Angaraka Yoga 2024: 18 ವರ್ಷಗಳ ನಂತರ ರೂಪಗೊಂಡ ಅಂಗಾರಕ ಯೋಗ: ಈ 3 ರಾಶಿಯವರಿಗೆ ಗಂಡಾಂತರ!

ಗ್ರಹಗಳು ಕಾಲ ಕಾಲಕ್ಕೆ ರಾಶಿಯನ್ನು ಬದಲಾಯಿಸುತ್ತವೆ. ಕೆಲವೊಮ್ಮೆ ಒಂದು ರಾಶಿಯಲ್ಲಿ ಒಂದಕ್ಕಿಂತ ಹೆಚ್ಚು ಗ್ರಹಗಳು ಸಂಚಾರ ಮಾಡಬಹುದು. ಈ ಗ್ರಹಗಳ ಸಂಯೋಜನೆಯು ಮಂಗಳಕರ ಅಥವಾ ಅಶುಭ ಯೋಗಗಳನ್ನು ಉಂಟುಮಾಡುತ್ತದೆ. ಹೀಗೆ ರೂಪುಗೊಂಡ ಯೋಗಗಳ ಪರಿಣಾಮ ಮೇಷದಿಂದ ಮೀನದವರೆಗಿನ ಎಲ್ಲಾ ರಾಶಿಗಳಲ್ಲಿ ಕಂಡುಬರುತ್ತದೆ.

ಗ್ರಹಗಳ ಅಧಿಪತಿ ಎಂದು ಪರಿಗಣಿಸಲ್ಪಟ್ಟ ಮಂಗಳ ಏಪ್ರಿಲ್ 23 ರಂದು ಕುಂಭದಿಂದ ಮೀನ ರಾಶಿಯನ್ನು ಪ್ರವೇಶಿಸಿತು. ರಾಹು ಈಗಾಗಲೇ ಈ ಮೀನ ರಾಶಿಯಲ್ಲಿ ಸಂಚರಿಸುತ್ತಿದ್ದಾನೆ. ಹೀಗೆ ಮೀನ ರಾಶಿಯಲ್ಲಿ ಮಂಗಳ ಮತ್ತು ರಾಹುಗಳ ಸಂಯೋಗದಿಂದ ತುಂಬಾ ಕೆಟ್ಟ ಯೋಗವಾದ ಅಂಗಾರಕ ಯೋಗ ಉಂಟಾಗುತ್ತದೆ.

ಈ ಯೋಗದ ಪ್ರಭಾವವನ್ನು ಎಲ್ಲಾ ರಾಶಿಚಕ್ರ ಚಿಹ್ನೆಗಳಲ್ಲಿ ನೋಡಬಹುದಾದರೂ, ಈ ಯೋಗವು ಕೆಲವು ರಾಶಿಗಳಿಗೆ ತೊಂದರೆಗಳನ್ನು ಹೆಚ್ಚಿಸಬಹುದು. ವಿಶೇಷವಾಗಿ ಹಣಕಾಸಿನ ಸಮಸ್ಯೆಗಳು ಮತ್ತು ಆರೋಗ್ಯ ಸಂಬಂಧಿತ ಸಮಸ್ಯೆಗಳು ಹೆಚ್ಚಾಗಿ ಕಂಡುಬರುತ್ತವೆ. ಹಾಗಾದರೆ ಈಗ ರಾಹು ಮಂಗಳ ಸಂಯೋಜನೆಯಿಂದ ರೂಪುಗೊಂಡ ಅಂಗಾರಕ ಯೋಗದ ಕಾರಣದಿಂದ ಎಚ್ಚರವಾಗಿ ಇರಬೇಕಾದ ರಾಶಿಗಳು ಯಾವೆಂದು ನೋಡೋಣ.

ವೃಷಭ ರಾಶಿ

ವೃಷಭ ರಾಶಿಯವರಿಗೆ ಅಂಗಾರಕ ಯೋಗ ತುಂಬಾ ಕೆಟ್ಟ ಪರಿಣಾಮವನ್ನು ಬೀರುತ್ತದೆ. ವೃಷಭ ರಾಶಿಯವರಿಗೆ ಅಂಗಾರಕ ಯೋಗ ಕುಟುಂಬದಲ್ಲಿ ಅನೇಕ ಸಮಸ್ಯೆಗಳನ್ನು ತರುತ್ತದೆ. ವಿವಾಹಿತರ ವೈವಾಹಿಕ ಜೀವನ ತುಂಬಾ ಕೆಟ್ಟದಾಗಿರುತ್ತದೆ.

ನಿಮ್ಮ ಸಂಗಾತಿಯೊಂದಿಗೆ ನೀವು ಸಾಕಷ್ಟು ವಾದಗಳು ಮತ್ತು ಜಗಳಗಳಿಗೆ ಒಳಗಾಗಬಹುದು. ಈ ಅವಧಿಯಲ್ಲಿ ತುಂಬಾ ತಾಳ್ಮೆಯಿಂದಿರಿ. ನೀವು ಏನನ್ನಾದರೂ ಹೂಡಿಕೆ ಮಾಡಲು ಯೋಚಿಸುತ್ತಿದ್ದರೆ, ಅದನ್ನು ಮುಂದೂಡಿ ಎಂದು ಸಲಹೆ ನೀಡಲಾಗುತ್ತದೆ. ಆದಷ್ಟು ಹೂಡಿಕೆಯಿಂದ ದೂರವಿರುವುದು ಉತ್ತಮ.

ಸಿಂಹ ರಾಶಿ

8ನೇ ಮನೆಯಲ್ಲಿ ಅಂಗಾರಕ ಯೋಗ ರೂಪುಗೊಂಡಿರುವುದರಿಂದ ಸಿಂಹ ರಾಶಿಯವರು ರೋಗಗಳಿಂದ ಬಳಲಬಹುದು. ಕೆಲವರು ಅಪಘಾತಕ್ಕೆ ತುತ್ತಾಗಬಹುದು. ಈ ಸಮಯದಲ್ಲಿ ನೀವು ಅನಗತ್ಯ ಖರ್ಚುಗಳನ್ನು ಎದುರಿಸಬಹುದು.

ಆದಷ್ಟು ಈ ಅವಧಿಯಲ್ಲಿ ಯಾವುದೇ ಹೊಸ ಕೆಲಸ ಮಾಡುವುದನ್ನು ತಪ್ಪಿಸುವುದು ಉತ್ತಮ. ಇಲ್ಲದಿದ್ದರೆ, ಕೆಲಸವು ವಿಫಲಗೊಳ್ಳುತ್ತದೆ ಅಥವಾ ನಷ್ಟವನ್ನು ಉಂಟುಮಾಡುತ್ತದೆ. ಎಲ್ಲಕ್ಕಿಂತ ಮುಖ್ಯವಾಗಿ ಯಾರಿಗೂ ಸಾಲ ಕೊಡಬೇಡಿ. ಇಲ್ಲದಿದ್ದರೆ, ಹಣವನ್ನು ವಾಪಾಸ್ ಪಡೆಯುವಲ್ಲಿ ನೀವು ಕಷ್ಟವನ್ನು ಅನುಭವಿಸುವಿರಿ.

ತುಲಾ ರಾಶಿ

ತುಲಾ ರಾಶಿಯವರಿಗೆ ಅಂಗಾರಕ ಯೋಗ ಅಷ್ಟು ಒಳ್ಳೆಯದಲ್ಲ. ತುಲಾ ರಾಶಿಯವರಿಗೆ ಅಂಗಾರಕ ಯೋಗವು ಹೆಚ್ಚಿನ ಆರೋಗ್ಯ ಸಮಸ್ಯೆಗಳನ್ನು ಎದುರಿಸುವಂತೆ ಮಾಡುತ್ತದೆ. ತುಲಾ ರಾಶಿಯವರು ನ್ಯಾಯಾಲಯದ ಪ್ರಕರಣಗಳಲ್ಲಿ ಸೋಲು ಎದುರಾಗಬಹುದು.

ನಿಮ್ಮ ಮನೋಬಲ ಕಡಿಮೆಯಾಗಬಹುದು. ಕೆಲವರು ಅನೇಕ ಹೊಸ ಸವಾಲುಗಳನ್ನು ಎದುರಿಸಬಹುದು. ಮುಖ್ಯವಾಗಿ ಬೆನ್ನು ನೋವು, ಹುಣ್ಣು ಮುಂತಾದ ಸಮಸ್ಯೆಗಳಿಂದ ಬಳಲಬೇಕಾಗುತ್ತದೆ. ರಹಸ್ಯ ಶತ್ರುಗಳೊಂದಿಗೆ ಜಾಗರೂಕರಾಗಿರಿ.

(ಗಮನಿಸಿ: ಮೇಲೆ ನೀಡಲಾದ ಮಾಹಿತಿಯು ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಮಾಹಿತಿಯನ್ನು ಒದಗಿಸುವುದು ನಮ್ಮ ಏಕೈಕ ಉದ್ದೇಶವಾಗಿದೆ. ಯಾವುದೇ ಮಾಹಿತಿ ಅನುಷ್ಠಾನಗೊಳಿಸುವ ಮೊದಲು ಸಂಬಂಧಿತ ವೃತ್ತಿಪರರನ್ನು ಸಂಪರ್ಕಿಸಿ.)

English summary

Mars rahu conjunction made angarak yog 2024 these zodiac signs face more problems in kannada.