ಸಂಖ್ಯಾ ಶಾಸ್ತ್ರ: 5ರ ಸಂಖ್ಯೆ ಗುಣ ವಿಶೇಷಗಳು
ಇವರ ಪಾಲಿಗೆ ಮದುವೆ ಮತ್ತು ಸಂಬಂಧಗಳು ತುಂಬ ಮುಖ್ಯವಾಗುತ್ತವೆ. ಇವರ ಪ್ರಕಾರದ ಪ್ರೀತಿ ವ್ಯಾಖ್ಯಾನವೇ ಬೇರೆಯಾಗಿರುತ್ತದೆ. ಭಾವನೆಗಳ ಭಾರದಲ್ಲಿ ಇರಬಯಸದ ಸಂಖ್ಯೆ ಐದು ಹೊಸ ಸಂಬಂಧಗಳನ್ನು ಬೇಗ ಮಾಡಿಕೊಳ್ಳುತ್ತದೆ.
ಈ ಬಾರಿ ಸಂಖ್ಯೆ 5ರ ಗುಣ, ವಿಶೇಷಗಳ ಬಗ್ಗೆ ತಿಳಿಯೋಣ. ಯಾವುದೇ ತಿಂಗಳ 5, 14, 23ನೇ ತಾರೀಕಿನಲ್ಲಿ ಹುಟ್ಟಿದವರ ಜನ್ಮಸಂಖ್ಯೆ 5 ಆಗುತ್ತದೆ. ಬುಧ ಇವರ ಅಧಿಪತಿ. ಸ್ವತಂತ್ರವಾಗಿ ಬದುಕಬೇಕು ಎಂಬುದು ಇವರ ಸ್ವಭಾವ. ಇಡೀ ಜಗತ್ತನ್ನೇ ಸುತ್ತಿ ಬರಬೇಕೆಂದರೂ ಎರಡು ಜೊತೆ ಬಟ್ಟೆ ಇಟ್ಟುಕೊಂಡು ತಕ್ಷಣವೇ ಸಿದ್ಧವಾಗಿ ಬಿಡ್ತಾರೆ. ಒಟ್ಟಿನಲ್ಲಿ ಇವರಿಗೆ ಕಿರಿಕಿರಿ ಆಗಬಾರದು, ಹೀಗ್ಯಾಕೆ ಮಾಡಿದೆ ಅಂತ ಕೇಳಬಾರದು.
ಜೀವನದ ಪ್ರತಿ ಕ್ಷಣವನ್ನೂ ಆಸ್ವಾದಿಸಬೇಕು ಅನ್ನೋದು ಇವರ ನಂಬಿಕೆ. ತೀರಾ ಗಂಭೀರ ಸ್ವಭಾವದವರಲ್ಲದ ಇವರಿಗೆ ಸ್ನೇಹಿತರು ಅಂದರೆ ಸ್ವಲ್ಪ ಜಾಸ್ತಿಯೇ ಹತ್ತಿರ. ಜೊತೆಗೆ ಕಾಳಜಿ ಕೂಡ. ಆ ಕಾರಣದಿಂದಲೇ ಇವರಿಗಿರುವ ಸ್ನೇಹಿತರ ಸಂಖ್ಯೆಯೂ ಜಾಸ್ತಿ. ಎಲ್ಲರಿಗೂ ಒಂದು ದಾರಿ ಅಂತ ಇರುತ್ತಲ್ಲಾ ಅವುಗಳನ್ನು ಅನುಸರಿಸುವ ಪೈಕಿ ಇವರಲ್ಲ. ಅದರೆ ಬಹಳ ಕ್ರಿಯಾಶೀಲರು. ಕ್ರಿಯೇಟಿವಿಟಿ ಬಳಸುವಂಥ ಕ್ಷೇತ್ರಗಳು ಇವರಿಗೆ ಸೂಕ್ತವಾದದ್ದು.
ಆದರೆ, ಬಲೇ ಚಂಚಲ ಸ್ವಭಾವದವರು. ಆದ್ದರಿಂದ ಇವರ ಬಗ್ಗೆ ಒಂದು ಗೊಂದಲ ಇದ್ದೇ ಇರುತ್ತೆ. ಈ ಸಂಖ್ಯೆಯವರು ತಮ್ಮ ಭಾವಾವೇಶವನ್ನು ನಿಗ್ರಹಿಸಲೇಬೇಕು. ತೀರಾ ಕಟ್ಟುನಿಟ್ಟಾಗಿ ಇರಬೇಕು ಅಂದುಕೊಳ್ಳುವವರೇನಾದರೂ ಇಂತಹವರಿಗೆ ಜತೆಯಾದರೆ ಅವರ ನೆಮ್ಮದಿಗೆ ಎಳ್ಳುನೀರು ಬಿಟ್ಟಹಾಗೆ. ಐದರ ಸಂಖ್ಯೆಯವರು ಮೊದಲು ತಮಗೆ ಬೇಕಾದಂತೆ ಬದುಕೋರು. ಹೀಗೇ ಇರಬೇಕು, ಹಾಗೇ ನಡೆದುಕೊಳ್ಳಬೇಕು ಅನ್ನೋದೆಲ್ಲ ಇವರಿಗೆ ಸಹಿಸೋದಿಕ್ಕೆ ಆಗಲ್ಲ.
ತುಂಬ ಕುತೂಹಲ ಸ್ವಭಾವದ ಇವರಿಗೆ ಎಲ್ಲವನ್ನೂ ತಿಳಿದುಕೊಳ್ಳುವ ಅಪೇಕ್ಷೆ. ಅದು ಸುದ್ದಿ, ಗಾಸಿಪ್, ಹೊಸ ಟ್ರೆಂಡ್ ಏನೇ ಆಗಿರಲಿ ತಿಳಿದುಕೊಳ್ಳಬೇಕು. ಓದುವುದು ಕೂಡ ಅಷ್ಟೇ ಇಷ್ಟದ ವಿಚಾರ. ನಾನು ಹೇಳಿದ್ದೇ ಆಗಬೇಕು ಅನ್ನೋ ಅಂಥವರಲ್ಲ ಎಂಬುದು ಇವರ ವಿಚಾರದಲ್ಲಿ ಪ್ಲಸ್. ಸರಿಯಾದ ಸಲಹೆ, ವಿಚಾರ ಯಾರಿಂದ ಬಂದರೂ ತಾಳ್ಮೆಯಿಂದ ಕೇಳಿಸಿಕೊಳ್ಳುತ್ತಾರೆ.
ಅದರೆ, ಇವರ ಪಾಲಿಗೆ ಮದುವೆ ಮತ್ತು ಸಂಬಂಧಗಳು ತುಂಬ ಮುಖ್ಯವಾಗುತ್ತವೆ. ಇವರ ಪ್ರಕಾರದ ಪ್ರೀತಿ ವ್ಯಾಖ್ಯಾನವೇ ಬೇರೆಯಾಗಿರುತ್ತದೆ. ಭಾವನೆಗಳ ಭಾರದಲ್ಲಿ ಇರಬಯಸದ ಸಂಖ್ಯೆ ಐದು ಹೊಸ ಸಂಬಂಧಗಳನ್ನು ಬೇಗ ಮಾಡಿಕೊಳ್ಳುತ್ತದೆ. ಹಾಗಂತ ಏಕಕಾಲದಲ್ಲಿ ಹಲವರ ಜತೆಗೆ ಚೆನ್ನಾಗಿರ್ತಾರೆ ಅಂತಲೂ ಅಲ್ಲ. ಸಂಬಂಧದಿಂದ ಬೇಗ ಆಚೆಗೆ ಬರುತ್ತಾರೆ ಅಂತಷ್ಟೇ.
ಈ ಸಂಖ್ಯೆಯವರಿಗೆ ಕೆಲ ವಿಚಾರದಲ್ಲಿ ಬೇಜವಾಬ್ದಾರಿ ಇರುತ್ತದೆ. ತುಂಬ ಒರಟಾದ ಉತ್ತರಗಳನ್ನು ಹೇಳ್ತಾರೆ. ಕೆಲವು ಬಾರಿಯಂತೂ ತಾವೇನು ಮಾಡುತ್ತಿದ್ದೀವಿ ಎಂಬ ಪರಿವೆ ಇರೋದಿಲ್ಲ. ಇಂಥ ಗುಣಗಳನ್ನು ತಿದ್ದುಕೊಂಡರೆ ತುಂಬ ಎತ್ತರದ ಸ್ಥಾನವನ್ನು ತಲುಪಿಕೊಳ್ತಾರೆ. ಹ್ಞಾಂ, ಇನ್ನೊಂದು ವಿಷಯ. ಕೆಲಸದ ವಿಚಾರಕ್ಕೆ ಬಂದಾಗ ಒಂದು ಕಡೆ ಕೆಲ ವರ್ಷಗಳಾದರೂ ಕೆಲಸ ಮಾಡಬೇಕು. ಪದೇ ಪದೇ ಬದಲಾಯಿಸುವುದು ಒಳ್ಳೆಯದಲ್ಲ.
3,5,9ರ ಸಂಖ್ಯೆಯಲ್ಲಿ ಹುಟ್ಟಿದವರು ಒಳ್ಳೆ ಬಿಜಿನೆಸ್ ಪಾರ್ಟನರ್ ಆಗ್ತಾರೆ.
1,3,5,9ರ ಸಂಖ್ಯೆಯಲ್ಲಿ ಹುಟ್ಟಿದವರ ಜೊತೆ ಮದುವೆಯಾದರೆ ಹೊಂದಾಣಿಕೆ ಚೆನ್ನಾಗಿರತ್ತೆ.
ನಂಬರ್ 5ರಲ್ಲಿ ಹುಟ್ಟಿದವರು- ಜವಾಹರ್ ಲಾಲ್ ನೆಹರೂ, ವಿಲಿಯಂ ಶೇಕ್ ಸ್ಪಿಯರ್, ಸಂಜಯ ಗಾಂಧಿ, ಮಾರ್ಕ್ ಜುಕರ್ ಬರ್ಗ್, ಅಮೀರ್ ಖಾನ್
ಶುಭ ದಿನ: ಬುಧವಾರ, ಶುಕ್ರವಾರ
ಶುಭ ಬಣ್ಣ: ಹಸಿರು, ತಿಳಿ ಕಂದು, ಹೊಗೆ ಬಣ್ಣದ ಬೂದು
ಶುಭ ದಿನಾಂಕ: 5,14,23,9,18,27
ಶುಭ ರತ್ನ: ಪಚ್ಚೆ, ವಜ್ರ
-
Rameshwaram Cafe: ರಾಮೇಶ್ವರಂ ಕೆಫೆ ಪಾರ್ಸಲ್ - ಬ್ಯಾಗ್ ತುಂಬಾ ದುಬಾರಿ ಕಣ್ರೀ: ಸೋಷಿಯಲ್ ಮೀಡಿಯಾ ವೈರಲ್ ಪೋಸ್ಟ್ -
Hardik Pandya: ವಾಂಖೆಡೆ ಸ್ಟೇಡಿಯಂ ಸಿಬ್ಬಂದಿಗೆ ನೀಡಿದ್ದ ಸಹಾಯಹಸ್ತದ ಮಾತು ಉಳಿಸಿಕೊಂಡ ಹಾರ್ದಿಕ್ ಪಾಂಡ್ಯ -
March 30 Horoscope: ಕೆಲಸ ಮತ್ತು ಹಣದ ಸ್ಥಿತಿಯಲ್ಲಿ ಹೊಸ ಬದಲಾವಣೆ -
Bengaluru Property Tax: ಆಸ್ತಿ ತೆರಿಗೆ ಸ್ವೀಕಾರಕ್ಕಾಗಿ ರಾತ್ರಿ 10ಗಂಟೆವರೆಗೆ ಪಾಲಿಕೆ ಕಚೇರಿ ಓಪನ್ -
Arecanut Price: ದಾವಣಗೆರೆ ಮಾರುಕಟ್ಟೆಯಲ್ಲಿ ರಾಶಿ ಅಡಿಕೆ ಧಾರಣೆ ಭರ್ಜರಿ ಏರಿಕೆ: ಇಲ್ಲಿದೆ ಮಾರ್ಚ್ 30ರ ದರಪಟ್ಟಿ -
Hardik Pandya: ಕೇವಲ 35 ದಿನಗಳಲ್ಲಿ ಕೋಟಿ.. ಕೋಟಿ ಖರ್ಚು ಮಾಡಿದ ಹಾರ್ದಿಕ್ ಪಾಂಡ್ಯ; ಇಲ್ಲಿದೆ ಪಟ್ಟಿ -
ಕರ್ನಾಟಕ ಪ್ರಥಮ PUC ಫಲಿತಾಂಶ 2026 ಪ್ರಕಟ: ಫಲಿತಾಂಶ ವೀಕ್ಷಿಸುವುದು ಹೇಗೆ? ಇಲ್ಲಿದೆ ಮಾಹಿತಿ -
March 31 Horoscope: ಲಾಭ, ನಷ್ಟ, ಆರೋಗ್ಯದ ಸಂಪೂರ್ಣ ಮಾಹಿತಿ -
Karnataka Weather: ಬೆಂಗಳೂರು ಸೇರಿದಂತೆ ದಕ್ಷಿಣ ಒಳನಾಡಿನ ಈ ಜಿಲ್ಲೆಗಳಲ್ಲಿ ಇಂದು ಗುಡುಗು ಸಹಿತ ಮಳೆಯ ಆರ್ಭಟ -
Gold Rate Today: ವಾರದ ಆರಂಭದಲ್ಲೇ ಚಿನ್ನದ ಬೆಲೆ ಕುಸಿತ; 100 ಗ್ರಾಂ ಖರೀದಿಸಿದರೆ 8,100 ರೂಪಾಯಿವರೆಗೆ ಉಳಿತಾಯ -
Karnataka Rain: ಬೇಸಿಗೆಯಲ್ಲೂ ಮಳೆರಾಯನ ಆರ್ಭಟ: ಏಪ್ರಿಲ್ 4ರವರೆಗೆ ಕರ್ನಾಟಕದ 16 ಜಿಲ್ಲೆಗಳಲ್ಲಿ ಗುಡುಗು ಸಹಿತ ಮಳೆ -
Kerosene: ಎಲ್ಪಿಜಿ ಸಮಸ್ಯೆಗೆ ಕೇಂದ್ರದಿಂದ ಹೊಸ ಪರಿಹಾರ: ಮತ್ತೆ ಸಿಗಲಿದೆ ಸೀಮೆಎಣ್ಣೆ, ಪೆಟ್ರೋಲ್ ಬಂಕ್ಗಳಲ್ಲಿ ವಿತರಣೆ
Click it and Unblock the Notifications
Sign in with Google