ಮೀನ ರಾಶಿಗೆ ದುರ್ಮುಖನಾಮ ಸಂವತ್ಸರದ ಫಲಾಫಲ
ದುರ್ಮುಖನಾಮ ಸಂವತ್ಸರದ ಯುಗಾದಿಯಿಂದ ಮುಂದಿನ ವರ್ಷದ ಯುಗಾದಿಯವರೆಗಿನ ಮೀನ ರಾಶಿಯವರು ಫಲಾಫಲ ಹೀಗಿದೆ.
ಪೂರ್ವಾಭಾದ್ರಪದ ನಕ್ಷತ್ರದ ಕೊನೆಯ ಚರಣದವರಿಗೆ ವರ್ಷದ ಆರಂಭ ಸೂಪರ್ ಆಗಿದೆ. ಹಲವಾರು ದಿನಗಳಿಂದ ಕಾಣುತ್ತಿದ್ದ ಕನಸು ಈ ಮೊದಲು ನಾಲ್ಕು ತಿಂಗಳಿನಲ್ಲಿ ನನಸಾಗುವುದರಲ್ಲಿ ಸಂಶಯವೇ ಇಲ್ಲ. ನಂತರದ ನಾಲ್ಕು ತಿಂಗಳು ಅಷ್ಟೇನೂ ಏಳ್ಗೆ ಕಾಣದ ಜೀವನ ಕೊನೆಯ ನಾಲ್ಕು ತಿಂಗಳಿನಲ್ಲಿ ಸ್ವಲ್ಪ ಚೇತರಿಸಿಕೊಳ್ಳಲಾರಭಿಸುತ್ತದೆ.
ಆದರೆ ಇಡೀ ವರ್ಷ ಬರೀ ದುಡ್ಡು ಖರ್ಚು ಮಾಡುವುದೇ ದೊಡ್ಡ ಉದ್ಯೋಗವೆಂದುಕೊಳ್ಳುವಂತಾಗುತ್ತದೆ. ಇನ್ನು ಉತ್ತರಾಭಾದ್ರಪದ ನಕ್ಷತ್ರದವರು ಅಷ್ಟೇನೂ ನಿರೀಕ್ಷೆಯನ್ನು ಈ ವರ್ಷ ಇಟ್ಟುಕೊಳ್ಳುವ ಹಾಗಿಲ್ಲ. ಏಕೆಂದರೆ ಬಂದಿರುವ ಸಮಯವೇ ಹಾಗಿರುವುದರಿಂದ ಪಾಲಿಗೆ ಬಂದದ್ದು ಪಂಚಾಮೃತ ಎಂದುಕೊಂಡಿರಬೇಕು ಸುಮ್ಮನೇ. [ಕುಂಭ ರಾಶಿ ಯುಗಾದಿ ವರ್ಷ ಭವಿಷ್ಯ]
ವರ್ಷದ ಕೊನೆಯ ನಾಲ್ಕು ತಿಂಗಳು ಸ್ವಲ್ಪ ಕಷ್ಟಕರವೆನಿಸುವ ಸಮಯ ಬರುತ್ತದೆ. ಈಗಿನಿಂದ ಪೂರ್ವ ತಯಾರಿ ಮಾಡಿಕೊಂಡಿರುವುದನ್ನು ಒಳ್ಳೆಯದು.
ಇನ್ನು ರೇವತಿ ನಕ್ಷತ್ರದವರು ಮೊದಲು ನಾಲ್ಕು ತಿಂಗಳು ಚೆನ್ನಾಗಿಯೇ ಇರುತ್ತಾರೆ. ನಂತರ ಒಮ್ಮೆಲೆ ತೊಂದರೆಗಳು ಬರಲಾರಂಭಿಸಿ ಕೊನೆಯ ನಾಲ್ಕು ತಿಂಗಳು ಸ್ವಲ್ಪ ಜೀವನ ಸುಧಾರಣೆಯ ಹಾದಿ ಹಿಡಿಯುತ್ತದೆ. ಹಣವಂತೂ ಪೋಲಾಗುವುದೇ ಗೊತ್ತಾಗುವುದಿಲ್ಲ. ಹೀಗಾಗಿ ದುಡ್ಡಿನ ಬರ ಕಾಡುತ್ತಿರುತ್ತದೆ ಯಾವಾಗಲೂ.
ಆಗಸ್ಟ್ ನಂತರ ಗುರುಬಲ ಬರುವುದರಿಂದ ಅದೃಷ್ಟ ಹುಡುಕಿಕೊಂಡು ಬರುತ್ತದೆ. ಈ ಸಮಯದಲ್ಲಿ ಮುಖ್ಯವಾದ ಕೆಲಸಗಳನ್ನು ಮಾಡಿಕೊಳ್ಳಬಹುದು. ಜನವರಿಯಲ್ಲಿ ಶನಿಬಲವೂ ಬರುವುದರಿಂದ ಹೊಸ ವರ್ಷ ಚೆನ್ನಾಗಿಯೇ ಆರಂಭವಾಗುತ್ತದೆ ಈ ರಾಶಿಯವರಿಗೆ. [ಮೀನ, ಮೇಷ, ಮಿಥುನ, ಕರ್ಕ ಗುಣಗಳಿವು]
Click it and Unblock the Notifications
Sign in with Google