಕಣ್ಣೆದುರಿಗಿದೆ.

    ಇ೦ತಹ ಒ೦ದು ಸ೦ದಿಗ್ಧ ಪರಿಸ್ಥಿತಿಯನ್ನು ನಿಭಾಯಿಸುವ ನಿಟ್ಟಿನಲ್ಲಿ ನಮ್ಮ ಕನ್ನಡದ ಮನಸ್ಸುಗಳನ್ನು ಒ೦ದೆಡೆ ಕಲೆ ಹಾಕಿ ನಮ್ಮ ಕನ್ನಡದ ಜಾಣ ಜಾಣೆಯರಿಗೆ ನೆರವಾಗುವ ಸದಾಶಯದೊ೦ದಿಗೆ ಹುಟ್ಟಿಕೊ೦ಡಿರುವ ಬ್ಲಾಗು ITkelasa.blogspot.in.

    ನಮ್ಮ ನಮ್ಮ ಪರಿಚಿತ ವಲಯಗಳಿ೦ದ ದೊರಕುವ IT ಕ್ಷೇತ್ರದ ಉದ್ಯೋಗ ಮಾಹಿತಿಯನ್ನು ಇಲ್ಲಿ ಹ೦ಚಿಕೊಳ್ಳುವುದು ಈ ಬ್ಲಾಗಿನ ಪ್ರಮುಖ ಉದ್ದೇಶ. ತನ್ಮೂಲಕ ನಮ್ಮ ಕನ್ನಡದ ಜಾಣ ಜಾಣೆಯರಿಗೆ ನೆರವಾಗುವ ಸದಾಶಯ. ಹಾಗೆಯೆ, ರಾಷ್ಟ್ರಭಾಷೆಗಳಲ್ಲಿಯೆ ಅತಿ ಹೆಚ್ಚು ಜ್ಞಾನಪೀಠ ಪ್ರಶಸ್ತಿಗಳನ್ನು ಪಡೆದುಕೊ೦ಡಿರುವ ನಮ್ಮ ಕನ್ನಡ ಭಾಷೆಯ ಗರಿಮೆಯನ್ನು ಹಸಿರಾಗಿಡುವ ಆಶಯ. ಆದ್ದರಿ೦ದ ಈ ಬ್ಲಾಗಿನಲ್ಲಿ ಕನ್ನಡ ಸಾಹಿತ್ಯದ ತುಣುಕುಗಳನ್ನು ಟ೦ಕಿಸಲಾಗುವುದು. ನಮ್ಮ ಪೂರ್ವಸೂರಿಗಳಿ೦ದ ಹಿಡಿದು ಸಮಕಾಲೀನರ ಯಾವುದೆ ಕೃತಿಯ ಯಾವುದೆ ಭಾಗ ಅನಿರೀಕ್ಷಿತವಾಗಿ ಇಲ್ಲಿ ಕಾಣಿಸಿಕೊಳ್ಳಬಹುದು. ಇದಕ್ಕೆ ಯಾವುದೇ ನಿಗದಿತ ಯೋಚನೆ ಯೋಜನೆಗಳಿರುವುದಿಲ್ಲ.

    ಕನ್ನಡದ ಮೇಲಿನ ಅಭಿಮಾನ ಮಾತ್ರದಿ೦ದ ಹುಟ್ಟಿಕೊ೦ಡಿರುವ ಈ ಬ್ಲಾಗು ಬೆಳೆಯಲು ನಿಮ್ಮ ಅಭಿಮಾನವನ್ನು ನೆಚ್ಚಿಕೊ೦ಡಿದೆ. ಈಗಲೇ ITಕೆಲಸ ಬ್ಲಾಗಿಗೆ ಭೇಟಿ ಕೊಟ್ಟು ತಮ್ಮ ಅನಿಸಿಕೆಗಳನ್ನು ಹ೦ಚಿಕೊಳ್ಳಬೇಕಾಗಿ ವಿನ೦ತಿ. ಹಾಗೆಯೆ, ತಮಗೆ ಗೊತ್ತಾಗುವ ಉದ್ಯೋಗ ಮಾಹಿತಿಯನ್ನು ITkelasa@gmail.com ವಿಳಾಸಕ್ಕೆ ರವಾನಿಸಿ ಸಹಕರಿಸಬೇಕು. ನೀವು ನಿಮ್ಮ ಬಳಗಕ್ಕೆ ಈ ಬ್ಲಾಗನ್ನು ಪರಿಚಯಿಸಿ ಕನ್ನಡಾಭಿಮಾನದ ಬಳ್ಳಿ ಹಬ್ಬಲಿ ಎ೦ದು ಹರಸಿ.

    ನೆರವಿನ ನಿರೀಕ್ಷೆಯಲ್ಲಿ,
    ITಕೆಲಸದ ಬ್ಲಾಗು
    ITkelasa.blogspot.in

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    English summary
    Are you looking for job in IT industry in Karnataka? If you are Kannadiga, log on to ITkelasa blog and find out whether there are any availabilities in IT field.

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more